-
انا شفت الكلام دا فى منصور و فى غبور .
شفت فى غبور عربيات i10 الاكسدام مخبوك و شفت فى منصور optra الرفرف مخبوط و العربية عليها ورقة الجمرك و بكيسها و معلهاش نمر.
الله اعلم فى بقية التوكيلات ايه النظام , اكيد كدا برده
بس الفكرة بقا بيقولوا للى بيشترى العربية انها اتحكت او اتخبطت و لا بينصبوا عليه؟
-
فيه بيقول و فيه لأ ....المفروض أن العربيات ديه تتغير القطع المخبوطة بقطع جديدة من المصنع ....السمكرة و الدوكو يخسف بسعر أعادة البيع
-
مرة طلبت السمكري علشان يقبلني في الشارع بعد ما واحد كسر عليا وخلع الإكصدام من الأمام. وتأخر عليا شوية ولما جه قالي معلهش أصلي كنت باسلم عربية زيرو مخبوطة لمعرض في شارع النزهة علشان يعرفوا يبيعوها في المعرض... ودي مش أول مرة !!!
-
انا واحد صاحبي اشتري سيراتو من احد المعارض وبعد فترة اتخبطت ولما راح يسمكرها اكتشف انها واخده معجون
-
من ردود الاعضاء يتضح انها عملية منهجية فى اغلب - بلاش جميع - التوكيلات فى مصر , بالذمه مش دى حاجة تحبط , فين حماية المستهلك و فين الضمير اصلا
انا اقبل بذلك لو البائع ذكر حدوث الترميم و يتبعه تنزيل كبير فى سعر العربية
ايه رأيكم
-
محدش هيسمعك لو حد مش عاجبه هيقوله خلاص الف غيرييك يشتريها
-
بالطريقة دى يبقى اللى يشترى سيارة زيرو لازم يرفعها ويكشف عليها الاول
-
امبارح عربيتين على الاوتوستراد وقياده مستهتره للاتنين
والاتنين من غير نمر وبكيسهم وعليهم تراب ولا كانهم طالعين من جبل فى الصحراء
الاولى سيفيك والتانيه كورولا .. وعادى يعنى
هو التراب ده جه من ايه يعنى
-
معرفش هو مفيش حد بيحاسب الناس اللى بتنقل العربيات دى ولا ايه يعنى التوكيل او صاحب المعرض ما بيشوف العربيه وهو بيستلمها ولو فيها حاجه يشيلها للواد اللى كان سيقها
-
حسبى الله ونعم الوكيل
طب يا جماعه الى معندوش خبرة فى العربيات ازلى يقدر يروح يستلم عربيه زيرو وايه الحاجات الى لازم يشيك عليها يا ريت تفيدونى عشان هستلم عربيه زيرو كمان كام يوم ؟؟؟
وياريت تفيدونى فى موضوع العداد دة يعنى لو عدى كام كيلو ابدا اشك ان العربيه مشيت كتير ؟؟؟
Content Relevant URLs by
vBSEO 3.6.0 PL2