مبرووووك
عرض للطباعة
مبرووووك
متشكرين لوقتك ولتوضيح بعض النقاط الاساسية والتى تهم كل مشترى ومبروك عليك العربية
على فكرة انت اللى شجعتنى بكلامك السابق عن العربية انى اروح وانتهز فرصة لقياس الارتفاع ومن كلام حضرتك الاخير ده يؤكد انى قياسى مظبوط بنسبة 95%
ربنا يديك خيرها ويكفيك شرها يارب
دوس على الدواسة واركب النفاثه
ياريت مش تكون نسيت تطلع حاجه لله او تدبح لها حاجه ولو لسه مش دبحت يبقى افضل علشان نييجى كلنا ناكل
تقبل تحياتى
الف مبروك
مبروووووووووووك
أنا الحمد لله رحت حجزت النهاردة..... لله اﻷمر من قبل و من بعد
يا ريت لو ليك أي ملاحظات علي السيارة تبقي تلحقنا بيها قبل ميعاد اﻹستلام.....
الواحد بقاله سنة محتار بين الزيرو و المستعمل العالي زي البي إم و المرسيدس..... بس جنون الدولار و ما تبعه من إنتهازية وكلاء السيارات أدت بحلم البي إم أو المرسيدس أدراج الرياح..... كل أسعار المستعمل طارت مع الزيرو..... و الواحد لاقي الفلوس الكاش قيمتها بتقل مع الوقت
نزول الكورولا بالشكل الجديد و كماليتها الوفيرة و سمعة تويوتا و سمعة الوكيل و سعر إعادة البيع و تكاليف التشعيل و إن المودبل ده هو اللي بينزل كمان في أوروبا....كل ده سهل علي عملية اﻹختيار....
في الزيرو ما كنتش حابب الأوبل أسترا و لا الفورد فوكس....كمان اﻹسكودا a7 باي باي و البركة في الفتيس ال dsg.... البيجو ال 508 تعتبر فئة أعلي و فلوسها مش جاهزة....كمان في هذا الرينج السعري حرام الواحد يركب كوري سواء سيدان أو كروس أوفر مع كامل إحترامي للسيارات الكوري و الطفرة اللي حققتها في الفترة اﻷخيرة
أما السيارات السوبر المستعملة فسعرها طار مع الزيرو و الواحد إستحرم يدفع شقي العمر في مستعمل من 5-6 سنين.... رغم أنها حلم العمر و الله.....ههههههه....لكن الحمد لله اللي يجيبه ربنا مفيش أحسن منه و الواحد راضي به
قصة إن الفلوس قيمتها الشرائية بتقل و بقائها في إيديك بقي مالوش قيمة عملي هس هس في نافوخي و الوضع اﻹقتصادي الحالي غير مستقر في البلد
القصة الطويلة العريضة دي هي اللي خلتني أتوكل علي الله في موضوع حجز الكورولا ..... و الله المستعان علي كل شئ
سلام عليكم
اخوكم جاى من رينووووو
باختصار, حجزت النهارده عند عبداللطيف جميل فى روكسي
والاخ اللى كان بيسال عن تقسيط مباشر, عبداللطيف جميل بيقسطلك مباشر معاه من غير بنك
هههههه اية يا جماعة مالكو كدة فى اية متخافوشى والله عربية زى الفل لما بركبها ببقى مش عايز انزل منها بكرة هاتدعولى نصيحتى بقى كمان او حد فيكم جاهز بالكاش يروح يكيش و يستلم اسرع علشان يستمتع بالعروسة مبروك مقدما