الترتيب السليم للبوجيهات

السلام عليكم ورحمة الله وبركاته
الاخوة الاكارم بعد التحية
اريد معرفة الترتيب السليم للبوجيهات يمكن معرفته اذاى
اما كانت العربية بتبطل منى رحت للميكانيكى وقال لى ان الاسلاك متلخبطة وغير الاسلاك بتاع البوجيهات ولقى واحد بايظ ورحت مشوار واحد ورجعت العربية لنفس المشكلة راح مغير بوجية تانى وبقت كويسة
واليوم بعد مشوار رجعت برده نفس المشكلة وهى وانا بنقل بحس ان العربية حتبطل ورجه للامام وللخلف
على فكرة البوجيهات اللى هو ركبها مستعملة
ان شاء الله اليوم حشترى طقم بوجيهات جديد
الميكانيكى قال هات (المانى 3 شمعه 16 ) هل دى كويسة ولا هناك نوع افضل
وهل اروح للميكانيكى يركبها ولا الكهربائى ولا ممكن انا اركبها بس انا معرفش حاجة ولهذا عاوز اعرف هل فعلا فيه ترتيب لاسلاك البوجيهات ولو امكن توضيح بالصور
وجزاكم الله خيرا

في ترتيب لأسلاك البوجيهات .. اوعي تتلخبط منك
و الأسهل ليك انك تفكهم بوجيه بوجيه
يعني تفك الواحد و تغيره و بعدين تخش ع اللي بعده بدل ما تلخبط نفسك و تدخل السلوك ف بعضها و العربية تبرجل منك

ايوه يا أخى الفاضل انا فاهم
بس هناك مشكلة انا خايف منها العربية كانت كويسة لمده 3 شهور وبعدين حصلت البرجلة دى والميكانيكى قال ان حد لعب فى الاسلاك بس محدش لعب وكنت ماشى كويس بيها
لحد ما غير هو بوجيه وغير الاسلاك مشوار واحد بس وحصلت برجله تانى
غير واحد تانى وحصلت البرجلة بعد مشوار تانى
خلاص كده انا تعبت وحجيب طقم جديد رغم ان السابق له 3 شهور فقط وكان يابانى
لهذا انا اريد كيفيه معرفة الترتيب السليم للاسلاك دى
وهل الكهربائى احسن من الميكانيكى

ترتيب الاسلاك نفسها كأسلاك فقط مالوش دعوة

انما ترتيب البوجيهات مع الاسبراتير لازم يكون مظبوط

الترتيب الصح 1 3 4 2
واحد تلاتة اربعة اتنين
واحد يبقى مع اقرب مكان في الاسبراتير للموتور
وبعدها في اتجاه عقارب الساعة 3 و 4 و 2

اقتباس:

---

المشاركة الأصلية كتبت بواسطة amrelsaqqa

ترتيب الاسلاك نفسها كأسلاك فقط مالوش دعوة

انما ترتيب البوجيهات مع الاسبراتير لازم يكون مظبوط

الترتيب الصح 1 3 4 2
واحد تلاتة اربعة اتنين
واحد يبقى مع اقرب مكان في الاسبراتير للموتور
وبعدها في اتجاه عقارب الساعة 3 و 4 و 2

---

جزاك الله خيرا أخى
طيب اعرف الارقام دى منين 1 3 4 2
ومعلش انا اصلا معرفش الاسبراتير
لو امكن توضيح اكثر
ولا اروح لكهربائى أحسن ولا ميكانيكى

البوجيهات كهربائي

السلام عليكم ورحمة الله وبركاته

مرحبا بك استاذ إكرامي أخبارك اية

بخصوص ترتيب أسلاك البوجيهات أنا معرفش والله بس أنا ممكن أصورك الاسلاك بالاسبراتير عندي

وإن كان الافضل تروح لميكانيكي واعتقد ان الدنيا عندك مظبوطة بس أتوقع المشكلة اما من الاسلاك نفسها أو من البوجيهات

واعتقد الموضوع لو ملخبط عندك كنت هتلاقي العربية بتعمل حاجات غريبة (( يعني تضرب مدافع ))

اقتباس:

---

المشاركة الأصلية كتبت بواسطة أحمد جودة

السلام عليكم ورحمة الله وبركاته

مرحبا بك استاذ إكرامي أخبارك اية

بخصوص ترتيب أسلاك البوجيهات أنا معرفش والله بس أنا ممكن أصورك الاسلاك بالاسبراتير عندي

