تجربتي بالصور مع جلب الفورد..بالصور
قررت اجيب الجلب الفورد (الكبيرة) و ال GM الأصلي (الصغيرين) و بالمرة تيل فرامل امامي
نزلت التوفيقية ... روحت علي البنا الأول لقيت التالي:
الجلب الصغيرة GM اصلي ب 80 جنية
تيل امامي جولد كوري ب 80 جنية
سألتة عالجلب الفورد قالي مش عندي شوف عند بتوع الفورد... بس بصراحة المعاملة عند البنا كويسة جدا بالرغم من اللطعة في الزحمة
كنت قريت في قسم فورد عن بتوع قطع غيار فورد في التوفيقية و هما اتنين
الأول ... تاني ممر بعد البنا و اسمه بدرسيان و سألتة عن جلب الفورد فوكس اللي بتركب عالنوبيرا قالي دي مش فوكس دي بتاعة اسكورت اكدت علية بياخدوها للنوبيرا قالي هيا ...
الطقم كامل الماني 2 كبير و 2 صغير ب 180 جنية و رفض يبيع الاتنين الكبار بس
الثاني... ابراهيم سليمان و ده قدام بدرسيان في عمارة قديمة دور ثاني
لقيت الاثنين الكبار ألماني نوعها febi قال 200 حنية بعد مناهده كبيرة خدتها ب 150 جنية و مارضاش ينزل مليم ..بس شكلهم ماشاء الله نضيف جدا و مكتوب علي الرابر نفسة الماني
و كان عنده تركي ب 100 جنية بس شكلها تعبان
بعدها لفيت لفة عشان اشيك علي اسعار البنا في التيل و الجلب ... لقيتة ارخص واحد في الجلب و التيل زايد 5 جنيه
المهم روحتلة نزلت ال 5 جنية و خدت منه الاتنين
بس الجلبة ال GM الأصلي كخامات جنب الالماني سوري زباااااااااااااااااااالة و هنشوف الصور
دول الجلبتين الكبيرة الالماني و الصغيرة الاصلي
http://nileup.com/up/uploads/nilemotors_13776440881.jpg
و دي صورة الكبيرة الألماني
http://nileup.com/up/uploads/nilemotors_13776450131.jpg
و دي صورة الصغيرة الاصلي
http://nileup.com/up/uploads/nilemotors_13776440893.jpg
و دي صورة الأماني بيوضح الكتابة اللي عليها
http://nileup.com/up/uploads/nilemotors_13776440892.jpg
و دي صورة علبة تيل الفرامل
http://nileup.com/up/uploads/nilemotors_13776440894.jpg
اتمني يكون الموضوع مفيد ... بالنسبة للتركيب ... بكره هركب ان شاء الله