السـلام عليكم ورحمة الله وبركاتة ..
عـآملين آيه يا رجالة نايل موتورز ..
عايز اسئلكم فى سؤال :d آيه رئيكم فى حقوق ؟ ,, انا ان شاء الله داخل حقوق :d وعايز اعرف مجالات الشغل غير محامى والكلام دة ! وليها مستقبل كويس ولا لاء :(
عرض للطباعة
السـلام عليكم ورحمة الله وبركاتة ..
عـآملين آيه يا رجالة نايل موتورز ..
عايز اسئلكم فى سؤال :d آيه رئيكم فى حقوق ؟ ,, انا ان شاء الله داخل حقوق :d وعايز اعرف مجالات الشغل غير محامى والكلام دة ! وليها مستقبل كويس ولا لاء :(
اللى هيجيب لحضرتك الزيتونه
الاستاذ / عمرو اكسيل
ممكن محامي ممكن تخش النيابة بس لازم تجيب فوق جيد فما فوق ممكن تقدم في وزارة الخارجية ممكن تشتغل مستشار قانوني في شركات
:d طيب وسهلة ولا صعبة ؟ يعنى إنى آجيب جيد جدا فيها محتاج مجهود ومذاكرة من اول السنة ؟
هي بتفرق من جامعة لجامعة ده اولا .. في حقوق عربي وفي حقوق انجليزي انجليزي اسهل من عربي شوية عشان تخش انجليزي لازم تكون جايب مجموع عالي في الانجليزي وبتدرس جزء بالانجليزي وجزء عربي مش كله انجليزي طبعا
اخويا في انجليزي في جامعة طنطا هي مش صعبة خالص بس لازم قبل الامتحانات تشد شوية
بالتوفيق
أنا هدخل عربى مش انجليزى للاسف :( كنت عايز ادخل انجليزى بس من فوق 90 % :d والصراحة انا جايب 67 ,, المهم ربنا يستر :d واذاكر
ملهاش شغل وحوار النيابة لازم تقدير وواسطة مينفعش تقدير لوحده وهكذا الوظائف الحكومية بس كل قاعدة ولها استثناء يعني ممكن تتعين بدون واسطة زي حلاتي لكن ف غيري وف نفس سني مش لاقين شغل غير المحاماه وهما مش حابين المحاماه
القاعدة العامة ان اللي يدخل حقوق بيطلع محامي والاستثناء انه يدخل النيابة فنصيحة بلاش لو مش حابب المحاماه او القانون عاما وعشان تجيب تقدير ف جامعة اسكندرية او القاهرة او عين شمس او المنصورة او اسيوط لازم مذاكرة من نار عشان الجامعات دي صعبة بعكس طنطا او اي جامعة تانية
لا بص انا حابب إنى اكون محامى ,, معنديش مانع افتح اتمرن وافتح مكتب وكده . فـ مش عارف , واصلا مقداميش غيرها فى التنسيق :d
اسود ايام حياتى فى الكلية دى
ربنا يكفيك شر الدكاترة و المناهج الغريبة
:d ربنـا يطمنك .. ,, بس مستقبلها حلو ؟
المهم انت عايز ايه لأنك هتسأل و تدوخ و اي حد تساله هيقولك من وجهة نظره او نقلا عن كلام من الغير
اللي هتلاقيه بيقولك حلوة و اللي هيقولك ملهاش لازمة و اللي هيقولك صعبة و اللي هيقولك كويسة و اللي هيقولك سهلة كل واحد و دماغه بقي و نفس الكلام ينطبق ع باقي الكليات بس زي ما تقول الموضوع بقي عادة فينا نفتي و نردد و نقول بمزاجنا بدون حيادية في كل حاجة حتي لو مجربناش
اطرف جملة هتسمعها اللي هتدرسه غير اللي هتلاقيه برة الكلام ده خاطئ بنسبة كبييرة لأن 90 % من اللي درسته هو اللي اعتمدت عليه في حاجات كتيير من ايام الكلية و افدت من حولي بناءا عليه
