استفسار للي عامل عمليه lasik

**JAM** · 30-08-2013 06:29 PM

ربنا يطمنكو انا كمان ناوى اعملها قريب

**amz2011** · 30-08-2013 10:45 PM

و انا كمان بفكر اعملها عشان زهقت من النضاره
هى بتتكلف كام

**alavokatooo_o** · 31-08-2013 12:53 AM

المشاركة الأصلية كتبت بواسطة mr_vampire

- باختصار هتشوف الدنيا بمنظور تاني خااااااااااالص.
-انا عاملها من 6 سنين والحمد لله تمام. لما دخلت كنت مقلق وبالذات قبلي بنت دخلت وطلعت مفرفرة فقولتلهم قولولي انها كانت بتولد مش بتعمل نفس عمليتي عشان اثبت للاخر الله يكرمكو.

دخلت وسطحت تحت ايده ( الممرضة كانت ملطفة الجو بصراحة ) فعمال ارغي وهو شغال ايه الصوت ده ؟؟؟؟ وايه الريحة ده ؟؟؟؟ قالي اسكت بقييييييييييييي ( مصلحة ) بقيت عمال اكلم الممرضة لو سمحتي اسالي الدكتور ان الدنيا ضلمت ده عادي ولا ايه ؟؟؟؟ وانا شامم ريحت شياط ده عادي ولا ايه ؟؟؟؟؟؟؟؟ قام الدكتور شكني بحاجة كدة هههههههههه عشان اسكت. قومت قولتله حضرتك محتاج عملية برده علي فكرة عيني فوق ده ايدي يادكتور.

بس ياسيدي وخرجت وعمال اقولهم عيني مزغلله هاتو فلوسي هههههههههههه.

الزعلله ده باختصار علي كلام حلاق الصحة اللي عملهالي. ان الليزك بيعمل صدمة للخلايا العصبية والبصرية فالعين بتبقي مش مستقرة وعشان كدة بيبقي في زغلله فترة وبعدها بتروح. والجفاف برده بسبب الليزك وعشان كدة بيكتب قطرة تلطف الجو عشان متبقاش ناشفة وكدة يعني. ومبتاخدش نص ساعة الاتنين ( الحلاق اللي بيحلقلك بياخد اكتر .. تخيل ... دول بيحلقولك باسلوب تاني بقي فالسريع وبالفات )

واللي يعملها. يلبس كافر كدة علي عينه وهو نايم عشان ميدعكش عينه بايده وهو نايم. ونضارة شمس طبعا عشان التراب والشمس فالاول. وبلاش كمبيوتر وتليفزيون كتير فالاول.

وبالتوفيق. وحاولو تستنضفو الممرضة. هههههههههههه قصدي التمرجي ومركز الشباب اللي هتعملو فيها العملية ده.

انت فصلتني من الضحك بجد وعلشانك انت هعملها

**alavokatooo_o** · 31-08-2013 12:56 AM

المشاركة الأصلية كتبت بواسطة amz2011

و انا كمان بفكر اعملها عشان زهقت من النضاره
هى بتتكلف كام

انا هعملها ب 2600

**mr_vampire** · 31-08-2013 01:03 AM

المشاركة الأصلية كتبت بواسطة alavokatooo_o

انت فصلتني من الضحك بجد وعلشانك انت هعملها

علي فكرة انا برده من بنها بس حاليا مسافر برا. بس كنت عاملها في اسكندرية.
بالتوفيق ان شاء الله.

**AHMED MOHSEN** · 31-08-2013 02:00 AM

انا برضه ناوي اعملها ان شاء الله بس لسه مستقرتش علي المكان بفكر في برج الصفا او برج العيون اللي في المهندسين مش فاكر الاسم بالظبط وبيعملوها في حدود 4500

**amz2011** · 31-08-2013 03:00 AM

بس كده فى اختلاف فى الاسعار 2600 و 4500 فى كان تانى

**alavokatooo_o** · 31-08-2013 05:01 AM

المشاركة الأصلية كتبت بواسطة amz2011

بس كده فى اختلاف فى الاسعار 2600 و 4500 فى كان تانى

عندنا دكتور في بنها اسمه حمدي الجزار هو بيعملها في بنها 3500 وفي مركز ليه برضه بس ده في كفر الشيخ ب 2600 وهو مديك حريه الاختيار عايز تعملها هنا او هنا

**ramyhekal** · 31-08-2013 05:41 AM

المشاركة الأصلية كتبت بواسطة alavokatooo_o

عندنا دكتور في بنها اسمه حمدي الجزار هو بيعملها في بنها 3500 وفي مركز ليه برضه بس ده في كفر الشيخ ب 2600 وهو مديك حريه الاختيار عايز تعملها هنا او هنا

حمدى الجزار المركز بتاعه هنا فى كفرالشيخ والدى واختى عملوا عنده ليزك والحمد لله كله تمام مفيش مشاكل بفضل الله

**alavokatooo_o** · 31-08-2013 03:33 PM

المشاركة الأصلية كتبت بواسطة ramyhekal

حمدى الجزار المركز بتاعه هنا فى كفرالشيخ والدى واختى عملوا عنده ليزك والحمد لله كله تمام مفيش مشاكل بفضل الله

فعلا الناس بتشكر فيه اوي وهو اصلا قريبنا من بعيد وده الي خلاني اروح ليه وربنا يسهل

الموضوع: استفسار للي عامل عمليه lasik

LinkBack

أدوات الموضوع

عرض

-

-

-

-

-

-

المواضيع المتشابهه

عامل في عربيتي ....... , يا تري انت كمان عامل في عربيتك ايـه .... ؟؟؟

lasik chicago

.:احذروا عامل البنزين . و عامل المطعم . والكاشيير .(( بعض الطرق للغش ))..

الكلمات الدلالية لهذا الموضوع

المفضلات

المفضلات

ضوابط المشاركة