أخييييييييييراً النترا 2013 هاي لاين GLS+immobilizer

**Haitham Basha** · 03-09-2013 08:09 PM

المشاركة الأصلية كتبت بواسطة abdo_2812

مليون مبروك ياباشا، ربنا يرزقك خيرها ويجنبك شرها يارب

الله يبارك فيك يا باشا و يكرمك بالخير دايماً

**esam_ayad** · 05-09-2013 02:49 PM

ايه الأخبار ياباشا؟استلمتها ولا لسه ؟
وطلع فيها ايموبليزر ولا لأ؟؟؟؟؟؟؟؟؟؟عايزين نطمن ونعرف

**shaker_alz** · 05-09-2013 04:32 PM

مبروك

**Haitham Basha** · 06-09-2013 09:29 PM

بسم الله الرحمن الرحيم و الحمد لله على ما وبني بدون حول مني أو قوة فهو الواهب العاطي ...أنا فعلاً شاكر لكل من بارك و هنأ و دعى لي و للسيارة و آسف على التأخير لأني كانت عاندي ضغط شغل مش طبيعي و انتو عارفين الحظر بقه و شوية الحاجات الي إحنا فيها . الحمد لله استلمت العربية بس مش نفس اللون لأن العربية الي كنت حاجزها في الأول إتخبطت و هي واقفه في المعرض دخل فيها هيونداي بردو بس IX35 فكانت النتيجة مش ظريفة بالمرة و بصراحة كلموني في المعرض و عرفوني الي حصل و قالولي إن الي موجود هي السوداء بس فقل يبقى مكتوبالك السوده يا عم هيثم و اتكلت على الله ، رحت المعرض و أول شيء قمت بيه هو إني قولت المفتاح فييييييييييييين الراجل الي في المعرض قالي مالك يا بشمهندس مستعجل أوي كده له قلتلو لأ أنا بس في حاجة عايز أتأكد منها قالي طيب اتفضل أدي المفتاح أخدت المفتاح و فتحت العربية و أول ما هاطيتو في الكونتاكت و لفيت كانت المفاجئة السااااااااااااارة الإموبلايزر موجوووووووووود فرحت جداً وقلت الحمد لله و رحت واخد بقه لفه حوالين العربية و اطمنت على كل ما يخطر على بالكو و خلصت الإجرائات و اتكلت على الله و أول حاجة طبعاً فولت و رحت طالع على واحد جنب البيت عندي بتاع مفاتيح كمبيوتر و شفره و قلتلو إتأكد يا غالي من المفتاح ده قالي ماشي طبعاً كشف على المفتاح لقى في شفره و الحركات إياها و طبعاً اسكت أنا أكيييد لأ رحت مطلع نسخة طبعاً هو مكنش فاهم ليه كل الحوارات دي قلتلو متركزش على شان متهيسش و فعلا عملنا نسخه و جربنا و طبعا بطه بلدي والده و لا كاني بقول للعربية دوري أنا أحاول و هيا ولا كأنها هنا و طبعاً عملتلي فضيحة في الشارع لأن الإنزار كأنو شاف عفريييييييت أعدت تيت تيت تيت تيت تيت تيت لحد ما طفيته من المفتاح الأصلي و دي كانت التجربة الأولى و التقرير الأول بحمد الله . أنا دلوقتي بجهز تقرير مفصل بالصور و كمان بتفاصيل تركيب الفرش من عند جينز كار بس إدوني يومين فرصة بس أخد نفسي ... و السلام ختام ...

**adorehearts** · 07-09-2013 04:26 AM

الف الف مبروك يا هيثم , مش قولتلك فيها الإمبولايزر :) ,, متنساش تقولى ركبت الفرش بكام عشان عايز اركب عندى...

**Haitham Basha** · 07-09-2013 04:52 AM

المشاركة الأصلية كتبت بواسطة adorehearts

الف الف مبروك يا هيثم , مش قولتلك فيها الإمبولايزر :) ,, متنساش تقولى ركبت الفرش بكام عشان عايز اركب عندى...

ههههههههههههههههههههه حبيب قلبي أنا رايح إن شاء الله بكره يوه أصدي النهارده ههههههههههه جينز كار أختار الخامات و الألوان و هقولك على كل الأسعار و التفصيل أول ما أرجع بإذن الله ...

**hugan** · 07-09-2013 04:59 AM

مبروك الالنترا ياباشا
عرفت منين ان فيها ايمبلويزر بمجرد ما حطيت المفتاح في الكونتاكت

**profimh** · 07-09-2013 05:44 AM

الف مبروك ربنا يديك خيرها و يبعد عنك شرها
الحمدلله انها من البضاعة الجديدة اللى فيها الإيموبلايزر
انا استلمت هاى لاين من عشر ايام بس للأسف من غيره

**Haitham Basha** · 07-09-2013 05:48 AM

المشاركة الأصلية كتبت بواسطة profimh

الف مبروك ربنا يديك خيرها و يبعد عنك شرها
الحمدلله انها من البضاعة الجديدة اللى فيها الإيموبلايزر
انا استلمت هاى لاين من عشر ايام بس للأسف من غيره

يا باشا الله يبارك فيك و ليك و الحمد لله أولاً و أخيراً ، بس إزاي إستلمت من غير يا باشا المعلومة الي عندي من جوة التوكيل و المعارض الي أعرف ناس فيها إن كل الـ 2013 نازله بإموبلايزر فذاي الكلام ده حصل معاك ؟؟؟؟ أنا لسه رادد على موضوعك من شوية الي انتا عامله عن التنبيه صح و لا إيه ؟

-

الموضوع: أخييييييييييراً النترا 2013 هاي لاين GLS+immobilizer

LinkBack

أدوات الموضوع

عرض

-

-

-

-

-

-

-

المواضيع المتشابهه

هى الريو السيدان هاى لاين وكيل 2013 مفيهاش Immobilizer ???!!!!!

سعر النترا هاي لاين

سكودا اوكتافيا 2013 ولا النترا كوبيه 2013

ايه الافضل كروز 2010 هاي لاين Vs النترا هاي لاين خليجي 2010

بيجو 3008 هاى لاين والا كرولا هاى لاين المودلين 2013

الكلمات الدلالية لهذا الموضوع

المفضلات

المفضلات

ضوابط المشاركة