حد متابع اسعار السوق دلوقتى ؟؟؟

يا جماعة يا ريت اللى متابع اسعار السوق اليومين دول يساعدنى فى تقييم عربية لادا2105 موديل94 مش راشة اى دواخل وحالتها كويسة
مع العلم ان العربية دى انا عايز اشتريها!

حد يقدر يحدد العربية تعمل كام فى ظل اسعار اليومين دول؟؟؟

بص يا سيدي في شهر 6 كانت ال 2105 موديل 95 لو سليمة اوي وفابريكة دواخل وحالة ممتازة جدااا توصل لل 29
لكن العادي الحالة المقبولة ودواخل المصنع ومفهاش اي شغل تعمل 27 الف
ودي الاسعار خلال شهر 6 لما كنت متابع
لكن دلوقت سامع ان في حالة ركود شديدة فاكيد الاسعار اختلفت
لو انت من الاسكندرية انزل سيدي بشر واسئل
لو من القاهرة روح السوق عندكم وحدد الرينج اللي العربية ماشية فيه
بالتوفيق

طيب لو عربية فى التمانينات تبقى بكام لو حالتها كويسة ومش راشة دواخل؟؟؟

لو عايز تعرف أسعار الزيرو فأنا هقولك أسعار 2107

مصري 48 ألف
روسي 53 ألف

من 25 الي 27 تقريبا علي حسب الحاله و ياريت تبعد عن السماسره و المكاتب