تجربتى مع الحرارة وشكر خاص للأستاذ فادى
بسم الله نفتتح الموضوع
أولا الحكاية بدأت بعد ماقرأت موضوع هنا عن كيفية تنظيف دورة المياه حفظت الخطوات كويس ونفذت بالظبط جبت زجاجة خل ومعلقتين ملح ليمون وعملت بالعربية مشوار محترم ثم جلست اغير دورة المياه المهم جبت مصدر مياه دائم وفتحت خرطوم الراجع اللى جاى من الريداتير للقربة على الرض وغيرت المياه طبعا نزلت بلاوىبس بعد كدة بدأت المشكلة الكبر لما لقيت حرارة العربية حاجة نفخ لقيت الحرارة على الطريق وانا مسافر الساعة واحدة بالليل والهواء ساقع وطريق سريع ثابتة على 100 وتكمل للأحمر لما بقيت مش فاهم وقلقت جدا ومش عارف السبب المياه مش بتنقص والمراوح شغالة ودائرة المياه مافيهاش هواء لحد ما غلب حمارى
ثانيا : قلت ماعنديش حل غير المنتدى الجميل بتاعنا بس للاسف الكل قال لى ان دائرة المياه واخدة الهواء المهم مالقيتش غير انى اتصل ( بالاستاذ فادى ) زميلنا فى المنتدى وبصراحة الراجل ما تأخرش عنى رغم انه مايعرفنيش وأول مرة أكلمه الراجل بصراحة فادنى كتيييييييير وشراحلى حاجات اول مرة اعرفها عن ترموستات الكوعة ومكانه وفوائدها بالرغم من انى جاهل بالعربية واول مرة اعرف ايه هى ترموستات الكوعة اصلا
بس المفاجأة انى لفيتها مش موجودة اصلا وان اللى كنت شارى منه العربية شايلها خالص
---------------------------------------------
مالقيتش حل غير انى انظف الريادتير فكيته وكانت المفاجاة كمية صدأوزفت وبلاوى لايمكن لأحد تخيلها الراجل طلع عينة لحد مانظفة والحمد لله الحرارة دلوقتى86 ولوزادت تبقى تسعين عمرها ماترفع عن كدة والحمد لله
---------نصيحة مهمة منى بقى بما انى راجل خبرة دلوقتى ولو غلط ممكن حد يصحح لى----------
اللى يحاول ينظف دورة المياه لازم وهو بيحط مصدر المياه الدائم فى القربة يفك كوعة ترموستات المياه علشان الوساخة والصدأ اللى جوة الماكينة مايدخلش على الرياديتير ويسده وبعد مايطمن ان المياة اللى خارجة من الماكينة نظيفة يركب ترموستا الكوعة ويفك خرطوم الراجع اللى جاى من الريادتير على القربة علشان يطلع المياه الوسخة اللى فى الريادتير
----------------اخيرا شكرى وتقديرى للاستاذ فادى ولكل اعضاء المنتدى ويارب الكل يستفيد-------------------------------------------------------------------------------
