بما ان اسعار العربيات زادت كلها فقولت اشوف الساجا بقت بكام لقيتها اوتو ب 88 الف ,, سؤال كده للناس اللى معاها العربيه دى هل تستاهل 88 ألف ؟
انا بفكر جديا اشتريها مع ان شايف فيها حجات كده سخيفه شويه زى اتنين ازاز كهربا بس انا مقتنع بيها برضه شايف انها كويسه بالنسبه لباقى العربيات اللى فى نفس رينج السعر
ياريت رأى الناس اللى معاها العربيه دى و قطع الغيار و الصيانه و استهلاك البنزين اخبارهم ايه
معلش هتعبكم معايا شويه بس استحملونى يمكن نكون زملاء فى قسم بروتون قريب :)
للاسف في نظري متستاهلش الرقم دة وبالمبلغ دة تجيب حاجة مانيوال احسن زي البريليانس كروس كدة لو معندكش عقدة الصيني عربية جميلة جدا
مش بحس العربيات الصينى مش عارف ليه ,, مش عقده والله فى عربيات حلوه بس انا كان معايا سيفيك 2007 اصلاّ بس العربيه Total loss فحتى الساجا بالنسبالى حتبقى اقل من السيفيك بكتير
انا معايا يا فندم العربية ممكن تاخد لفة في الجروب بتاعها على الفيسبوك ها تاخد فكرة مش بطالة عنها انا عن نفسي العربية جبتها من ايام ما كانت بـ 70 الف الأوتو وعملت بيها لحد دلوقتي 50 الف كيلو وفيه ناس عملت 100 الف كيلو العربية كإعتمادية ممتازة وثبات عالمي استهلاك بنزين مش ها اعلق عليه لأنه مش وحش ومش كويس هوة عادي يعني بالنسبة لقطع الغيار موجودة وفي شارع دمشق مش بعيدة يعني ممكن تنزل بنفسك وتشوف المشكلة بس في التوكيل هيا انه لو مثلا العربية محتاجة مساعدين بتحجز وبتستنى فترة هيا دي اكبر المشاكل ولكن بتيجي في النهاية واعتقد بروتون بقالها اكتر من 10 سنين في السوق اثبتت اعتمادية لحد النهاردة والساجل بقالها داخلة في 4 سنين محدش بيتشكي من عيوب صناعة او مصايب كبيرة غير شوية حاجات وبتتزبط في التوكيل وفي الأول وفي الأخر الموضوع موضوع ارتياح شخصي يا فندم :) وتحت امرك :)
طيب بدل متنزل من ياباني لماليزي متشوف حتة لانسر بومة او كورولا مستعملة حالة نضيفة بالمبلغ دة احسن بكتير وبرضو هتحس بفرق بس بسيط لان الهوندا معروفة عالية جدا بس احسن بكتير من الماليزي
بصراحه العربيه مع أخويا من 2010 وهيا مانيوال ماشيه دلوقت تقريبا 95000 كيلو .. ممتااااااااااااااااااازه بمعنى الكلمه .. ثباتها هايل ( أنا جيبت بيها 170 ) وكانت هايله .. تكييفها قوي وإن كان بيحمل ع الموتور شويه بحكم إنها 1300 بس مش التحميل المقرف يعني .. قعدتها مريحه ومش ضيقه من ورا وقطع غيارها متوفره وأسعارها معقوله مقارنة بنفس فئتها من السيارات .. مشكلة قطع غيارها إنها موجود كاتيجوري واحد .. ماقدامكش إلا الأصلي جديد أو إستيراد مافيش منها صناعات تانيه .. بس دي بالنسبه لأخويا وليا أنا كمان مش شايفها مشكله لإننا أصلا مابنحبش نركب ف العربيه غير قطعة الغيار الأصليه اللي نجيبها من الوكيل .. ف العموم توكل على الله العربيه موتورها ماشاء الله قوي .. عزمها عالي وتسارعها ممتاز وثباتها حلو .. إستخير .. وربنا يوفقك .
