عرض للطباعة
دلوقت انا لو عايز عربية تستحمل سفر 250 كيلو في اليوم مقسومين نصين رايح جاي في بينهم فترة 8 ساعات تقريبا
ومحتاج العربية دي باقل من 20 الف
هل موجود ولا لا
لان جايلي شغل يمكن اتقبل فية بعيد وهيبق خروجي منة بليل ومفيش مواصلات
ياتري ممكن ولا اصرف نظر عن الفكرة ؟؟
للاسف اقل من 20 الف مش هتلاقي عربية تستحمل السفر الكتير دة ممكن تزود شوية وتجيب شاهين ودي هتسد معاك في السفر
مفيش عربيات من الفيات مثلا تستحمل خاااااااااالص ؟؟
ولا حتي 32
504بيجو
هي ال504 ارخص من 20 الف ؟
لاء هو 20 يجيبو 504 حاله كويسهاقتباس:
المشاركة الأصلية كتبت بواسطة mik_e30
انما اقل من 20 هاتكون واقعه وتتعبك
وده اللي فهمته من كلامك
انك معاك 20 او اقل
الفيات 132 معايا وهية عربية حلوة بس اعطالها كتير للاسف وسافرت بيها القاهرة كذا مرة بس عيبها ان ممكن يحصل عطل مفاجئ يعملك مشكلة خصوصا معا السفر الكتير يعني انا كنت لسة ماشي بيها من اسبوع ولسة بقول يا هادي وطالع مشوار 50 كيلو بعد 3 كيلو تقريبا بطلت وسير المجموعة قفش وكسر المناول في المحرك ولبست في محرك جديد ب 4500 جنية ولسة هستلمها بكرة ان شاء الله
البيجو عربية جميلة بس قطع غيارها غالية شوية احسن حاجة لية الشاهين قطع غيار رخيصة جدا وبتاعة شقي وممكن يشتري واحدة بال 20 الف الي معاة بس هتبقي حالة متوسطة لو زود ل 25 هيجيب حالة ممتازة وانا معايا العربية دي برضو وعارفها كويس وهية عربية جميلة وبتاعة شقياقتباس:
المشاركة الأصلية كتبت بواسطة hugan
شكرا ياشباب بجد تعبتكم معايا
انا كان معايا شاهين ولسه موجوده مع اخويااقتباس:
المشاركة الأصلية كتبت بواسطة m i d o
الشاهين 1400 موتور لانشيا
ممتازه مفيش كلام
لكن ال 20 لو ها يجيبو شاهين ها تكون فطسانه ومحتاجه تتبني من اول وجديد
وعمرها ما هاتكون زي شغل الفابريكه
انما ال 504 العربه الوحيده اللي بتتشد ويظهر عليها الشغل
ال 20 الف يوقعوا عربيه 504 بحاله جيده
فيات 124 عربية جامده وبتاعه شقى وباقل من 20000!
الشكر لله وحدة يا باشااقتباس:
المشاركة الأصلية كتبت بواسطة mik_e30
لا بالعكس ال 20 يجيبو حالة معقولة بس تتشد بالفين ولا حاجة لاكن لو حالة كويسة هتعمل 25 الف الي عندي كنت شاريها ب 26 وممتازة وقطع غيارها رخيصة جدا جدا البيجو بقي عيبها قطع غيار غالية شوية ومش اي ميكانيكي هيعرف يظبها لو فيها حاجة انما الشاهين اي حلواني شغال فيهااقتباس:
المشاركة الأصلية كتبت بواسطة hugan
لا يا راجل حرام عليك 124 اية بس دة كفاية شكلها يقفل لوحدةاقتباس:
المشاركة الأصلية كتبت بواسطة aw2100
ال 24 جامدة وكل حاجة لان كمان عفشتها سست ورق مش يايات
بس شكلها قديم اوي اوي وصوتها عالي جدا ومواتيرها خشنة جدا زي الجرار
mazda 323 سيدان وممكن هاتشباك اكيد مش هتعدى ال 20 ولو سليمة ونضيفه هتسد فى اى مشوار زى الفل وبالتوفيق يا رب
مشكلة الmazda 323 قطع غيارها الجديدة غالية ومش متوفرة !
اقل من 20 الف مش هتلاقي عربية تستحمل السفر الكتير دة
اللادا .. 2105 أو 2107 موديلات من 85 إلى 88 .. في حدود العشرين تاخد حاله كويسه جدا .. وعربيه حمالة أسيه .
تحت ال 20 الفاقتباس:
المشاركة الأصلية كتبت بواسطة mo7a_mo7a
فيه عربية تحفة و شكلها معقول جدا هيه بويك سكاي لارك و موتورها 2400 سي سي و اوتماتيك كمان
فخامة و راحة الامريكاني من الاخر و استهلاك معقول و ممكن تركب غاز للتوفير اكتر
قطع الغيار و الصيانة معقولة ( من كلام واحد من ملاكها عارضها للبيع و هتفرج عليها اليومين دول )
التكييف تلاجة ( على كلامه ) ..
طبعا العربية واسعه جدا و شنطتها كبيرة .
:36_8_1[1]:
انا شايف اني ممكن اتحمل استهلاك اكتر شوية من ال 1600 في مقابل راحة و نعومة مش موجودة غير في عربيات فوق ال 70 الف ..
اسعارها بين 12.5 لحد 30 الف حسب الحالة
و فيه ناس مغيرة المواتير بمواتير 1600 بتاعة لانوس و تويوتا و ناس مركبة مواتير جاز ... بس الافضل انك تاخدها بموتورها الاصلي ..