الموضوع: انا ادامي سيات

بص يا سيدى
انا هحكيلك عن تجربتى و انت تقدر تحكم
انا معايا سيات بقالى اكتر من عشر سنين
و للعلم معايا باسات برضه
السيات مع معظم الناس ليها تجارب سيئة
العربية اللى معايا اخدها من والدى سنة 2002 و كانت عملة وقتها 66 الف كيلو يس لان كان معانا عربية تانية
اتعلمت عليها و كان مبيتعملهاش صيانة الا نادرا
فبدات اظبطها و اظبط العيوب اللى فيها
و الحمد لله العربية معايا مفيهاش عيوب جوهرية
الا الاتى
قطع غيار اغلى من مقامها فعلا و نادرة بس اهى ماشية معايا بقالى سنين و الدنيا موقفتش اتعلمت مع الوقت ازاى اتصرف
العربية ضيقة
متسالش عن حاجة اسمها ثبات..... انا كنت بجيب بيها 120 و 110 عادى بس فمرة و انا نازل من على كوبرى الجلاء و ماشى على 90 عربية قدامى فرملت والارض كان عليها مية فالعربية لفت منى مرتين حولين نفسها و الحمد لله انا و العربية محصلناش اى حاجة
المزايا من وجهة نظرى
اقتصادية التشغيل لو العربية اللى معاك نضيفة و صاحبها محاقظ عليها و ده نادر تلاقيه
مش هتخاف عالعربية لان محدش هيطمع فيها
بروح بيها الحتت الشعبية اللى فيها شغلى لانى لاقيت مرة العيال عند الشغل بيلعبوا كورة و عاملين سقف العربيات مدرجات
الخلاصة
لو نضيفة اوى هاتها غير كده حتى لو ببلاش متخدهاش