اول تقرير بالصور لتويوتا كورولا 2014 الجديدة في مصر

**kazamodia** · 25-08-2013 09:18 PM

انهارده عديت بالصدفة على العباسية ولاقيت نفسي جنب تويوتا مصر قلت اخش ابص على الكورولا الجديدة وبالمرة بقا اعمل تقرير بيها لاحلى منتدى :36_3_10[1]:

الواضح انهم منزلين منها كتير يعني تقريبا كده كانت مغرقة المعرض

العربية صناعة تركية وفي منها اربع فئات ودي صورة بمواصفات كل فئة واسعارها

اول وتاني فئة زي بعض بالظبط الفرق الوحيد ان الفئة الاولى مانيول والتانية اوتوماتيك

العربية من الخلف

من الجنب

من الامام

العربية نازلة بفرد كاوتش بريدجستون ياباني

دي فردة بالطاسة

ودي فردة بالجنط

ناقل الحركة الاوتوماتيك

ناقل حركة يدوي ب 6 سرعات

شكل عدادات السرعة في الفئات التالتة والهاي لاين بس والشكل بيتغير في الفئات الاقل

ده شكل العدادات في الفئات الاقل

التابلوه وه بيختلف تماما في الهاي لاين بيبقى شكله اشيك بكتير من كده

ده الهاي لاين فيه شاشة وكاميرا للركن وتكيف تاتش وشكلة في الحقيقة احلى بكتير خصوصا مع الفرش الجلد

الباب

دي زراير اوتو بارك وحاجات تانية كده :C_laugh[1]:

دي صورة للكنبة اللي ورا بحامل الاكواب وطبعا الكنبة واسعة جدا

درج التابلوه

العربية مفيش فيها فتحة سقف في اي فئة بس احلى حاجة فيها انها بتركن لوحدها !! :oh:

انا مش بتاع تقارير اوي يعني بس انا اجتهدت على قد ما اقدر واتمنى اكون افدتكم

**shaker_alz** · 25-08-2013 09:59 PM

تسلم اديك يا باشا

**Ahmed_Adham** · 25-08-2013 10:10 PM

هتعمل مبيعات جامده بالفئه التانيه أوتو اللي ب 185 - حاجه كده تفكرنا بالسيراتو القديمه.

**martinmystery** · 25-08-2013 10:11 PM

كنت فى المعرض النهاردة وشوفت الفئة اللى ب 185 هى جميلة اه بس اللى عحيتنى اكتير تويوتا اوريس ب 190 هاتش باك شكلها من بره مش احلى من الكرولا اه بس الاحسن انها 132 حصان ومن جوه التابلوه زى الهاى لاين من التويوتا كاست تاتش وكاميرا خلفية وكمان فيها شفتات فى الدريكسيون واحد صاحبى جاب الاوريس وبيشكر فيها جدا

ايه رائيكوا اجيب الكرولا ولا الاوريس ؟؟؟؟؟؟؟؟؟؟