معلش عندى كام سؤال ومحتاج الرد ضرورى
الأخوة الأعزاء
السلام عليكم ورحمة الله وبركاتة
بعد اذنكم عندى كام مشكلة وعايز مساعدتكم
1- فية ماسورة مياة تحت المانفولد خلف المتور بتسرب مياة وعايز اغيرها سعرها كام ولازم المانفولد يتفك ولا لا ولو اتفك لازم اغير الجوان بتاعة ولا لا
2- قربة المياة عايزة تتغير بردة لانها ملحومة ومش مرتاح لها سعرها جديد واستيراد كام واية الأفضل
3- كباس التكييف ضعيف وعايز أغيرة سعرة كام وقرأت فى بدائل قطع الغيار ان ممكن اركب كباس لانوس هل ممكن وهيكون فية تعديل ولا لا
4 - فية فل بيكون راكب تحت الإكصدام الامامى بردة اجيبة منين وجديد ولا استيراد وياريت السعر
5- كنت عايز أنزل الإكصدامين وأركبهم كويس وعايز أعرف ليهم كلبسات اد اية ومنين وبكام الكلبسات دى
وأسف جدا لكتر أسئلتى وعدم مشاركتى معكم حاليا لأن خبرتى قليلة فى الأوبل
معلش لو ممكن ميكانيكى كويس يركبلى الماسورة بتاعة المياة يكون قريب من المهندسين وهياخد مصنعية فى حدود كام وشكرا لتعبكم معانا