سيفيك موديل 84 سحبها ضعيف وما بتجمعش كويس افيدوني بالحل

**campos_bop** · 26-08-2013 11:54 PM

عربيتي هوندا سيفيك موديل ١٩٨٤ وسحبها ضعيف اعمل ايه عشان تبقي العربية ناعمة وسحبها حلو مع العلم ان دواسة الدبرياج كانت ناشفة وبتعض وغيرت سلك الدبرياج وبقي ناعم وغيرت فلتر الهوا ونضفت الكربراتير ولسه السحب ضعيف وبترعش في الطلعة وما بتجمعش السرعة كويس ياريت تساعدوني جزاكم الله كل خير

**aw2100** · 27-08-2013 12:38 AM

اخبار طقم الدبرياج اية لو كويس يبقى محتاج تغير بوجيهات وسلك بوجيهات وخصوصا لو فية هباب فى الجكمان بس من واحد معرفة علشان البوجيهات اللى فى السوق مضروبة وظبطه تاكيهات وكهربه العربية !

**aw2100** · 27-08-2013 10:37 PM

المشاركة الأصلية كتبت بواسطة campos_bop

دواسة الدبرياج بقت كويسه بعد ماغيرت السلك والبوجيهات الميكانيكي قالي كويسة ومش محتاجة تتغير وصوت الموتور ناعم وثابت وهو علي السلانسيه يعني كهربته والتاكيهات مظبوطين هي بس بتطلع هباب من الشكمان الصبح بس ده بسبب اني بحطلها بنزين ٨٠ لاكن بعد كده لما بدور الشكمان ما بيطلعش حاجة تفتكر كدة طقم الدبرياج هو اللي عامل المشكلة دي ولو هو ايه بالظبط اللي محتاج يتغير الاسطوانة ولا الديسك ولا الطقم كله
اسف علي الاطالة وجزاك الله خيرا علي الاهتمام بمشكلتي
في انتظار ردك

بالنسبة للبوجيهات المفروض تتغير على 15000ك حتى لو كويسه انت مغيرها امتى وطالما بتحط 80 بيخلى سحب العربية ضعيف علشان بتأخر الكهرباء شوية علشان العربية ماتكركرش بالنسبة للدبرياج لو بايظ بتلاقى صوت الموتور عالى فى مطالع الكبارى والعربية مش عاوزة تسحب ولو طلعت امريكانى وصوت الموتور بقى عالى والكاوتش ماكلش فى الأرض يبقى طقم الدبرياج وحش فى الحالة دى انصحك تغير الطقم كلة اسطوانة ودسك وبلية وبلاش تغير الأسطوانة بس وتخليه يبص على ترس الفولام لو متاكل خفيف غيرة استعمال افضل !!

**campos_bop** · 31-08-2013 12:24 PM

المشاركة الأصلية كتبت بواسطة campos_bop

مشكور جدآ وجزاك الله كل خير

ياريت لو تعرف ميكانيكي كويس تقولي عليه و جزاك الله خيرا

**ياريساوي** · 18-09-2013 12:57 PM

المشاركة الأصلية كتبت بواسطة aw2100

بالنسبة للبوجيهات المفروض تتغير على 15000ك حتى لو كويسه انت مغيرها امتى وطالما بتحط 80 بيخلى سحب العربية ضعيف علشان بتأخر الكهرباء شوية علشان العربية ماتكركرش بالنسبة للدبرياج لو بايظ بتلاقى صوت الموتور عالى فى مطالع الكبارى والعربية مش عاوزة تسحب ولو طلعت امريكانى وصوت الموتور بقى عالى والكاوتش ماكلش فى الأرض يبقى طقم الدبرياج وحش فى الحالة دى انصحك تغير الطقم كلة اسطوانة ودسك وبلية وبلاش تغير الأسطوانة بس وتخليه يبص على ترس الفولام لو متاكل خفيف غيرة استعمال افضل !!

بعد اذن صاحب الموضوع انا لما بطلع بسرعة يعندي ادوس بنزين عالي و اشيل رجلي من تلات اربع الدبرياج كده بلاقي العربية بتترج اكن التابلوه هيتخلع و لما اطلع امريكاني بتترج العربية في الاول بعدين تفحت ف الارض و دواسة الدبرياج تقيله حبتين كده يبقى طقم دبرياج ولا هتتظبط لو غيرت الزيت و خلاص ؟؟

**aw2100** · 18-09-2013 10:15 PM

المشاركة الأصلية كتبت بواسطة ياريساوي

بعد اذن صاحب الموضوع انا لما بطلع بسرعة يعندي ادوس بنزين عالي و اشيل رجلي من تلات اربع الدبرياج كده بلاقي العربية بتترج اكن التابلوه هيتخلع و لما اطلع امريكاني بتترج العربية في الاول بعدين تفحت ف الارض و دواسة الدبرياج تقيله حبتين كده يبقى طقم دبرياج ولا هتتظبط لو غيرت الزيت و خلاص ؟؟

ده كده طقم الدبرياج وحش غيرة احسن قوة رجة الموتور حيقطع القواعد لو سكت عليه !!

**aw2100** · 10-10-2013 10:20 PM

المشاركة الأصلية كتبت بواسطة al-sherbeeny

هو الفلوم بيفرق في سحب العربية؟؟

الفلام ده بيكمل مجموعة الدبرياج ولو حضرتك سبت الأسطوانة بايظة فترة بتأكل فى فية زى مابتاكل فى الديسك فلو ماتغيرش بيأثر فى السحب علشان الأسطوانة مابتضغطش بين الديسك والفلام كويس فتحس كأن الأسطوانة بايظة رغم انك لسة مغيرها وللاسف ميكانيكية كتير بيغير الأسطوانة ومابيبصش علية وتلاقى العربية بتكون مغيرة مجموعة دبرياج ومابتسحبش والموتور يترجرج على الغيار الأول وكل ده بسبب الفلام تحياتى !!