جوليت اتوماتيك بدوس بنزين وكأني مش بدوس

**elfashtaboly** · 29-08-2013 12:20 AM

إلي خبراء الانوس والجوليت الاتوماتيك
معايا جوليت اتوماتيك ... مغلباني خالص
كان فيها فتيس اتوماتيك وغيرته قريب بفتيس استيراد
بس المشكله في بعض الاحيان مش علطول .؟:.؟ لما أجي أدوس بنزين بعد ما اعدي مطب وكأني بدوس علي عربيه وهي في السلانسيه .. يعني كأني ع الإن بالظبط وكل ما ادوس أكتر ع البنزين تبدأ العربيه تتحرك بالراحه خالص لحد ما تبدأ تتحرك عادي بقي ... والموضوع ده سعات بيحصل وسعات لأ .. روحت لميكا قاللي طرمبة البنزين غيرتها لكن لا جديد
أرجو منكم الافاده حتي لا أقع تحت يد الصنايعيه

**Ahmed Nasser** · 29-08-2013 01:07 AM

مبدايا كدة راجع مستوى الزيت
وسؤال الفتيس الللى عندك كهربا ولا عادى

**mhopa2440** · 29-08-2013 01:30 AM

عندي سؤال تاني مهم

هو قبل ما تغير التفيس كان عندك نفس المشكلة ولا دي ظهرت مع الفتيس الجديد بس

وحاجة تانية هو صوت الموتور بيعلى يعني الار بي ام بيعلى بدون زيادة ف السرعة ولا مستوى ارتفاع الار بي ام متناسق مع السرعة

لو كان متناسق اظن انك محتاج تراجع حساسات الموتور

**Mecha** · 29-08-2013 04:46 AM

if engine does not rev , check accelerator cable and TPS
if engine revs problen in transmission , oil level , filter or torque converter

**mbx4e** · 29-08-2013 10:06 AM

اخبار الزيت ايه والفلتر ؟
وقربه الفتيس؟
عايز حد متحصص اوتوماتك ؟
جربت تكشف كومبيوتر؟

**elfashtaboly** · 29-08-2013 09:42 PM

المشاركة الأصلية كتبت بواسطة ahmed nasser

مبدايا كدة راجع مستوى الزيت
وسؤال الفتيس الللى عندك كهربا ولا عادى

شكرا ليك يا باشمهندس أحمد نصار علي ردك

بس مستوي زيت الفتيس مظبوط ساعتها الراجل قعد يحط زيت لحد ما بدأ ينزل من عند ساعة الحرار قاللي يبقي كده تمام لأن زيت الفتيس ملوش مقاس

والفتيس اللي عندي كهرباء

والمشكله دي بتحصل بعض الاحيان فقط مش علي طول

**elfashtaboly** · 29-08-2013 09:52 PM

المشاركة الأصلية كتبت بواسطة mhopa2440

عندي سؤال تاني مهم

هو قبل ما تغير التفيس كان عندك نفس المشكلة ولا دي ظهرت مع الفتيس الجديد بس

وحاجة تانية هو صوت الموتور بيعلى يعني الار بي ام بيعلى بدون زيادة ف السرعة ولا مستوى ارتفاع الار بي ام متناسق مع السرعة

لو كان متناسق اظن انك محتاج تراجع حساسات الموتور

شكرا ليك يا باشمهندس mhopa علي ردك
- بص انا بصراحه قبل ما اغير الفتس ماختش باللي هي موجوده ولا لأه لأن الفتيس كان فيه مشكله اكبر وكانت شغلاني اكتر من الحاجات دي

- صوت الموتور بيعلى يعني الار بي ام بيعلى بدون زيادة ف السرعة ... وطول ما انا دايس بنزين العربيه تبقي مكتومه خالص وبعدين وأنا دايس برده جامد تبدأ العربيه تتحرك بالراحه خاااااااااااااااالص وتزيد تدريجيا لحد ما تاخد سرعتها العاديه

**elfashtaboly** · 29-08-2013 10:01 PM

المشاركة الأصلية كتبت بواسطة Mecha

if engine does not rev , check accelerator cable and TPS
if engine revs problen in transmission , oil level , filter or torque converter

شكرا لردك يا باشمهندس mecha
بس بعد اذنك ممن توضح بالعربي لانك مستخدم مصطلحات انا مش فاهمها زي كلمة rev,tps
بس علي ما انا فهمت من حضرتك .... انا فحصت كابل السرعه مفيهوش مشاكل وحضرتك تقصد الفلتر ومستوي زيت الفتيس ولا الماكينه ... عموما الاتنين مظبوطين بس انا مبصتش ع فلتر زيت الماكينه بس انا مغيره مع اخر غيار زيتمن حوالي شهر
-- ايه اللي تقصده بكلمة " ازدواج " يعنيابص ع ايه ؟؟

**elfashtaboly** · 29-08-2013 10:15 PM

المشاركة الأصلية كتبت بواسطة mbx4e

اخبار الزيت ايه والفلتر ؟
وقربه الفتيس؟
عايز حد متحصص اوتوماتك ؟
جربت تكشف كومبيوتر؟

شكرا ليك يا باشمهندس mbx4e علي ردك

- زيت الفتيس لسه مغيره مرتين لما غيرت الفتيس من حوالي 3 شهور والفلتر وكمان زيت الماكنه مغيره من اسبوعين
- قربة الفتيس دي ايه انا اول مره اسمع عنها ... هي بتبقي فين وبتعمل ايه
- متخصص الفتيس معرفش سببها
- كشف الكمبيوتر مجابش حاجه

**Ahmed Nasser** · 30-08-2013 03:15 PM

المشاركة الأصلية كتبت بواسطة elfashtaboly

شكرا ليك يا باشمهندس أحمد نصار علي ردك

بس مستوي زيت الفتيس مظبوط ساعتها الراجل قعد يحط زيت لحد ما بدأ ينزل من عند ساعة الحرار قاللي يبقي كده تمام لأن زيت الفتيس ملوش مقاس

والفتيس اللي عندي كهرباء

والمشكله دي بتحصل بعض الاحيان فقط مش علي طول

انا كدة شاكك فى علبة البلوفة هية المكانيكية بيسموها كدة
ودى مكانها جوة العلبة السودا اللى فى وش الريداتير

انت كدة محتاج واحد شاطر ياكد العيب
قبل مايفك