عايز اروح راس سدر من مدينة 6 اكتوبر

**ahmedlingo** · 27-08-2013 03:40 AM

عايز اروح راس سدر من مدينة 6 اكتوبر، بالتأكيد هطلع الدائري بس مش عارف امشي ازاي وامسك انهي طريق وذلك للوصول لنفق احمد حمدي

شكرا لكم

**محمود السيد** · 27-08-2013 10:07 AM

السلام عليكم ورحمت الله وبركاته اخى الكريم لوعايز تروح راس سدرهتاخد الدئرى اتجه مدينة السلام وبعد كدة هتنزل نفق موقف العاشر وتمشى يمين على طول لحد مايقابلك كوبردائرى المعادى موضح عليه يافطة باتجاه السويس هتنزل وتلف من تحت الكوبرى تاخد اتجاه السويس وتفضل ماشى لحد قبل السويس بحوالى عشرين كيلو تقريبن بعد البوابات الخاصة بمدينة السويس هتلف شمال (يوتيرن ) مع اول يمين اتجاه النفق (نفق الشهيد احمد حمدى ) تعدى النفق وبعدين اول تقاطع تسيبه والتقاطع التانى تاخد يمين اتجاه مدينة راس سدر المحببة الى قلبى تفضل ماشى مع الطريق لا تاخد يمين ولا شمال خليك مع الطريق لحد راس سدر واثناء السفر خلى تانك العربية فول عشان البنزيمات فى الغالب بتبقى مفهاش بنزين ولو تعرف تجيب جركن احطياطى يبقى كويس ويفضل انك تسافر بالنهار عشان الطريق من عند اتجاه النفق من السويس ضلمة لحد شرم مفيش غير نور القرى والسيارات القادمة وكمان ولا قدر الله حصل اى عطل تقدر تعرف تعلجه فى نور ربنا واتمنا من الله ان يكون شرحى افادك ومتنساش ام ترجع بالسلامة تطمناء عليك وان شاء الله متنساش دعاء السفر
__________________

**ahmedlingo** · 27-08-2013 04:17 PM

إيه ده دنا حسيت إني سافرت خلاص .. هههههههههههه
تسلم يا ذوق
بس حضرتك تقصد بنفق موقف العاشر اللي هوه النفق اللي قبل فندق جي دبليو ماريوت من على الدائري ؟
وباقي الوصف واضح جدا وجزاك الله كل خير

**محمود السيد** · 28-08-2013 11:58 AM

النفق الى تحت موقف العاشر مدينة السلام قبل سوق العبور

**mohamed_selim** · 28-08-2013 01:05 PM

ممكن الدائرى من ناحية المعادى برضه هيبقى اسهل شويه لانه انضف من بتاع شبرا
هتنزل النزله اللى بعد jw mariot على طول كده انت على طريق السويس و تكمل زى الوصفه اللى فوق

**ahmedlingo** · 07-09-2013 06:44 PM

دائري شبرا زبالة
عربيتي اتخبطيت مني ونزلت منه بعد ساعتين ونص
رجعت من دائري المعادي مخدش معايا تلت ساعه
انصح الجميع بدائري المعادي وباقي الطريق زي الوصفه اللي فوق بالظبط
شكرا لكم جميعا