عايز أشترى عربية

**mahmoud zaki** · 26-08-2013 06:18 PM

السلام عليكم ... عايز أشترى عربية جديدة ومحتار جدا ... أنا معايا كاش 45000 وممكن أدفع قسط لغاية 1000 ومش عارف أختار شيفروليه لانوس ولا أعمل ايه؟!!!!
.................................................. .................................................. .................................................. .............................. من فضلكم ساعدونى فى القرار

**hamaka** · 26-08-2013 08:24 PM

بلاش اقساط ، هاتلك حاجة حالة نضيفة أحسن و لما ربنا يكرمك تغيرها لحاجة أعلى...

**mous6fa** · 26-08-2013 08:55 PM

نصيحة لوجه الله .. البلد اليومين دول خربانة والإقتصاد واقع وبكرة نشوف مصر هتبقى ايه .. بلاش تورط نفسك ف أقساط وديون .. وكمان ده مش الوقت المناسب ان الواحد يجيب عربية ع الزيرو ويحطها ف الشارع وممكن لا قدر الله يحصلها حاجة ومش هتعرف تجيب حقك ..
من وجهة نظري المتواضعة هات عربية مستعملة حالتها ممتازة وتقضي بيها الفترة دي .. ولما ربنا يرضى عننا والبلد تتعدل أبقى بيعها وهات الزيرو ..

**إبراهيم المصرى** · 26-08-2013 10:57 PM

المبلغ ده ممكن يجبلك لانوس او فرنا مستعمله بحاله كويسه

**engwael** · 27-08-2013 11:20 AM

ممكن بس مش كويسه

**RedBull_30** · 28-08-2013 10:23 AM

اتفرجت على عربيات بنفس المبلغ ده واتصدمت !!
الناس بتتعامل مع العربيات على اساس انها دورات مياه .
واللي زعلني اكتر ان انا حسيت ان لما كنت ببيع عربية كنت برميها رمي , كنت ببيع العربية بالكتير فيها رفرف مرشوش ومن جوة زيرو بمعنى الكلمة

**mahmoud zaki** · 29-08-2013 09:20 PM

المشاركة الأصلية كتبت بواسطة redbull_30

اتفرجت على عربيات بنفس المبلغ ده واتصدمت !!
الناس بتتعامل مع العربيات على اساس انها دورات مياه .
واللي زعلني اكتر ان انا حسيت ان لما كنت ببيع عربية كنت برميها رمي , كنت ببيع العربية بالكتير فيها رفرف مرشوش ومن جوة زيرو بمعنى الكلمة

طيب لو مش لانوس يبقي ايه .... فيه ناس بتقول الفيرنا احسن بس فيها مشكلة ثبات بعد الـ 100 كم/ساعة وكمان فراملها بيقولوا مش هيه .... وناس تانية بتقول اللانوس جميلة .... انا محتار

**mous6fa** · 30-08-2013 11:51 AM

المشاركة الأصلية كتبت بواسطة redbull_30

اتفرجت على عربيات بنفس المبلغ ده واتصدمت !!
الناس بتتعامل مع العربيات على اساس انها دورات مياه .
واللي زعلني اكتر ان انا حسيت ان لما كنت ببيع عربية كنت برميها رمي , كنت ببيع العربية بالكتير فيها رفرف مرشوش ومن جوة زيرو بمعنى الكلمة

سيدي الفاضل بلدنا اليومين دول تعتبر "خرابة" ... وبالتالي حاول تجيب عربية رخيصة مناسبة لإستخدامك داخل الخرابة دي ...
يعني أنا ركبت نوبيرا .. وبعدها بونتو .. وبعدها ابيزا .. وبعدها صيني ... وحاليا بدور ع 127 توب فى حدود 9000 مثلا ....
خلي قرشك ف جيبك وشوفلك حاجة على أدك دلوقتي ... مجرد نصيحة مش أكتر .. لإني بجد متفق معاك إن أي عربية لحد 50 ألف بتحس انك بتتفرج ع مخلفات حروب مش عربيات تستاهل القرش اللى هتدفعه فيها ..