الطريق من الزقازيق الي الغردقة

**hisham343** · 09-09-2013 11:37 PM

العزيز meltomy تم الرد علي الخاص
العزيز حسام اولا توصل ان شاء الله بالسلامه
بالنسبه للطريق من خلال العاشر هيوفر حوالي 50 كيلو عن الطريق من خلال العبور
وبدون ابتضحيه بنوعية الطريق فالطريق عامة جيد
اما بالنسبه كون سيارتك جمرك فاعتقد انك المفروض تكون معلق نمر جمرك منفذ الدخول واكيد لو تخطيت السرعة واتمسكت رادار هتتغرم بالنمر الجمرك اللي مفروض انك تكون معلقها واعتقد عدم تعليقها مخالفه، بالنسبه للكماين فيه كمين للجيش قرب العاشر غير كده مفيش كماين الا عند راس غارب ومدخل الغردقه

**hisham343** · 09-09-2013 11:43 PM

بالنسبه للرادار الرادار بين زعفرانه وراس غارب وبين راس غارب والغردقه وعامة السرعة القصوي علي طريق السخنه 120 وعلي طريق الزعفرانه الغردقة 110 والوصله بين السخنه والزعفرانه حوالي 60 كيلو مشهتعرف تسرع اساسا لان المنحنيات كتيره والطريق اتجاهين ، واعتقد ان السرعات مناسبه وغالبا لا تحتاج الي سرعات اكبر، الطريق في المتوسط من 5 الي 6 ساعات بدون استراحات، وتوصل بالسلامه.

**حسام الغرباوي** · 09-09-2013 11:59 PM

شكرا جدا لسرعة رد حضرتك

وانا ان شاء الله هاخد بنصيحة حضرتك وهاخد طريق العاشر

كان عندي استفسارات اخري اذا امكن ..وهو مكان ميناء الغردقة هل هوا داخل المدينة او له طريق قبل المدينة

ايضا استفسار هل لديك معرفة بنظام المخالفات الخاصة بالجمارك ؟؟! يعني اجيب شهادة مخالفات منين

واخر استفسار هل مخالفة الردار فورية ؟؟! ام يمكن تسجيلها علي النمر وعدم دفعها ؟؟لانه في حال تسجيلها علي النمر لا مانع عندي لاني سوف استخرج شهادة مخالفات في نفس اليوم وبالتالي لن ادفع مخالفات هذا اليوم :)

**hisham343** · 10-09-2013 12:08 AM

بالنسبه لميناء الغردقه فهو داخل المدينه وهتدخل الغردقه عادي واعتقد ان هناك لوحات ارشاديه كافيه ، بالنسبه لمخالفة الرادار في فوريه واعتقد ان الفوريه احسن والاحسن انك ما تخدش مخالفات من الاساس ، اما بالنسبه للاجراءات عند تسليم نمر الجمك انا معنديش فكره عنهاواتمني لك رحله موفقه ووصولا سالما باذن الله

**mohamed_selim** · 10-09-2013 12:09 AM

مخالفة الرادار فورى او سحب رخصة القياده ... الافضل تدفع عشان وجع الدماغ ١٥٠ جنيه
ميناء الغردقه جوه البلد ... قبل تجالغردقه بحوالى ٣٠ كيلو هتلاقى كمين عند بوابات بعد ما تعدى كده انت داخل الغردقه و السرعه ٩٠ و بيكون فى رادار ... هتكمل فى الطريق ده لحد ما تلاقى ميدان واسع (خلى بالك الطريق بيكون واسع و فجاه يبقى حارتين و تلاقى رصيف فى وشك و انت على الشمال فالاحسن خليك داينا على اليمين) ... فى الميدان تلف تلتاربع لفه (كانك دخلت شمال) و طوالى هتوصل طريق رئيسي و تخش يمين اجبارى ... لف يوترن و ارجع خش يمين مع العربيات هتمشى شويه هتلاقى اشاره ... عديها و كمل طوالى هتوصل ميدان تانى و فيه اشاره تخش معاه شمال و هتلاقى اشاره تانيه بميدان (اسمه السقاله) تكمل طوالى هتعدى جنب جامع كبير و المينا بعده على طول .....

