صيانه ال 120 الف كم لانوس
السلام عليكم و رحمه الله و بركاته
دلوقتى انا كملت ال 120 الف كم و الحمد لله و عايز ازيط صيانه محترمه للعربيه اللى شايلانى و عايز اراجع معاكم كده المطلوب علشان متفوتنيش حاجه
اولا : السيور
1- سير كاتينه + بليه كاتينه + شداد كاتينه
2- سير تكييف
3- سير دينامو
ثانيا: الفلاتر
1- فلتر هواء
2- فلتر بنزين
3- فلتر زيت + زيت طبعا
ثالثا: متفرقات
1- تيل امامى ( اذا كان محتاج)
2- بوجيهات
3- بلى عجل خلفى (عندى صوت خشانه و نعره عند الجرى) فى العجل الخلفى.........(بتتغير عند ميكانيكى ولا عفشجى افضل ؟)
4- رجلاش فرامل اليد
5- رجلاش عقربه الفتيس علشان التانى بيجى بصعوبه
و طبعا هروح للعفشجى يعمل مراجعه ع العفشه و يبص ع البطاحات و جلب القصات و ........( ياريت نصيحه برضه ابص على ايه تانى)\
الحاجات دى هجيبها من المنير فى اول فيصل ( او السرساوى ميدان الدقى)
ملحوظه ع الماشى : عايز اغير طرمبه المياه بس خايف بصراحه لحسن تطلع مضروبه و لا حاجه و اندم
يا ريت اى حد عنده اضافه يفيدنى علشان مكونش ناسى حاجه
و ان شاء الله لما تتم الصيانه على خير هعمل تقرير بالاسعار و ايه اللى تم فيها