السلام عليكم
انا بس كان ليا سؤال
هو يعنى اية فئات السيارات
هل هى انوعها زى السيدان او هاتشباك ولا حاجة تانية ؟؟؟؟؟
عرض للطباعة
السلام عليكم
انا بس كان ليا سؤال
هو يعنى اية فئات السيارات
هل هى انوعها زى السيدان او هاتشباك ولا حاجة تانية ؟؟؟؟؟
لا مش كده : الفئة المقصود بيها كذا نوع داخل الموديل الواحد : يعنى لو عربية مثلا تيوتا كورولا فى منها الفئة الأولى بيبقى لها كود زى xl أو غيره و بيختلف كماليات العربية من موديل للأخر
يعنى الفئة الأولى مانيوال .. الفئة الثانية أوتوماتيك .. الفئة الثالثة تكون اوتوماتيك و فيها كماليات أكثر من الفئة اللى قبلها .
بس الكلام ده مش فى كل العربيات لأن الوكلاء ممكن مبينزلش بكل الفئات و بيكتفى بفئة واحدة للموديل .
بص حضرتك كلمة فئات دى بندرج تحتها كذا قسم ب معنى
ف العربية الواحدة ممكن تلاقى فئة اولى مانيوال و تكيف و باور و سنتر الفئة التانيه مثلا زياده abs
فى الفئة السعرية بمعنى من 100 الف ل 120 الف مثلا موديل كذا من عربية ماركة كذا الاحسن فى فئتها
فى الفئة برضو سيدان و هاتش ...الخ
فى افئة برضو السعة اللترية برضو يعنى فئة ال 1000 cc 1100 و هكذا
فى فئة سيارات رياضية و خارقة و عاديه ...الخ
ارجو ان اكون اوضحت المعلومة :))
لما بتقارن بين ماركات مختلفة كلمة فئة هنا بتكون تعنى الفئة السعرية و شكل العربية سيدان أو هاتش باك و المقارنة بتكون ما بين الكماليات التى تحويها كل عربية و عوامل الأمان و الأداء.
علشان تعرف فئة الموديل لماركة عربية معينة :
يا اما بيكون شكل العربية من الخارج مختلف قليلا يعنى بيكون فى جنوط أكبر , فتحة سقف , اسبويلار . و طبعا حروف الموديل بتكون على شنطة العربية xl - ts و هكذا. و طبعا الأدق انك تشوف العربية كاملة من الداخل و الخارج بيبان فرق التجهيزات.