الله يبارك فيك يا باشا و يكرمك بالخير دايماً
ايه الأخبار ياباشا؟استلمتها ولا لسه ؟
وطلع فيها ايموبليزر ولا لأ؟؟؟؟؟؟؟؟؟؟عايزين نطمن ونعرف
مبروك
بسم الله الرحمن الرحيم و الحمد لله على ما وبني بدون حول مني أو قوة فهو الواهب العاطي ...أنا فعلاً شاكر لكل من بارك و هنأ و دعى لي و للسيارة و آسف على التأخير لأني كانت عاندي ضغط شغل مش طبيعي :36_1_37[1]: و انتو عارفين الحظر بقه و شوية الحاجات الي إحنا فيها . الحمد لله استلمت العربية بس مش نفس اللون لأن العربية الي كنت حاجزها في الأول إتخبطت و هي واقفه في المعرض دخل فيها هيونداي بردو بس IX35 فكانت النتيجة مش ظريفة بالمرة :stink[1]: و بصراحة كلموني في المعرض و عرفوني الي حصل و قالولي إن الي موجود هي السوداء بس فقل يبقى مكتوبالك السوده يا عم هيثم و اتكلت على الله ، رحت المعرض و أول شيء قمت بيه هو إني قولت المفتاح فييييييييييييين :3mla: الراجل الي في المعرض قالي مالك يا بشمهندس مستعجل أوي كده له قلتلو لأ أنا بس في حاجة عايز أتأكد منها قالي طيب اتفضل أدي المفتاح أخدت المفتاح و فتحت العربية و أول ما هاطيتو في الكونتاكت و لفيت كانت المفاجئة السااااااااااااارة الإموبلايزر موجوووووووووود :wink: فرحت جداً وقلت الحمد لله و رحت واخد بقه لفه حوالين العربية و اطمنت على كل ما يخطر على بالكو و خلصت الإجرائات و اتكلت على الله :00020140: و أول حاجة طبعاً فولت و رحت طالع على واحد جنب البيت عندي بتاع مفاتيح كمبيوتر و شفره و قلتلو إتأكد يا غالي من المفتاح ده قالي ماشي طبعاً كشف على المفتاح لقى في شفره و الحركات إياها و طبعاً اسكت أنا أكيييد لأ :mahf(5): رحت مطلع نسخة طبعاً هو مكنش فاهم ليه كل الحوارات دي قلتلو متركزش على شان متهيسش :8954[1]: و فعلا عملنا نسخه و جربنا و طبعا بطه بلدي والده و لا كاني بقول للعربية دوري أنا أحاول و هيا ولا كأنها هنا و طبعاً عملتلي فضيحة في الشارع لأن الإنزار كأنو شاف عفريييييييت :afterboom: أعدت تيت تيت تيت تيت تيت تيت لحد ما طفيته من المفتاح الأصلي و دي كانت التجربة الأولى و التقرير الأول بحمد الله . أنا دلوقتي بجهز تقرير مفصل بالصور و كمان بتفاصيل تركيب الفرش من عند جينز كار بس إدوني يومين فرصة بس أخد نفسي ... و السلام ختام ...
الف الف مبروك يا هيثم , مش قولتلك فيها الإمبولايزر :) ,, متنساش تقولى ركبت الفرش بكام عشان عايز اركب عندى...
مبروك الالنترا ياباشا
عرفت منين ان فيها ايمبلويزر بمجرد ما حطيت المفتاح في الكونتاكت
هتلاقي يا باشا أول ما تحط المفتاح في الكونتك و تلف المفتاح هتلاقي علامة عربية صفره و جواها مفتاح زي كده ...
http://nileup.com/up/uploads/nilemotors_13785201791.jpg
الف مبروك ربنا يديك خيرها و يبعد عنك شرها
الحمدلله انها من البضاعة الجديدة اللى فيها الإيموبلايزر
انا استلمت هاى لاين من عشر ايام بس للأسف من غيره
يا باشا الله يبارك فيك و ليك و الحمد لله أولاً و أخيراً ، بس إزاي إستلمت من غير يا باشا المعلومة الي عندي من جوة التوكيل و المعارض الي أعرف ناس فيها إن كل الـ 2013 نازله بإموبلايزر فذاي الكلام ده حصل معاك ؟؟؟؟ أنا لسه رادد على موضوعك من شوية الي انتا عامله عن التنبيه صح و لا إيه ؟