الفرق بين بيجو 508 واسكودا

**adelsalama** · 26-08-2013 05:29 PM

يا جماعه ارجو توضيح الصوره عن تجربه انا والحمد لله كن بركب اسكودا جميه الفئات وبأكد جميع الفئات من A4 2006 الى suberp 2010 الكامله وفى مره شوفت البيجو 508 2013 واشتريتها اقسم بالله انى ماعملتش بيها اكتر من 1000 كيلو وبعتها وخسرت مبلغ محترم فيها على يوجد وجه مقارنه ابدا بين البيجو والسكودا غير ان البيجو تتفوق على السكودا فى option فقط لكن كعربيه وثبات وعفشه تحس انك راكب كده حتة ورقه مع احترامى لكل من بيحب البيجو بصراحه الفرق بينهم عامل كده زى الفرق بين النترا والسكودا او الباسات اكيد كده انتم فاهمين قصدى ايه واتحدى اى حد ساق البجو وقدر يتحكم فى العربيه البيجو على سرعه اكبر من 170 طبعا غير خفة وزن العربيه على الطريق بس لشهاده حق ماتورها جبار وقوة سحب وتسارع ممتازه بعد كده بقى ربنا يكون فى عون صاحبها وهناك بعض الاعضاء تمت مشاركتى معهم فى هذا الموضوع قبل ان اشترى 508

**zangry** · 26-08-2013 05:34 PM

طب احكلنا شوية عن البيجو ! ازاى ثباتها ضايع !! وعامت منك قبل كده ؟ عشان حضرتك اول حد يقول ان الـ508 وحشة !

**Moratoz** · 26-08-2013 07:30 PM

مش لازم تبقي الييجو وحشه ولكن متنسوش ان ثبات الاسكودا رهيب بجد فممكن يكون هوا دا عامل الفرق

**inspiron** · 26-08-2013 08:04 PM

استعنا علي الشقاء بالله ... متابع

والله يكون في عونك يا برنس

**adelsalama** · 28-08-2013 06:49 PM

المشاركة الأصلية كتبت بواسطة moratoz

مش لازم تبقي الييجو وحشه ولكن متنسوش ان ثبات الاسكودا رهيب بجد فممكن يكون هوا دا عامل الفرق

وانا احييى حضرتك فعلا لان داه الي انا اقصده بجد

**mo7a_mo7a** · 28-08-2013 10:25 PM

كل حاجة اثرتها حتلاقيها في الموضوع ده

http://www.nilemotors.net/Nile/35022...ctavia-a7.html

تحياتي

**inspiron** · 31-08-2013 01:30 AM

المشاركة الأصلية كتبت بواسطة elferekiko

انا ركبت البيجو 508 قبل كدا والصراحة عربية جبارة والموتور شديد جدا مش بس 16 صباب دا مان تربو 156حصان وكانن الثبات على عكس اللى انت قولته خالص احنا مشينا بيها عالمحور ف حدود 120 او اكتر والعربية كانت ثابتة جداحتى ف الملفات على السرعة دي انا كنت بافاضل بينها وبين الفانتازيا وسألت عنها كتير ماحدش من ملاكها اللى اعرفهم اشتكى من الثبات نهائي وعلى الرغم من انها عجبتني اكتر من الفانتازيا الا اني استقريت عالفنتازيا لاسباب تانية من ضمنها سعر اعادة البيع وعلى ذكر الحكاية دي بصراحة انا مش شايف ان العيب اللى بتقوله دا يستاهل ابدا انك تبيعها بخسارة كبيرة وكمان مالحقتش تفرح بيها وتاخد بحق الفلوس اللى دفعتها لحد ما تعمل 10000 كيلو ؟؟؟!!!!! هو انت يعني كل يوم حتفتح بيها على 180 وكمان تاخد ملفات ولا انت موضوع الفلوس مش فارق معاك اوي كدا لدرجة انك مش قادر تستحمل انك تجري بيها على سرعات معقولة

واحدة واحدة بس يا باشا..من حكم في ماله ما ظلم..ولا إيه !! الراجل بيحكي تجربة شخصية مع عربية امتلكها بالفعل مش جربها..هو له مطلق الحرية في نقل تجربته بالرأي اللي شايفه صائب..والراجل بيتكلم عن ثبات العربية فوق الـ 160..حضرتك بتقوله 120..التوكتوك لو ماشي 120 هيبقي قمة في الثبات !! مع كامل إحترامي للتكاتك وتحية ليهم ( مرسي ستايل )

تقبل مروري :)