طبعا فى مليون طريق للمينا فممكن تسال و انت ماشى لو اتلخبطت

**حسام الغرباوي** · 10-09-2013 12:14 AM

شكرا جدا يجماعة جزاكم الله خير

بخصوص المخالفات انا بسال لان المخالفة بتنزل بعد 3 ايام وبالتالي حتي لو اخدت مخالفة مش هتنزل لاني هسلم النمر في نفس اليوم , خصوصا اني من محبي السرعة شوية يعني طريق زي بلبيس السلام بكوم ماشي فية 180 مستريح وكنت عامل حسابي اني اوصل الغردقة في 3 ساعات ونص مثلا علي سرعة مثلا 150 لان الوقت ضيق بالنسبالي

عموما شكرا جدا وجزاكم الله خير وياريت لو حد يقدر يسأل عن موضوع المخالفات دي اكون متشكر جدا لاني النمر معايا جمرك السويس وانا راجع ميناء الغردقة

**mohamed_selim** · 10-09-2013 12:36 AM

مفيش حاجه بتنزل على النمر
لو اتمسكت رادار هيسحب رخصتك انت شخصيا

**حسام الغرباوي** · 10-09-2013 01:13 AM

المشاركة الأصلية كتبت بواسطة mohamed_selim

مفيش حاجه بتنزل على النمر
لو اتمسكت رادار هيسحب رخصتك انت شخصيا

كدا نلتزم بقي هههه

**AHMED12345678** · 17-09-2013 11:27 PM

المشاركة الأصلية كتبت بواسطة hisham343

الحمد لله تمت الرحلة بنجاح ، واليكم تقرير عن الطريق
1- طريق كالتالي الزقازيق - بلبيس-بدر-طريق السويس- الوصلة السابقه-السخنه-الزعفرانه- الغردقه
2- الطرق في مجمله حوالي 530 كيلو متر احسن جزئ فيه الوصله بين طريق السويس و السخنه (4 حارات اتجاهين رصف فوق الممتاز المسافه 25 كيلومتر، ثم طريق السخنه طبعا،
اكثر الاجزاء امتاعا وخطورة وصلة السخنة الزعفرانه (اتجاه واحد (مفرده) منحنيات بحر وجبل وقري سياحيه طولها 70 كيلومتر) اكثر الاجزاء سوءا من اول بدر حتي الزقازيق ( رصف سيئ جدا كعادة محافظة الشرقيه زحام فوضي)
اكثر الاجزاء مللا من الزعفرانه الي الغردقه طريق طويل صحراوي رصف جيد لمحه للبحر كل حين اطول جزء حوالي 350 كم
3- مفاجأة الطريق الوصله بين طريق السويس والسخنه فوق الممتازه
4- الشيئ المضحك هو الرسوم علي اول كل طريق بتتدفع

اولا حمداً لله على السلامة
ثانيا هى الوصله بين طريق السويس و السخنه (4 حارات اتجاهين رصف فوق الممتاز المسافه 25 كيلومتر الى حضرتك ذكرتها هى الطريق بتاع وادى حجول ولا دة طريق تانى

**حسام الغرباوي** · 18-09-2013 02:08 AM

الحمد لله تم الوصول الي الرياض بنجاح :D

تفاصيل الرحله

السيارة نيسان التيما ٢٥٠٠ س س
الرحله من ابوحماد ( شرقيه ) الي الرياض ( السعوديه )
الطريق كما نصح الاعضاء

ابوحماد بلبيس العاشر السخنه الزعفرانه الغردقه
السرعه من اول العاشر مابين ١٨٠ و ١٩٠
اخدت مخالفه ردار ف اخر كمين ف مدخل الغردقه واستغربت انه بيقلي اتمسكت علي ١٥٦ وانا تقريبا منزلتش عن ١٧٠ والاغرب ان مشفتش رادار اصلا ف الطريق

بعد العبور الي الجانب السعودي
من ميناء ضباء الي مدينه الرياض
المسافه ١٤٠٠ كيلو تقريبا
قطعت حوالي ٧٥٠ كيلو ف ٥ ساعات ثم المبيت بللمدينه المنورة
ثم باقي المسافه خوالي ٨٠٠ كيلو الي الرياض في حوالي ٦ ساعات

:d