تغيير الزجاج الخلفى من أكر إلى كهرباء لفيكترا موديل 2000

**محمود الشافعى** · 29-08-2013 01:34 PM

أشتريت إمبارح 2 مكنة زجاج خلفى كهرباء بالزراير بالوحدة الرباعى ب600 جنية وتفصيلها كالتالى
ال 2 ماكينة بالزراير 400 جنية gm والموتور ألمانى ماركة بوش
وحدة زراير أمامية رباعى 200 جنية ولسة ما أخدتهاش قالى هيجبها الجمعة إن شاء الله وماحسبتوش عليها إلا لما يجبها
ولسة التركيب هنزل إنهاردة بعد الشغل أشوف نظامة اية وإن شاء الله يطلع كويس

**MaaM** · 29-08-2013 01:50 PM

ربنا يكرمك ، ممكن تقولنا منين ؟
الرخامة اللي في الزرار الرباعي واللي مازالت في الثنائي انهم مخاصمين بعض ، كل واحد في ناحية

وهاتعمل ايه في أوكرة الزجاج الخلفي ، هل فيه طبة ليها ؟

**محمود الشافعى** · 29-08-2013 03:14 PM

المشاركة الأصلية كتبت بواسطة maam

ربنا يكرمك ، ممكن تقولنا منين ؟
الرخامة اللي في الزرار الرباعي واللي مازالت في الثنائي انهم مخاصمين بعض ، كل واحد في ناحية

وهاتعمل ايه في أوكرة الزجاج الخلفي ، هل فيه طبة ليها ؟

واحد فى طريق البراجيل امتداد احمد عرابى (قريب من المهندسين )
ايوة هركب طبب بلون الفرش لغاية لما ربنا يكرم واغير الفرش

**محمود الشافعى** · 31-08-2013 12:52 PM

الحمد لله ركبت مكن الزجاج وجبت وحدة الزراير وركبتها وكلة بقى تمام والزجاج شغال كويس ووحدات الرفع ورا وقدام مع الريموت
تكلفة التركيب 50 جنية تركيب
والكهرباء مافيش هى الفيش بتركب بس وتبرمج وحدات الرفع

**MaaM** · 31-08-2013 03:15 PM

ياعم محمود واحدة واحدة علينا
اولا الراجل اسمه ايه وفين بالظبط في البراجيل
ثانيا انت ركبت عند كهربائي مين وفين
ثالثا على كدا العربية مجهزة بوحدتين رفع ورا
وبرمجتك للزجاج ان تقفله وتفضل دايس 3 ثواني صح ؟
اصل الصراحة اسعارك جامدة اوي حتى الكهربائي

**Hesham.H** · 31-08-2013 04:11 PM

مبروك عليك .. إن شاء الله عاوز اعملهم عندى
ربنا يملاهملك بركه

**MaaM** · 31-08-2013 05:46 PM

وياريت تكتبلنا رقم تليفونه (بتاع الاستيراد)

**Amr_650** · 31-08-2013 08:45 PM

مبروك يا صديقى

**محمود الشافعى** · 01-09-2013 12:22 PM

المشاركة الأصلية كتبت بواسطة maam

ياعم محمود واحدة واحدة علينا
اولا الراجل اسمه ايه وفين بالظبط في البراجيل
ثانيا انت ركبت عند كهربائي مين وفين
ثالثا على كدا العربية مجهزة بوحدتين رفع ورا
وبرمجتك للزجاج ان تقفله وتفضل دايس 3 ثواني صح ؟
اصل الصراحة اسعارك جامدة اوي حتى الكهربائي

جبتهم من واحد اسمة احمد مبروك هجيب لكم رقمة لانة قريب واحد صاحبى وقريب منى فابروحلة على طول مابكلموش (هوا ماعندوش حاجات كتير بس بيجيبلك اللى انت عايزة من اى حد ويطلع لنفسة مصلحتة منها
ثانيا التركيب: سلامة هوا بتاع ضبط ابواب وتركيب مكن زجاج مش كهربائى (مكانة شارع وادى النيل بجوار ابو ظريفة وعند منزل نفق وادى النيل-شارع احمد عرابى)
وانت مش هتحتاج كهربائى ركب المكن وهتلاقى الفيش مكانها ركبها انت وبرمجها تمام زى ماقولت

على فكرة التركيب سهل جدا 1 فك فرش الأبواب
2 شنيور وفك البرشام بتاع المكن القديم
3 شيل المكن القديم وركب الجديد ومش هتحتاج اى عدة هى مجرة وكلبس بلاستيك بتخرجها زى جرار الدولاب
4 بمكنة برشام ركب المكن الجديد ومكانة موجود مش هتخرم الابواب
5 ركب فيشة المكنة وفيشة الزرار موجودة فوق اكرة الباب الداخلى
6 مبروك عليك التعديل

ملحوظة :
لازم الزرار الخلفى والوحدة الرباعى يكونو راكبين علشان يشتغل والوحدة الرباعى من غيرها مش هيشتغل

**محمود الشافعى** · 01-09-2013 12:26 PM

المشاركة الأصلية كتبت بواسطة hesham.h

مبروك عليك .. إن شاء الله عاوز اعملهم عندى
ربنا يملاهملك بركه

الله يبارك فيك وعقبالك ماتركبهم انت كمان إن شاء الله

الموضوع: تغيير الزجاج الخلفى من أكر إلى كهرباء لفيكترا موديل 2000

LinkBack

أدوات الموضوع

عرض

-

-

المواضيع المتشابهه

كيفيه تغيير فرش السقف لفيكترا b بالصور ..

ماهى تكلفة تغيير سيور - كليو هاتشباك موديل 2000

حكايتى مع تغيير الزجاج الخلفى للإسكندرانية

زجاج كهرباء خلفي لفيكترا اية

ايه العربيات فوق موديل 2000 بكراسي كهرباء غير المرسيدس

الكلمات الدلالية لهذا الموضوع

المفضلات

المفضلات

ضوابط المشاركة