الموضوع: لاسا

السلام عليكم ... طبعا بعد مناقشه كبيره مع صاحب محل الكاوتش فيه فك رموز الرساله الخاصه بالكاوتش واعترف البايع انه لا يفهم غير مقاس الكاوتش ونوعه فقط لاغير
وكان معايا واحد عفشجي معرفه وهوا الي اختاري اللاسا لانه يمتك عربيات عداد(تاكسي)(وميكروباص)
وبعد الفحص طلع ان الكاوتش منتهي الصلاحيه لانه انتاج 2009 انتهاء 2013 وصناعه تركي بس العفشجي قالي احنا بنشتري ونركب ومش بنعمل الي بتقول عليه ده والحمد لله مافيش حاجه بتحصل في الكاوتش وانه واثق في الكاوتش(لاسا) جدا
وتم الشراء الفرده ب330 جنيه والحمد لله ماشيه معايا حلاوه
وياريت لو حد عنده اي معلومه بخصوص موضوع انتهاء الصلاحيه مش يستكترها علينا ولكم جزيل الشكر

المشاركة الأصلية كتبت بواسطة mazagangee

القانون بيفرض كتابه تاريخ الانتاج و تاريخ الصلاحية لاي منتج صناعي مهما كان
شوف مكونات المنتج ايه قبل ما تاخد قرار انه منتهي الصلاحية و غير قابل للاستخدام
مكونات الكاوتش :كربونات كالسيوم ، ماسترباتش اسود، مطاط ،بلاستيك ، اضافات كيميائية .
التصنيع بيكون عن طريق خلط الخامات و تعريضها لضغط و حرارة عالية
تحديد الصلاحية بيكون في طريقة التخزين يعني لو فردة صناعة السنة الحالية و مرمية في الشمس شهرين او في مكان الرطوبة فيه او الحرارة عالين او محطوط فوقها 30 فردة تانين دي اسباب تاثر على صلاحية الفردة

الموضوع محتاج شوية تدوير عن معلومات محددة اكتر ، لكن حبيت اشارك ببعض المعلومات اللي اعرفها
بس لو هشتري مش هاخد القديمة الا لو فرق السعر كبير جدا

الله ينور يا باشا علي الكلام الجميل ده وان شاء الله ديه غلطه ومش هتتكرر تاني والواحد مش بيتعلم ببلاش