شكرا لرأيك جدا يا شاركي...
عرض للطباعة
شكرا لرأيك جدا يا شاركي...
انا رأيى اوبترا
وهقولك الاسباب مش هقولك اوبترا وخلاص
بص السيراتو احسن فى انها اقوى ( 121 حصان )
الاوبترا 107 حصان بس ده مش معناه انها ضعيفه
ولو قارنت بعد كدا من كل الجوانب هتلاقى الاوبترا احسن
السعر هو هو الاتنين ب 97 الاتوماتيك بس الاوبترا تزيد الفوج لايت والمرايات الكهربا
والنور بتاع الصالون وعشان تزود الحاجات دى فى السيراتو يبقى هتجيب اللى ب 102
سعر جيد عند اعادة البيع - توافر قطع غيارها وسعرها مناسب - توكيل وضمان - اداء وثبات - ارتفاع عن الارض ( بجد ميزه مهمه اوى فى بلدنا ) - واسعه من جوا ( الصالون والشنطه ) - التابلوه شيك ولايق مع الصالون والانوار اللى جوه بتاعت العدادات وتقفيلها من جوه عامة نضيف اوى - التنك 60 لتر فمتحتجش تمون كل شويه
أعتقد ان كل الحاجات دى ترجح كفة الاوبترا بدون تفكير
وعلى فكره انا مش ضد السيراتو بالعكس انا بحبها جدا وكنت هاجيبها والله وكنت متمسك بيها جدا بس لما قارنتها بالاوبترا وحسبتها بالورقه والقلم اخترت الاوبترا
وربنا يوفقك فى الاختيار