وإن كان الافضل تروح لميكانيكي واعتقد ان الدنيا عندك مظبوطة بس أتوقع المشكلة اما من الاسلاك نفسها أو من البوجيهات

واعتقد الموضوع لو ملخبط عندك كنت هتلاقي العربية بتعمل حاجات غريبة (( يعني تضرب مدافع ))

---

كيف حالك يا بشمهندس احمد انا الحمد لله تمام

انا فعلا العربية عملت حاجات غريبة بعد مشوار العيد وانا راجع كانت مفيش سحب وكل ما انقل على غيار احس العربية حتبطل وكانت بتبطل احيانا ورجه للامام وللخلف واهتزاز وصوت عالى من الماتور

رحت لميكانيكى قال لى الاسلاك متغيرة مع العلم محدش لمس البوجيهات من ساعة الشراء
وغير الاسلاك ومشيت كويس مشوار وللاسف بعد مشوار نفس المشكلة

دلوقتى انا حجيب ان شاء الله طقم بوجيهات جديدة

عاوز اعرف الاحسن ايه ( نوع البوجيهات والافضل فيها )

ومين الاحسن فى التركيب ميكانيكى - كهربائى - ولا انا وخلاص ( عاوز اعمل حاجة بنفسى مرة )

اقتباس:

---

المشاركة الأصلية كتبت بواسطة ابوابراهيم323

كيف حالك يا بشمهندس احمد انا الحمد لله تمام

انا فعلا العربية عملت حاجات غريبة بعد مشوار العيد وانا راجع كانت مفيش سحب وكل ما انقل على غيار احس العربية حتبطل وكانت بتبطل احيانا ورجه للامام وللخلف واهتزاز وصوت عالى من الماتور

رحت لميكانيكى قال لى الاسلاك متغيرة مع العلم محدش لمس البوجيهات من ساعة الشراء
وغير الاسلاك ومشيت كويس مشوار وللاسف بعد مشوار نفس المشكلة

دلوقتى انا حجيب ان شاء الله طقم بوجيهات جديدة

عاوز اعرف الاحسن ايه ( نوع البوجيهات والافضل فيها )

ومين الاحسن فى التركيب ميكانيكى - كهربائى - ولا انا وخلاص ( عاوز اعمل حاجة بنفسى مرة )

---

بص يا استاذ أكرامي هات بوجيهات ngk ياباني علبة كبيرة فيها اربع بوجيهات كل واحد فى علبة صغيرة ولون الاغلفة احمر دي لسة شاريها بـــ 50 تقريباً أو نوع تاني اسمه دينسون ياباني واشتري مفتاح بوجيهات هتلاقية عند اى حد بتاع اكسسوارات او عدد وخليه معاك احتياطي فى العربية ومترميش البوجيهات القديمة اغسلها ببنزين وصنفر السن بتاعها وخليها احتياطي لاي طوارئ

وحضرتك غير البوجيهات واحد واحد يعني من اليمين تفك السلك وبمفتاح البوجيهات تفك البوجية وتركب الجديد وترجع السلك تاني وهكذا الموضوع سهل جدا وبسيط


ملحوظة عاوز حضرتك تبص على عداد الـــ rpm وانتا بتغير وبتحس برجة والعربية بتبطل

ياتري العداد طبيعي يعني بينزل وبيطلع مع سرعة العربية ولا المؤشر بيتحرك عشوائي على العداد
وكمان عاوزك تشوف المؤشر على كام بالظبط والعربية دايرة على السلانسية

متابع معاك

انا أسف ... البوجيهات ميكانيكي ... معلش اصلي لسه عامل حادثة و تريلا داخله فيا

ملحوظة سريعة حبيت اكتبهالك ........ لو العربية عندك أصلا فيها مشكلة فى توزيع البوجيهات ....... كانت هتحصل مشاكل كتير لاقدر الله فى الموتور وممكن يقفش أو عمود الكرنك يتكسر

بص بنسبة كبيرة الترتيب عندك صح وموضوع النتشة والتبطيل دة من كذا حاجة الاول غير البوجيهات بنفسك وبنفس الترتيب الموجود

وبعد كدة نشوف الدنيا هتتظبط ولا اية ومتابع معاك

اقتباس:

