الموضوع: الفرق بين السيارات الألمانية و الصينية ..

المشاركة الأصلية كتبت بواسطة leitosr

مسمحناش لنفسنا ولا حاجة, بس أنت بلد ظروفها الناس فيها كدا والمثل بيقول علي قد لحافك مد رجليك, والكوري في عربيات زي الفيرنا والحوادث اللي شوفتها فيها بيتقسم بنفس المنظر دا عشان متفكرش أن الكوري أحسن..

دي صورة من حادث لعربية فيرنا مخبوطة من ورا في التجمع الخامس من فترة, يعني لو كان في ناس قاعدين ورا,, ربنا يرحمهم.

http://www.nilemotors.net/nile/361024-a.html


دلوقتي لو أنت مواطن مصري ومعاك 100 ألف جنيه دوول ميجيبوش عربية زيرو أوروبي محترمة, بس ممكن يجيبو حاجة ألماني أو أوربي أستعمال,

اللي فاضي مننا بقي وفاهم وحابب يجيب عربية ركوبة وأمان, هيدور علي الألماني مستعمل أو فرنساي أو ياباني,

أما اللي وقته ضيق بسبب ظروف شغله أو عنده ألتزامات ومعندوش أستعداد العربية تعطل بيه علي طريق أو متدورش الصبح زعايز يجيب حاجة متعطلش منه وتطلب صيانة بشكل أعلي وتفتح بوقها عن العربيات الجديدة فا بيضطر يجيب عربية جديدة صيني أو كوري, >>> دا أغلب تفكير بلدك حتي للطبقة فوق المتوسطة. علي حسب المبلغ اللي معاه,,


والفيديو بتاع البريليناس دا أنا شوفته زمان أول ما نزلت,
وكان أول أعتراضي عليه أنو أزاي كورسليه العربية وجسمها يتطبق علي رأس السواق كدا,,
والشاسية ينقطم,, بصراحة حاجة مؤسفة.!

أشكرك على المشاركة الجميلة ديه
ولكن حضرتك عارف إن المشكلة حصلت و اللي حصل حصل المفروض ده كان يحصل من زمان المرور مكنش يسمح بدخول العربيات الصيني و ب\يبرر و ينقول للناس ليه هوا منعها و يجيب فيديهوات عشان الناس تقتنع كان زمان العربيات ديه ماتت من زمان , من قبل ما تنزل مصر حتى
لكن دلوقتي الحل برضه في إيد الحكومة و التوكيل يكون إيجابي و يعمل لمصلحة الناس (( على الرغم من إني عارف إنه تاجر و عايز يكسب في الأاول و في الآخر )) و لكن الحكومة تساعده و تقدمه تسيهلات نظير إنه وقف إستيراد العربيات ديه ,,, ده إقتراح شخصي يعني

و بالنسبة للسعر انا معاك قلبا و قالبا و لكن العربيات الصيني فعلا فعلا وحشة و ديه بشهادة أغلب اللي ركبوها
و يا سيدي إن كان حتما ولابد من وجود الصيني فيبقى المعيار هوا الإمان بس
ولايسمح بنزول عربية الأمان فيها أقل من 3 و نص مثلا

المشاركة الأصلية كتبت بواسطة monamize4

رغم انى مش مبحبش العربيات الصينى
لكن
بعد ارتفاع اسعار العربيات الكورى - اللى كانت اختيار الاسر المتوسطة - و بقى سعرها متقارب مع الاوروبى و اليبانى ,, حلت العربيات الصينية محل العربيات الكورى و اصبحت ليها سوق قوى و مبيعات محترمة

طيب الكوري بينضف و بيتطور و من حقه يغلي طالما العربية مستواها بيعلى لكن الصيني بيغلي ليه مش عارف