السلام عليكم
انا معايا 65 الف وبفكر اشتري عربيه مستعمله ان شاء الله
ياتري ال 65 ممكن يجيبولي بومه ؟ ولا هنقضيها مكوه؟
عرض للطباعة
السلام عليكم
انا معايا 65 الف وبفكر اشتري عربيه مستعمله ان شاء الله
ياتري ال 65 ممكن يجيبولي بومه ؟ ولا هنقضيها مكوه؟
مكواه نضيفه او بومه واقعه
ممكن بومه 1300 2005 او 2006 مانيوال طبعا
اعتقد هتبقي بومة بحاله واقعة لان البومة النضيف ال 1300 بيتكلم لحد 75 الف جنية الحاله النضيفة المانول
بص يامان انا معايا بومة العربية ممتازة مكدبش عليك بس صدقني مش هتفرق عن المكوة حاجة انا يمكن بيعجبني شكل المكوة من قدام اكتر من البومة بس بصراحة لو لاقيت مكوة نضيفة متترددش لو عرفت تزود مثلا 5الاف كمان تجيب بومة مانول نضيفة بس هتبقي رشة وهتبقي 1300 مانوال بس من الاخر لازم تركب الاتنين لانك لازم تشوف ترتاح في اية اكتر لان فلوسك مش قليله والفرق بين المكوة والبومة مش كتير يعني بصراحة انت سعرك قريب للبومة اوي بس ناقصك حاجة بسيطة انا رأأي ياتستني شوية تحوشلك قرشين تزودهم يا تخلص في مكوة دلوقتي وتكون نضيفة بس بيني وبينك البومة احدث شوية وفي البيع بتتباع بسرعة المكوة في بيعها تقيله شوية
اسمع مني انا معايا بومة 1300 بص والله بجد مش وحشة وخد بالك موفرة في البنزين هتوفر في البنزين اووووي وعربية عمليه وتكيفها ممتاز وبسافر بيها وبجيب بيها لحد 160 بلتكيف كمان علي فكرة بص هوة فية نقطة ساعات وساعات كمان يعني بداية الطلعة بتاعها ممكن تحس ان العربية بطة شوية مع التكيف لاكن بعد كدة اما تيجي علي طريق سريع ولا صحراوي هتلاقي العربية حوت معاك وتجري وغرز وثباتها ممتاز صدقني انتة الكسبان اصل خلي بالك انتة مبلغك مش قليل انا مش عاوز تجيب مكوة لان كل ما الموديل بيعلي انتة الكسبان ومعلش خمس الاف جنية فرق وتجيب حاجة احدث ومش فاتحة بوقها احسنلك مهما كان المكوة اخرها 2003 والبومة الي هتجيبها مثلا هتبقي قول 2007 انتة اولي بفرق السنين دي وفرق الاستهلاكات لان كل حاجة بتستهلك بتقصر من عمر كل حاجة في العربية نصيحة زودهم شوية وهات بومة علي الاقل ياسيدي هتبقي احدث وانتة اولي ولا انا غلطان
ونصيحة لو هتجيب 1300 متجبش اتوماتيك خالص هتبقي بطة فعلا معلش نسيت اضيف المعلومة دي
شكرا ياباشا اوي انت بصراحه فدتني جدا بس انا للاسف لازم اشتري اوتوماتيك مش هينفع مانيوال خالص وانا اصلا مش بتاع جري وغرز خالص بس استفسار معلش انا ركبت الكرستاله ال 98 ومع التكييف وهي 1300 برضو واتوماتيك فهل سحب وحركة البومه ال 1300 نفس الكرستاله ولا فيه فرق؟
بص الكريستاله عربية محترمة جداااااااااا جدا ولو هتجيب هات الموديل 1999 او 2000 هتكونglx بص ياسيدي بلنسبة للكريستاله مقارنة بلبومة هيا تتفوق علي البومة في السحب لسبب ان حجم الكريستاله وهيكل العربية اصغر طبعا من البومة واكيد دا ملحوظ وبلتالي هتلاقي سحبها بتجمع احسن من البومة بشوية وفية ميزة وعيب الكريستاله واطية اوي اوي وبتحك في اي مطب ولو صغير تقريبا وطبعا موطيين العربية عشان الثبات