لو ينفع مستعمل معاك ممكن تفكر فالكورولا
اللي يخليك تدفع.ال ٨٨ ممكن تزود سبكا وتجيب جولف ٥ ... ولو بروتون عجباك يبقي ادفعهم في جين ٢ مستعملة نضيف ومش هتحس بفرق بينها وبين السيفيك غير في النعومة والخامات
شكراّ يا رجاله بس انا بفضل الزيرو
اصل انا لو فكرت مستعمل ممكن سيفيك تانى بس المشكله حتزنق معايا فى الفلوس انا حجيب فى حدود 90 مش اكتر
حشوف ايه الدنيا كده وربنا يقدم اللى فيه الخير
شكراّ لمساعدتكم مره تانيه
بصراحة العربية ساجا فيها مميزات و اوبشنز تخللى سعرها كويس بالنسبة لبقية اسعار الزيرو للعربيات التانية ...
بالنسبة للمميزات فهى الثبات و ثقل وزن العربية فى السرعات العالية , عربية واسعة ومريحة فى قعدتها , عفشة ناااااعمة , الاوبشنز ( تكييف - باور - سنتر - انذار - كاسيت سي دي و اربع سماعات - حساس ركن خلفى - فوج لايت امامى و خلفى - ايرباج للسائق )
بالنسبة للعيوب انا شايف اهمها هو استهلاك البنزين العالى خصوصا فى الزحمة و الاشارات و مع فتح التكييف و لكن فى الطريق الطوالى بتبقى معقولة شوية .. و برضه قطع الغيار مش متوفرة بشكل كبير ممكن تتعب شوية عشان تلاقى قطعة غيار ليها
انت بتفكر تدفع 88 الف جنيه في عربيه زي دي
حرااااااااااااااااام علييييييييييييييييييييييي يييييك بجد
دي مهما كان فئه صغيره جدا مهما كان الكلام عليها ف هي اكييد مش هتستريح معاها مستحيل
اتعب شويه في التدوير وهات ايييي حاااااجه ارحملك
تويوتا نيسان هيونداي ميتسوبيشي بجد اي حاجه
ممكن تركب النترا الشيب بتاع 2007 ل 2011 هتركب حاله ممتازه وتبقى كامله فتحه وجنط
ممكن لانسر برضو وبراحتك شارك او بومه
ممكن كورولا وميزتها النعومه
وممكن بقى تركب بورا برضو وموديل عالي 2005 او 2006 مثلا وحاله فوق الممتازه بشويه
انما تحط الفلوس في عربيه زي دي حرام بجد مش عشان العربيه وحشه بس فئه صغيره اوي
مهما كان مفيش اي حاجه في العربيه دي ممكن تتقارن بالعربيات المذكوره اعلاه
لو جبتها بالرقم ده هتبقى بترمي الفلوس في الهوا
الافيو الاوتو و السانديرو و اللوجان الاوتو فى حدود 99 الف
الساجا سعرها معقول جدا
معا احترامي لملاك الافو لاكني مش بعترف بيها عربية لانها مليانة مشاكل
انا شايف ان سعرها كده معقول جدا بالنسبه لامكانتيتها حتي بعيوبها اللي الناس ذكرتها
دي ال i10 بقت ب 90 الف و البيكانتو ب 100 و طبعا الاتنين اوتو
العربيه الحمد لله كويسه جدا (بالنسبه لفلوسها )
لكن حضرتك بتقول كنت راكب سيفيك وكمان 2007
مجرد رأي الساجا مش حتعجبك خالص لان اللي ينزل من سيفيك لازم يشوف حاجه متقاربه مش الساجا
تحياتي
الساجا محترمه رقم واحد في ماليزيا وواسعه ومريحه وسعرها أرخص من البيكانتو مثلا