السلام عليكم
عندي لمية الشاشة اللي بيبقي فيها الكيلومتر بتاع العربية مش بتنور مع النور الصغير وكنت عايز اعرف دي بتتغير ولا ايه وشكلها ايه او اسمها الشائع ايه !
عرض للطباعة
السلام عليكم
عندي لمية الشاشة اللي بيبقي فيها الكيلومتر بتاع العربية مش بتنور مع النور الصغير وكنت عايز اعرف دي بتتغير ولا ايه وشكلها ايه او اسمها الشائع ايه !
متابع ... عندى نفس المشكله
هتروح لأى كهربائى وهيفكلك لوحة العدادات وهيغير اللمبه
هى بتكون لمبه عاديه بكعب او بدون كعب وليها قاعده بتركب فيها وبتتركب فى العداد من ورا
وممكن تغيرها بنفسك لو هتعرف تفك العداد
متابع عشان واحد صاحبي عنده المشكلة دي
لمبة صغية كده في ناس بيقولوا عليها لمبة سفاية
هطلع القديمة بالقاعدة بتاعتها وبعدين تركب الجديدة في القاعدة وترجع تحطها في العداد تاني من ورا
فكه سهل جدا حاول انت الاول حتى هي لناحية تحت مش لازم يعني تخلع كابلات العداد من ورا احسن تقطع سلك ولا حاجة يادوب بس هتفكه وتقلبه شوية هتلاقي اللمبة باينة
الخطوات سهلة نزل الدريكسيون لتحت خالص عشان يديك مساحة ويريحك وانت بتفك
هتفك الاول البرواز الاسود بيبقى مربوط بمسمارين فوق تمام
بعد كده هتفك علبة العدادت هتلاقي 3 مسامير واحد في كل زاوية من فوق والتالت في النص تحت شاشة الكيلومتر
برفق كده هتخلع الحتة الابانوس اللي فيها مفتاح المرايات هيا بتبقى داخلة كبس وانتبه كويس عشان متشدش جامد اوي تقوم تقطع كابلات من ورا ولا حاجة
بعد متخلعها بس ابعدها شوية كده وخلاص مش لازم تخلعها مليا بفصل كابلاتها ولا حاجة
هتلاقي المكان بقى واسع شوية طلع العداد واقلبه برفق عشان تشوف ظهره هتلاقي زي بلاستكة بني كده مربوطة بحوالي اربع مسامير صغيرة فكها هتلاقي وراها كل لمبات العداد متنوعة منها الكبير والصغير وكده هتلاقي لمبة شاشة الكيلومتر قريبة منك وسهلة هتلاقيها تحت الشاشة على طول وقاعدتها كبيرة مقارنة مثلا بقاعدة لمبات النقلات والبنزين وفرامل اليد وكده
هتلف القاعدة هتلاقيها طلعت معاك هيا واللمبة
اخلع اللمبة منها ولو عليها كفر ازرق كده زي حتة مطاط شيله بالراحة عشان تحطه على اللمبة التانية
الموضوع سهل اوي بس انا رغاي وبحب اشرح بالتفصيل شوية جايز اقرب الصورة لو كنت لحقتك كنت نزلتها مصورة انا لسة فاكك العدادات من يومين بس يلا بقى مش مشكلة
ابدا بس وامشي مع الكلام هتلاقي الدنيا سهلة اوي
اه على فكرة نسيت اقولك اللمبة بجنيه والاصلي منها باتنين جنيه يلا ياعم اي خدمة وهتلاقيها موجودة عند اي حد بتاع اكسسوار عربيات
نظرا لكثرة المتابعين بس
جميل ياباشا تسلم على الشرح .. عايز زيه بقى بالظبط للمبات التكييف اللى ورا الاكر :))
السلام عليكم
ممكن تقرأ المشاركة دي
http://www.nilemotors.net/Nile/36857...post3875094453
وخلي بالك من الطرابيش الزرقا اللي على اللمبات، وهتلاقي فائدتها مكتوبة في المشاركات التالية زي "salah_86" ما قال
متابع