علي سبيل المثال المواريث و الاجراءات الجنائية بداية من الاستيقاف حتي المحاكمة و غيرها لأنك بتدرس القوانين و الشرائع و شرحهم لكن اللي مش هتدرسه الاجراءات بالتفصيل الممل و صياغة الدعاوي و غيرها و ديه اللي بتحتاج الخبرة بعد التخرج و ده سبب انك بتتمرن سنتين لما تطلع كارنيه النقابة لو هتشتغل محامي او عايز تكتسب خبرة و هتستعين بكتب كمان في شغلك اما بتوع الجملة السابقة فأحب اقولك ان اغلبهم من اللي كانوا بيستنوا الملغي اخر السنة و يجيبوا ملازم عشان يخلصوا او داخلين شهادة و السكة او مش عايزين يذاكروا و ينجحوا من الهوا مع العلم انك هتلاقي خريجي كليات تانية و ظباط بيدرسوا معاك سواء مرحلة الليسانس او دراسات العليا عشان يستفيدوا و الشهادة
عايز تمشي في الكلية ديه تجيب الكتب من اول السنة تقراها و تفهم بتقول ايه و تشد اخر شهرين في الحفظ و لو ربنا كرمكم بملغي يبقي زي الفل هتلاقي نفسك داخل و الحياة بمبي و تدخل الامتحان تكتبله الاجابة كخطة بحث و توضح العناصر و تشرح تحت كل عنصر بس كده :)
انما لو هتمشي ورا كلام بتوع ذاكر اخر شهر بس و اشتري الملازم يبقي متزعلش لو نزلت في الكلية او معرفتش تعدي منها اساسا
اهم حاجة التقدير متقلش عن جيد لو بتبص للنيابات و هيئات لكن غير كده مش شايف انها بقت تفرق ناس جايبين جيد مشتغلوش و ناس جايبين مقبول و مع ذلك اشتغلوا و ساعات هتلاقي اللي جايب مقبول شغله احسن من اللي جايب جيد لكن طبعا التقدير له الاولوية دايما و للعلم في وظائف لخريجي حقوق بتتطلب ماجستير او دكتوراه و لا تشترط التقدير بس برده متعتمدش ع كده P:
و اتمني الموضوعين دول يفيدوك
http://www.nilemotors.net/Nile/370937-a.html
http://www.nilemotors.net/Nile/370927-a.html
و اي استفسار اتفضل و خاصة لو حقوق عين شمس اخوك خريج حقوق عين شمس و بحضر الماجستير هناك برده :)
كلية الحقوق عشان تنجح فيها لازم تكون بتحب دراسة القانون عشان تجيب تقدير وايضا لازم تحب شغلها بانواعه سواء كنت محامي او نيابة عشان تعرف تنجح ف شغلك لكن لو داخل الكلية عشان تنسيقك ف الثانوية مش جايب غيرها فمش انصحك بحقوق عشان ساعتها هتنجح بالعافية مادام مش داخلها بأرادتك انا جايب جيد وف الماجستير جيد وكنت جايب ف الثانوية ادبي 84% ودخلت حقوق برغبتي ونجحت فيها الحمدلله اتمنى اكون افدتك
انا رأي ان النجاح بيتوقف علي الشخص
فكل كلية في ناس ناجحة وناس تانية لا
شوف بتحب ايه لو تحب المجال ده واجتهدت تأكد ان ان شاء الله هتكون شخص ناجح ومميز ..
67%
جبتهم ازاي دووول :d
اتكل علي الله وادخل حقوق ونصيحة متبصش علي انت جايب كام في الثانوية
اهم 4 سنين في حياتك هما سنين الكلية جةل
لو جبت تقدير فيهم هتبقي فوق اوي نيابة عامة او ادارية او مجلس الدولة .. او تشتغل في مكتب محامي مرموق
لو قلبت المذاكرة ومرحتش ومذاكرتش وقولت اعيش حياتي والكلام دا هتجيب مقبول وهتبقي تحت وهتتخرج منها معلش في الكلمة بلا اي قيمة ويوم ماتشتغل في مكتب محامي ، هيبقي اكيد علي قده ومش هتاخد مليم و يوم ماتاخد هيبقي 20 جنية في الاسبوع ولا حاجة وتلف بيهم مصر كمان ورا قضايا المكتب !
..
استـآذ Amr ,, آلف شكر :) :D الصراحة كنت محتاج حد يشجعنى يا رجالة , انا حابب اكون محامى . بس مقلق , اللى يقولك ملهاش مستقبل ! و الناس قاعدة عالقهاوى , واللى يقول مستقبلها حلو ! فـ محتار بس :(
اللى فيه الخير ربنا يقدمة .. , وآلف شكر يا رجالة :) تعبتكم معايا . .