كيف اعرف ان طلمبه المياه وطقم السيور عايز يتغير لو مش عارف العربيه عملت كام كيلو
عرض للطباعة
كيف اعرف ان طلمبه المياه وطقم السيور عايز يتغير لو مش عارف العربيه عملت كام كيلو
طلمبة الميه مش بتتغير على عداد الكيلو بتتغير لو باظت بس واى ميكانيكى بيعرف السيور لو قديمة ومشققه تبقى محتاجة تغيير وللاحتياط لو لسة شارى العربية غيرها كلها دلوقتى ومش حتتكلف كتير بالمقارنة لو سير اتقطع حيعملك مشاكل !!
طرومبة المية عمرها الافتراضى 80 الف كيلو
السيور 40 الف كيلو
وطالما مش عارف عاميلن كام كيلو
يبقى تتوكل على الله وتغير سيور وبلى
واكشف على طرومبة المية لو لقيت حالتها مش هتسمح
انها تستمر للصيانة الجاية غيرها على طول
انا لسه مغير طلمبة المياه النهاردة ... أعراض التلف بتلاقي مياه القربة بتنقص باستمرار وبتنقط من تحت العربية جمب سير الكاتينة (ممكن تكون بتنقص لسبب تاني غير الطلمبة بس الطلمبة احد الاسباب) ... وكمان بتلاقي صوت عالي بيطلع من العربية مع دوران المحرك بسبب طلمبة المياه ... لكن مفيش احسن من الكشف المباشر عليها اثناء تغيير سير الكاتينة وقرر تتغير ولا لا
تغيير السيور بيكون على عداد الكيلو متر
طلمبة الميه بتتغير لما تسرب المياه وعشان تحافظ عليها ميه خضراء (نوع مضمون) او ميه مقطرة منزوعة الأملاح بكدا هتعيش معتاك اطول فترة ممكنة
بس اهم حاجة ف الحوار دا كله سير الكاتينة غيره مش هيكلفك 100 ج بس لا قدر الله لو قطع هتتكلم في اقل حاجة 1000 جنيه ويمكن توصل لتغيير نص الموتور العلوي وربنا يسترها علينا جميعا من سير الكاتينة دا