الموضوع: الفرملة وتسقيط الغيار بالمشط والكعب

موضوع جميييل تسلم ايدك

المشاركة الأصلية كتبت بواسطة amrelsaqqa

موضوع جامد جدا ، بس عندى شوية اسئلة

هل دلوقتى الهدف من دوسة البنزين اللى اثناء التسقيط انها هتمنع كسر الفتيس وقواعد الموتور والصبابات وتلف الاسطوانة ..... الخ ؟

حتى لو كنت اصلا جايب اخر الغيار التالت ونزلت للتانى مثلا ؟ ، ولو كدة ، ازاى بقى ؟


انا طول عمري بسقط نقلة عادى عشان الفرملة ، ولو انا اصلا مش حارق على الغيار الحالى ، بنزل نقلة على طول واشيل رجلى من على الدبرياج الاقى العربية كلبشت في الارض ، بدون اي مشكلة

انما لما بلاقى نفسى اتزنقت في الفرملة وكنت كمان جايب اخر الغيار بدوس فرامل جامد لحد ما سرعة العربية تهدى شوية وبعدين اكمل تسقيط ، بحيث انى ما اكسرش الفتيس او ابوظ الموتور والحركات دى .. .


وساعات كنت انزل النقلة عادى وانا على ار بي ام عالى بس اشيل رجلى من على الدبرياج بالتدريج عشان ما افاجئش الفتيس

ف ايه دور دوسة البنزين هنا ؟ هستفيد منها ف ايه ؟

كمان معروف ان اللى بيسبب حركة الانجين بريك دى ، هى قفل الـ throttle مع سرعة الدوران العالية ، فتخلى الموتور كأنه كان واحد بيجري ونفسه اتكتم فجأة وصعوبة دخول الهوا ، هى اللى بتخلى الموتور يبقى حمل كبير على العربية ويوقفها


والدليل على كدة ان تسقيط النقلة مع دوسة بنزين بتخلى العربية تجري مش تقف (زي اول مثال انت قلته بتاع الغيار الرابع وسرعة 40 )



ف ازاى هنا هدوس بنزين مع تسقيط النقلة وده يخلى العربية تقف؟
مش فاهمها منطقيا مع انى ممكن اتخيلها عادى ، بس عايز تفسير منطقى لسبب الدوسة على البنزين وشرح تأثيرها بالظبط بيعمل ايه

عمال افكر برده فى كده لانى بسقط نقلة بنفس طريقتك مع مراعاة السرعة يعنى مكتونش سرعة عالية وفجاة غيار اقل

دلوقتى دست فرامل السرعة هدت شوية مع تموير الفتيس وبعدها تسقيط نقلة

دوسة البنزين برده مش فاهمها حتى لو حارق على اخر الغيار

طيب أنا خايف أجربه أبوظ العربية و أكسر التروس
حضرتك جربته بنفسك؟؟