التكييف بيشتغل و يفصل "بيقطع" - جراند بونتو
يا جماعة النهاردة كنت واقف راكن العربية و مشغل التكييف و باصص في الموبايل عادي لقيت فجأة العربية بتتهز كأنها هتطفي و تكمل كل 3 او 4 ثواني, ببص عال ال rpm طبعا هو المفروض بالتكييف يعلي شوية عن ال 1000 دا العادي بيبقي كدا و فجأة ينزل عند ال 500 كأنها هتطفي و يطلع تاني لما طفيت التكييف الrpm ثبت عند 800 عادي جدا من غير اي رعشة, الي فهمته ان الكمبروسر بتاع التكييف بيفصل و يشتغل بسرعة اوي (نص ثانية مثلا) فده بيعمل تخريف ال rpm عشان مش بيلحق طبعا يضبط نفسة علي تغيير الاحمال
يعني قصدي الكمبروسر بيفصل (نص ثانية بس) و يشتغل تاني كل 3 ثواني علي طول, مش فصل يعني تقطيع يطفي و يشتغل علي طول في نفس اللحظة, و الكلام دا بيتكرر كل 3 ثواني "هو مش وقت ثابت بس تقريبا"
دا شحن تكييف دا ولا اية؟؟ انا طفيتة لحسن الكمبروسر يطير, بس خايف يكون الكمبروسر فيه حاجة فهل دي اعراض شحن عادية؟ ولا كدا فيه حاجة؟
