-
ربنا يكفيكم شر الحرامية
انا كنت راكن العربية فى مصطفى كامل و بعدين الصور ممكن توضحلكم شعورى لما جيت اركب العربية
حرامى ومنه لله .. المهم فى الموضوع ده هو انى عايز اتكلم عن حاجة واحدة مش اكتر وهى (( مركز صيانة المأمون فى الأسكندرية ))
روحتلهم بالعربية وقولتلهم عايز اصلحها ... كان الرد : حضرتك تروح قليوب عشان هما اللى حيعرفوا يصلحوها !!!!!!!!
طب يا جماعة انا عايز اركب الزجاج ... كان الرد : الزجاج مش موجود عندنا ولا فى قليوب وحاول تركبه عند اى حد
روحت مكلم اسلام ابن مجدى شاهين عشان اعرفه فا قالى جيبهالى وحنرجعهالك زى الأول
ودى كانت الأصلاحات :
- فيشتين كاسيت : 350
- frame :450
-وحدة التكييف الداخلية : 950
- تصليح الأنجكشن : 1200 دة لأن الحرامى الباشا قطع ضفيرة الكهربة فا عملت قفلة وخلت بوابات الأنجكشن متفتحش وكان الموتور بيبطل مع العلم انها اتوماتيك
- اجور صيانة : 300
المجموع : 3250
طبعا كتييييييييير جدا فا كلمنا مجدى شاهين وبما انه صاحب والدى فى خلاها 2000 فقط والعربية رجعت تمام الحمدلله
انا بقى اللى غايزنى هو مركز المأمون على طول كان يقولوا ان عند مجدى شاهين مش بيفهموا حاجة فى الصيانة وان هما التوكيل العتمد وكد .. وللى حصل معايا اثبت ان هما اخرتهم يغيروا زيوت وتيل فرامل واكتر من كدا ميقدروش يلمسوا اى عربية او يصلحوها .. فا يا ريت المهندس طارق زويل يشوف الموضوع ده لأن مش معقول تخلوا ناس وكيل صيانة ليكم وهما ميعرفوش يصلحوا اى حاجة
وربنا يكفيكم شر العربيات
http://www.postimage.org/PqYfjg9.jpg
http://www.postimage.org/PqYfAJ9.jpg
-
قدر الله وماشاء فعل
والحمد الله انها جت على قد كدة
-
الحمد لله .... قدر الله ما شاء فعل
-
لا حول ولا قوة الا بالله .. معلش كان ممكن يحصل اكتر من كدة .. قدر الله و ما شاء فعل
-
سؤال هى العربية كان فيها انذار ؟
-
يااااااااه فكرتني بسرقة كونصول الابيزا الله يجحمه مترح ماهو اعد سرق الكونصول بالكامل بزراير الازاز الكهربا الاصلية اللي الجديد بتاعها ب 130 جنيه الواحد!!
ربنا يعوض عليك معلش فداك بس اوعي تسيبه ادعي عليه كل ما تفتكر الموضوع ده انا عندي كسرلي اعدة الكونصول السفلية و لازم افصل قاعدة تانية عشان الكونصول يركب عليها و ميلوقش:(:(:( ربنا يصبرك و يصبرني:(
-
قدر الله مشاء فعل
ربنا يعوضك خير
بس مش ملاحظين ان السرقه كترت اوي اليومين دول
يعني الواحد يعمل ايه
يركب مثلاصاعق مميت يشتغل مع الانذار؟
ولا شباك حديد ثابت
-
الاستاذ lovelorn
انا عرضت الشكوى على المهندس مدير عام الصيانة بالشركة ورد بالآتي :
1- سيتم استكمال امكانيات شركة المأمون بالاسكندرية خلال شهر أكتوبر القادم حيث سيتم تزويد الشركة بالمعدات الخاصة باصلاح الدوائر الالكترونية للسيارة.
2- كان من الممكن اصلاح السيارة بشركة الصفوة بالاسكندرية حيث لديهم هذه الامكانيات.
3- لا يوجد لدينا وكيل آخر بالاسكندرية بخلاف شركة الصفوة وشركة المأمون.
ورأيي الشخصي كالتالي
هو شركة المأمون ناس محترمين جدا وانا اعرف المهندس اشرف عوض صاحب الشركة وزرتهم هناك كذا مرة انما يمكن المركز صغير مقارنة بالصفوة وهم مركز معتمد لهوندا كمان قبل ما ياخدوا مركز معتمد لميتسوبيشي
موضوع الزجاج انا سألت مخزن قطع الغيار دلوقتي وقال لي ان الزجاج موجود ومحصلش فيه نقص (هو طبعا بيحصل احيانا ان بعض الأصناف تخلص من الشركة ونقعد فترة اسبوعين تلاته حتى يتم وصول شحنة قطع الغيار اللي بعدها ده الى جانب ان فيه طلبيات بحري وطلبيات جوية سريعة)
-
شكرا مهندس طارق على الرد
طبعا المأمون ناس محترمين جدا انا عارف كده كويس بس الفكرو ان هما مهندهمش اجهزة للأصلاح والفكرة دلوقتى ان ثقتى فيهم انتهت
فى البداية كنت بنصح صحابى يروحوا مركز المأمون بس دلوقتى معتقدش وتعقيبا على كلام حضرتك انا دخلت فى ورشة الأصلاحات عند مجدى شاهين وكانت عادية جدا ويمكن ابسط من المأمون كمان بس الفكرة ان هما صلحوا العربية وجابوا قطع الغيار الأصلية ( فا دى نقطة تحسب لمجدى شاهين )
عند المأمون كل اللى عملوه ان هما كانوا بيتفرجوا على العربية وبس .. طب يا جماعة هل غلط انى امشى بالعربية والأنجكشن مش شغال يقولولى اه غلط بس خودها واحدة واحدة لغاية قليوب .. ولما فقدت الأمل كان هناك مهندس الأستقبال اسمه سامى قلت اجد رقم حضرتك منه .. فا قالى اامهندس طارق شغال فى ال IT ومش تنع الصيانة .
هو بس فى سؤال محيرنى .. الفروض المأمون دا مركز اصلاح هوندا وميتسوبيشى .. بس ازاى يبقى فبه عربيات من كل نوع ( باسات - كليو - bmw- getz-grand punto daewoo ) ؟!!!!!! المفروض العربيات دى متبقاش موجودة صح بردوا ؟؟
عموما يا رب المأمون يتعدلوا عشان مش كل اما تحصل حاجة يقولوا روووح قليوب
-
وشكرا لجميع الأعضاء على مساندتكم وربنا يكفينا شر العربيات جميعا
Content Relevant URLs by
vBSEO 3.6.0 PL2