الموضوع: افيدونى افادكم الله

غالبا هو فعلا سولونيد فتيس اوتو
وهتفضل تعمل كده على فترات واحتمال بعد كده مش هتجيب معاك كل الغيارات
بس نصيحه لو هو كده فعلا هاتلك فتيس استيراد احسن

المشاركة الأصلية كتبت بواسطة iaibrahim

معى عربيه ميجان 2 موديل 2005 المهم اليوم عندما اقف فى اشاره مثلا واطلع بالسياره احس بهبده جامده وكان حاجه خبطت العربيه من ورا ثم تنط العربيه وتطلع عادى وتكرر ذللك حوالى 3مرات والغريب انى رجعت من المشوار عادى وارجوكم اللى يعرف العيب ايه وتكلفته كام يرد وجزاكم الله كل خير

العربيه ماشيه اد ايه؟؟؟
غيرت زيت الفتيس اخر مره امتي؟؟؟
العربيه من وضع الثبات صوت الموتور يعلي الاول وبعديين بتهبد؟؟؟
الموضوع ده بيحصل الصبح في بدايه المشوار؟؟؟
الاسئله دي كلها ممكن توصلنا لاقصر طرق الحل

شكرا لكل من رد بس ليه اغير الفتيس انا سمعت ناس كتير غيرت السلونيد بدون مشاكل وايضا ده بيحصل فى وسط المشوار وليس هناك اى صوت غير الهبده ولكن دواسه البنزين لا تستجيب وربنا يخليكم ويجعلكم ادة لمساعدة الناس

باشا ريح دماغك انا عندى نفس المشكلة وبتعمل كل الى انتا بتقولة وفى الاخر هتروح تكشف عليها هيطلع سولونيد فتيس و انشاء اللة انا هعملو بكرة عند عادل الى ف صقر قريش وهقلك تكلفتة كام بس تقريبا السولونيد استيراد ب 350 جم بدون تركيب انا لسة مكلم الميكانيكى بتاعى الى هناك و سألتة علية ومتخفشمن اى حاجة خالصدا عادى جدا بس انتا اكيد اهملت تغييرزيت الفتيس لان هو دة الى بيخليه يبوظ
نصيحة لوجة الله
بعد لما تغيرة حط زيت فتيس نضيف متسترخسش والطبيعى انك تغير الزيت كل 30000 كم خليك نزية مع العربية وغيرة على 25000كم او 27000كم من الاخر كدا دلعها :]

شكرا على الرد والزيت متغير من سنتين فى التوكيل والعربيه مشيت يجى 10 الف لانى مريض ولا امشى كتير ومش خايف ولا حاجه قدر الله وما شاء فعل بس انا اتخنقت من العربيه المهم انى من الهرم وناوى اعملها عند طارق وهو قال لى التكلفه 700 مش مهم والحمد لله