فهتتعبك في النقطة دي شوف الكريستاله اولا واخرا عربية محترمة جدااااااااااااااااااااااا ااااااااااااااااااااااااا اااااااا بس تعالي عندك هتلاقي نفسك جايب كريستاله نضيفة لو لاقيت مش اقل من 50الف وانتة طالع كمان خد عندك بقا هتزبط فيها ترخيص وتسجيل وشوف لو محتاجة حاجة كدة ولا كدة قطع غيار هتلاقي نفسك نطيت ل 55الف من غير ماتحس ومعلش اسم العربية موديلها قديم فأنا انصحك متبوصش لموضوع مانول واتوماتيك وتوقف نفسك علية انك تجيب حتي عربية موديلها قدم شوية ولو علي كدة ياسيدي خليك في المكوة احسن اتوماتيك وهتلاقيها في رنج فلوسك واهو احسن من الكريستاله الي قدمت شوية ودة ميمنعش انها عربية فوق الممتازة وثابته نفسها لحد دلوقتي بس انتة في الاخر مش هتلاقي نفسك وفرت ياما لان الكريستاله النضيفة من 50 ل 55 طبعا لو كانت فابريكة برة وجوة بتعمل ال 55 ولو رشة نضافة هتلاقي صاحبها بيتكلم من 50الف ل 52الف معتقدش انها ثقفة مربحة ماديا اوي لان الفرق بسيط وممكن تعلي الموديل وبعدين المكوة بردة عربية فوق الممتازة اتوكل علي الله فيها بس نصيحة اصبر وانتة بتدور ومش اي عربية تلاقيها تجري عليها يعني لازم تحس انها حاله نضيفة شوية وعربية بيتي ويستحسن تلاقيها مالك اول وطبعا الكشف دا اهم حاجة وانصحك تدور في الوسيط والنت ممكن تلاقي حالات نادرة بس اياك والتجارررررررررر وربنا معاك حقيقي موضوع متعب شوية للي عاوز يركب عربية نضيفة انا سبقتك في البهدله دي هههههه وربنا معاك وطمنا اول بأول عملت اية
انا مع الراي اللي بيقول جيب حاجة نضيفة حتى لو مكوة او استنى شوية صغيرة وجيب بومة و اوعى تزنق نفسك
او تجيب حاجة واقعة هتلاقيها فتحت بقها وصرفت عليها نفس اللي كنت هتجيب بيه الحاجة النضيفة وما هينوبك غير اللف والقرف من الميكانيكا والتصليح
استاذ مصطفي لا شكر علي واجب احنا كلنا هنا في المنتدي اخوات واتمني بس انك تعرفني اول بأول عملت اية ولاقيت اية وياريت تكتب هنا في المنتدي عن العربيات الي لاقيتها وحالتها بس كل الي عاوزة منك انك تتأني ومش تستعجل ابدااااااا انا اعدت حوالي 4شهور ادور لحد ماربنا كرمني اهم حاجة متستعجلش ابداااا في الشرا عربية بلزات متستعجلش نهائيا وشوف عربية واتنين وتلاتة وعشرة هتتعب اة بس هترتاح اما تشتري حاجة نضيفة وتنام مطمن متبقاش شايل هم هصحي الصبح اروح لميكانيكي ودة حصل فيها كزا ودة حصل فيها كزا صدقني تعب كام اسبوع ولا كام شهر ارحم بكتير من بهدله عند الميكانيكية وما ادراك ولو فية عربية عجبتك انصحك تروح الحرفيين ورشة استاذ كريم منير نايل موتورز تكشف عليها هناك سمكرة وتشوف لانه لاقدر الله فية عربيات بتبقي واخدة نص وملحومة وفية بلاوي الواحد بيسمع عنها ربنا يحفظك منها بس اهم حاجة متتسرعش وحاول تشوف حاجة فبريكة حتي لو لاقيتها مخربشة شوية ولا حاجة ولو فيها خبطات خفيفة من برة هتلاقي شكلها ممكن ميعجبكش خدها مادام انها فابريكة طبعاااا يعني متاخدش بلمظاهر وان العربية المتلمعة تبقي نضيفة وربنا يوفقك في حاجة كويسة وحاله كويسة انشاء الله