---

المشاركة الأصلية كتبت بواسطة أحمد جودة

بص بنسبة كبيرة الترتيب عندك صح وموضوع النتشة والتبطيل دة من كذا حاجة الاول غير البوجيهات بنفسك وبنفس الترتيب الموجود

وبعد كدة نشوف الدنيا هتتظبط ولا اية ومتابع معاك

---

بشمهندس احمد لسه راجع من مشوار قصير كده

*بس للاسف العربية مش عجبانى بحس بهزة للامام وللخلف خصوصا عند رفع الرجل من على البنزين عند الغيار

*كنت زمان بعدى المطب وانا على التانى عادى دلوقتى بحس ان العربية حتبطل وعلشان كده لازم انزل للغيار الاول

لو فيه حاجة فى البوجيهات يا ريت تقولولى علشان الحق نفسى

لو حاجة تانى ياريت افهم

* كمان حاجة برده العربية مش بتشتغل على طول لازم اربع خمس مرات اما تكون برده

اقتباس:

---

المشاركة الأصلية كتبت بواسطة ابوابراهيم323

بشمهندس احمد لسه راجع من مشوار قصير كده

*بس للاسف العربية مش عجبانى بحس بهزة للامام وللخلف خصوصا عند رفع الرجل من على البنزين عند الغيار

*كنت زمان بعدى المطب وانا على التانى عادى دلوقتى بحس ان العربية حتبطل وعلشان كده لازم انزل للغيار الاول

لو فيه حاجة فى البوجيهات يا ريت تقولولى علشان الحق نفسى

لو حاجة تانى ياريت افهم

* كمان حاجة برده العربية مش بتشتغل على طول لازم اربع خمس مرات اما تكون برده

---

كده يبقى عندك البوجيهات مرطبة ودى تخلى العربية تغيب فى الدوارة وهى باردة ومفيش حاجة اسمها تغير بوجية لما بوجية يقطع الا فى الطوارئ من الأفضل تغير الطقم كامل وحاول تشترية من واحد معرفة علشان فية انواع كتير مضروبة وخلي الميكانيكى يبص على سلك البوجيهات انا لسة مغير البوجيهات كانت العربية بتترعش فى السلانسية والسحب وحش وركبت نوع فرنسى اسمه eyquem الطقم ب 36 جنية وعربيتى اتظبطت 10/10 ماشاء الله ودى صورة العلبة !!
https://encrypted-tbn3.gstatic.com/i...OzGOXcNYmCEG4G

اقتباس:

---

المشاركة الأصلية كتبت بواسطة aw2100

كده يبقى عندك البوجيهات مرطبة ودى تخلى العربية تغيب فى الدوارة وهى باردة ومفيش حاجة اسمها تغير بوجية لما بوجية يقطع الا فى الطوارئ من الأفضل تغير الطقم كامل وحاول تشترية من واحد معرفة علشان فية انواع كتير مضروبة وخلي الميكانيكى يبص على سلك البوجيهات انا لسة مغير البوجيهات كانت العربية بتترعش فى السلانسية والسحب وحش وركبت نوع فرنسى اسمه eyquem الطقم ب 36 جنية وعربيتى اتظبطت 10/10 ماشاء الله ودى صورة العلبة !!
https://encrypted-tbn3.gstatic.com/i...OzGOXcNYmCEG4G

---

مرطبة اذاى انا لسه شاريها النهارده طقم كامل
ونوعها يابانى ngk مقاس 16 3 شمعه ب 90

اقتباس:

---

المشاركة الأصلية كتبت بواسطة ابوابراهيم323

مرطبة اذاى انا لسه شاريها النهارده طقم كامل
ونوعها يابانى ngk مقاس 16 3 شمعه ب 90

---

بعد ماركبت البوجيهات الجديدة اخبار العربية ايه ؟

مشكلتك مش بوجيهات روح لميكانيكى يمكن ظبطة السلانسية
لانى عندى مشكلة الرجة دى حتى بعد تغيير البوجيهات

خلى الميكانيكى يعيد تقسيمة الكهربا من الاول ويظبط الاسبراتير

اقتباس:

---

المشاركة الأصلية كتبت بواسطة aw2100

بعد ماركبت البوجيهات الجديدة اخبار العربية ايه ؟

---

المشاركة رقم 13 فيها اللى حصل