فرصة يا جماعة اعتقد مش هتتعوض .. الفاروميو 156
السلام عليكم
كنت بدور من فترة علي عربية الفا 146 بس للاسف ملقتش حاجة حالتها نظيفة .. ففكرت في كذا عربية
المهم استقريت علي فيات برافا و خلصت فيها من يومين .. الحمدلله العربية كويسة
المهم خالي كلمني النهاردة و قالي ان واحد صاحبة عندة العربية اللي انت بتدور عليها فقلت اروح اشوفها مش هخسر حاجة .. رحت بصيت عليها لقيتها 156 .. و مفيهاش خدش فبريكا برة و وجوة العربية متربة بس عشان الركنة .. موديل 2001 تقريبا .. العربية مفيهاش غلطة .. لما تتغسل هتبقي خارجة من المعرض صاحبها عندة في الجراج كذا عربية غريبة و هو مش مستقر في مصر المهم سألتة عايز فيها كام .. انا قولت علي الحالة دي و كان رافعها كذا سنة هيطلب اواخر الستينات اقوم اقلة شكرا .. قالي مش هتفرق انا مكنتش بفكر ابيع بس خالك قالي ان انت بتدور عليها و انا مش بعمل بيها حاجة شوف انت عايز تدفع فيها كام .. انا عشان اشتريت و خلاص قولتلة معيش غير 40 الف .. قالي مبروك .. انا جاتلي حالة غريبة كدة من الازبهلال و مبقتش عارف اعمل اية رجعت من عندة عمال الف علي ناس حبايبي عشان حد يشتري عربيتي حتي بخسارة الف للاسف محدش هيعرف يكيشني اليومين دول و الراجل المفروض انة هيسافر .. فقولت الحمدلله علي كل حال و قلت ربنا يعوضها في حاجة تاني .. انا قلت بدل ما هي هتفضل مركونة عندة للي بيفهم في الالفا كويس يروح يخلص فيها و ربنا يباركلة فيها ان شاء الله لأنها فعلا فرصة
اللي عايزها يقولي
