السلام عليكم ورحمة الله وبركاته
النهاردة لقيت على النت أرقام dns من شركة نورتون لأنى كنت بدور عليها لإنك بتكتبها فى الراوتر وتغير الباسوورد علشان محدش يدخل على الراوتر يعدله تانى وتريح دماغك بعد كده ، الأرقام دى بتفلتر النت وبتمنع المواقع ( الوحشة ) بالذات لو فيه أكتر من شخص من نفس العائلة أو فى أطفال بيستخدموا النت على كمبيوتر واحد أو أكتر من كمبيوتر أو شبكة نت وبتبقى مش ضامن إيه اللى ممكن يظهر على محركات البحث زى جوجل مثلاً .
المهم بقى طريقة كتابة الأرقام واضافتها فى الراوتر :
هى بتختلف من نوع لأخر بس الفكرة واحدة هنبحث عن صفحة dns ولو صعبة هات حد من بتوع النت يساعدك ، هنكتب الأرقام دى يدويا أو تستخدم النسخ واللصق وبعدين تخزن وبعدين ترستر الراوتر ، بس كده ، الحماية عبارة عن ثلاث مستويات كالتالى وأنا أوصى بالمستوى الثانى أو الثالث :
- الأمني يقوم بإغلاق مواقع التصيد, و مواقع التحيّل و المواقع التي تحتوي على برمجيات خبيثة.
Dns الرئيسي 198.153.192.40
dns الثانوي 198.153.194.40
- الأمني + الإباحي نفس الخدمة السابقة مع منع المواقع الإباحية
dns الرئيسي 198.153.192.50
dns الثانوي 198.153.194.50
- امني + اباحي + العائلي تضيف إلى الأخير الحماية التي تحتوي على مخاطر على العائلة مثل مواقع المخدرات, القمار, الجرائم بمختلف أنواعها ...
Dns الرئيسي 198.153.192.60
dns الثانوي 198.153.194.60
يارب احفظنا واحفظ أولادنا
ولكم وافر التحية