انا ولدى متوفى واكبر اخواتى متزوج وعندى بنت وعندى شركة كمبيوتر وموبيل مع 2 شركاء
كنت واخد تاجيل عائل اسرة ...
وجه كابوس ودخلت الجيش وسبت بيتى وبعدت عن شغلى ولقيت فى الجيش مرمطه فظيعه واهانه مش عارف ليه مع انى مرضتش استنه سنه ولا اتنين لما اوصل سن ال 30 وادفع غرامه وخلاص لانى بحب امشى صح وقلت اخدم بلدى...
هحكى ليكم موقف بسيط حصل بعد مركز التدريب رحنا منطقة فى ابو صوير فى اسماعلية بعد مرمطه 24 ساعة فى الطريق وشايلين المخلة ومشى فى الصحرا بيها يسعات وصلنا هنجر كبير فيه ملا يقل عن 3000 عسكرى ومفيش مكان وريحة صعبة جداا وثعابين ونام على الارض وخايف تنام حاجة تتسرق منك صحينا الصبح مفيش مياه مفيش حمامات صحونا الساعة 5 واحد مننا قال للعقيد يافندم مفيش مياه ولا اكل ولا حمامات قاله يابن وابن .....بافظع الشتايم
انا جاى اخدم بلدى ولا اتشتم بالاب ؟؟؟؟ شعور صعب يضيع اى انتماء للبلد دى
المهم مع انى ضد الواسطه حاولت اجيب واسطه بصعوبة تجيبنى مكان قريب والحمد الله جيت مكان يبعد عن بيتى 15 دقيقة وقلت الحمد الله ارتاح
فوجئت فيه بقمة الظلم للى مش معاه واسطه ومفيش خدمات اكل او شرب او حتى مكان ننام فيه
واحد قريبى قالى احسن حاجة تقولهم ان معاك عربية وتتطلع حاجة اسمها مندوب مشتريات
وهتروح كل يوم بيتك الساعة 2 الظهر واسبوع هتروح فيه واسبوع اجازة..
مع انى كنت بعت عربيتى قلت هتصرف فى عربية لخد ما اجيب واحدة
فى مقابل انى ارتاح واروح كل يوم الساعة 2 الظهر اشوف شغلى وهاخد اسبوع اجازة كمان
فوجئت باول مشو ليه بيقولى هروح طنطا وانا من المنصورة ارجع شاشة للعقيد جبها وعايز يرجعها
اصحى من خمسة الصبح واروح 10 بليل تعب ومشواير فى الحر واى طلب تصرف من معاك وهما يحسبوك اخر الشهر يجى اخر الشهر يقولك الحساب فى الشهر الى بعده
بهدلة ليه وللعربية بطريقة فظيعة وظلم بين مع ان فى ناس معايا مناديب برده بتروح الساعة 2 وترتاح
قالوا اصل انته لسه جديد ولازم كده استحملت 3 شهور ومفيش تغير وبقول انا احسن من غيرى ...
بهدلة بكل ما تحمله الكلمة من معانى
مشواير مصر اسماعلية شوية ااجر عربية على حسابى شوية اتصرف اى حاجة عايزين يشتروها يقولك روح هات وادفع من معاك وهنبقى نحاسبك..
واحد هناك صول شافنى والظاهر صعبت عليه قالى حاول تشوف واسطه وتيجى مكتب متابعة للعقيد احسن وهتبقى اسبوع واسبوع اجازة ادعولى ربنا يسهل للاسف مش عارف اتصرف فى واسطه تجيبنى مكتب المتابعة لان الواسطة الى جابتنى المنصورة تقريبا مش فى ايده اكتر من كده ...
دلوقتى لو معرفتش ادخل مكتب المتابعة استحمل وازنق نفسى واجيب عربية ولا رايكم اقعد هناك واستحمل صعوبة الاجازات كل 30 واربعين يوم والحياة الصعبة اللى هناك وشغلى وبيتى الى هضر فيهم ولا اجيب عربية وامرى لله واهو بتبهدل اسبوع وارتاح اسبوع
طيب لو جبت عربية خايف اجيب عربية قديمة تبهدلنى واجى ابيعها اخسر فيها طيب اجيب ايه انا معايا بالكتير 50 الف دلونى اعمل ايه وادعولى والى قدامه عربية حلوة فى المنصورة او الزقازيق يدلنى عليها ويدعيلى لو شايفين انى اجيب عربيه ده الصح ادعولى بالله عليكم