عاجل: عاوز اشترى عربية بالقسط "إنصحونى بسرعة"

السلام عليكم يا شباب الخبرة..

كنت محتاج أشترى عربية بالقسط، بحيث أدفع مقدم من 20-25 ألف بحد أقصى، والسعر الأساسى للعربية فى حدود 70-75 ألف عشان القسط ميكونش عالى أوى..

العربية شبابى - عائلى .. يعنى انا عندى زوجة وطفلين صغننين كدا .. ومش عيلة كبيرة ونفس الوقت سنى صغير، فا مش محتاج عربية كبيرة اوى، حاجة روشة وشيك كدا.. تتناسب مع شوارع المنصورة والزحمة.. وتكون مريحة فى السفر من المنصورة لـ "راس البر، القاهرة، الإسكندرية، ومتولعش بيا لو سافرت بيها شارم والغردقة" .. أنا قلتلكوا لسا صغنن ومفرحتش اوى بشبابى عاوزين نصيع شويتين تلاته كدا لسا :d

أجيب إيه يا شباب وتفتكروا القسط هيكون أد كام قرش كدا فى الشهر ؟

يا ريت تردوا عليا بسرعة .. واللى يطرح عربية يحط معاها الصورة بتاعتها عشان اعرف اقيم العربيات من حيث السعر والشكل، ويا ريت لو معلومات عن توكيلاتها وصيانتها واللليله البمبى اللى مش فايته دى.

شكرا مقدما لكل اللى استحمل وناوى يساعد وينصح .. واللى هيشتم هجيبه :(

تسلموا يا شباب

حالى من حالك ومستنى الزملاء يفيدونا

انت سألت فاى معرض على نظام القسط وهيبقى كام فالميه وكدا ؟

اقتباس:

---

المشاركة الأصلية كتبت بواسطة kreka

انت سألت فاى معرض على نظام القسط وهيبقى كام فالميه وكدا ؟

---

توء مسألتش قلت اشوف اصحاب الخبرة الاول

بالاسعار دى ممكن ايمجراند غبور 82900 او byd الامل اظن 78000 ممكن كمان رينو لوجان او لانوس وكلهم تقريبا فى نفس ثمن ال byd لو حابب اتوماتيك يبقى بانديتو غبور 75000 --- فول اوبشن 79000 --هى 1500 سى سى --ادخل موقع كونتكت كارز وحدد فى اختيارات البحث فى العربات الجديدة الحد الادتى والاعلى للمبلغ وقارن بقى من المميزات والصور وهكذا

اقتباس:

---

المشاركة الأصلية كتبت بواسطة aboomar22

بالاسعار دى ممكن ايمجراند غبور 82900 او byd الامل اظن 78000 ممكن كمان رينو لوجان او لانوس وكلهم تقريبا فى نفس ثمن ال byd لو حابب اتوماتيك يبقى بانديتو غبور 75000 --- فول اوبشن 79000 --هى 1500 سى سى --ادخل موقع كونتكت كارز وحدد فى اختيارات البحث فى العربات الجديدة الحد الادتى والاعلى للمبلغ وقارن بقى من المميزات والصور وهكذا

---

تسلم يا باشا انا فعلا بدور فى الموقع المذكور، بس محتاج اعرف رأى الناس فى العربيات المناسبة للمواصفاتاللى قلتها والسعر، كمان انا مش عاوز دايو خالص

بس ايه الـ بانديتودى مسمعتش عنها قبل كدا؟ معلوماتك عنها ايه طيب؟

الباندينو هى الجيلى باندا بس غبور اللى منزلها المانوال 1300 ب 63 وكاملة جنوط وabs -ebd وايرباج 67 واتوماتيك 1500 سى سى 75 وكاملة 79 والموديل الكروس ب 86

اقتباس:

---

المشاركة الأصلية كتبت بواسطة aboomar22

الباندينو هى الجيلى باندا بس غبور اللى منزلها المانوال 1300 ب 63 وكاملة جنوط وabs -ebd وايرباج 67 واتوماتيك 1500 سى سى 75 وكاملة 79 والموديل الكروس ب 86

---

صباح الفل يا غالى، طيب انت إيه رأيك باندا ولا أميجراند ؟
ومافيش موقع لغبور ؟ انا عملت سيرش عليه ومش عارف اوصله، وكونكت كارز مش جايبه غير اميجراند ومفهاش باندا 2013 ولا ولا قبل كدا

لوجان وجيلي ايمجراند دول افضل حليين واحسن بنك ناصر فايدة 6 في مية واستنا اسأل حد جرب بنك يفيدك اكتر

اقتباس:

---

المشاركة الأصلية كتبت بواسطة mohamed hussei

لوجان وجيلي ايمجراند دول افضل حليين واحسن بنك ناصر فايدة 6 في مية واستنا اسأل حد جرب بنك يفيدك اكتر

---

انا فعلا قريت كام تقرير عن الاميجراند هى دلوقتى بـ 79000 من غبور وبيقولوا فيه عرض الـ 33 جنية يومى واتصلت بيهم بس كانوا الخطوط كلها مشغولة، فا منتظر منهم إتصال لتوضيح العرض.

العربية بصراحه عجبتنى من خلال الصور والتقارير اللى قرأتها عنها .. بس محتاج أنتظر باقى الخبراء وملاك الأميجراند ونشوف إيه سلبياتها اللى قابلوها، وهل التوكيل "غبور" دة كويس ولا سىء؟

ملحوظة: فى كونكت كارز ، سعرها 81900 ألف بدون زجاج عادى، و 83000 ألف جنية فامية.. يا ترى ايه الفرق بين اسعار كونكت كارز وسعر غبور ؟!! وأيه منهم أفضل وأحسن ؟

اقتباس:

---

المشاركة الأصلية كتبت بواسطة abo adam

انا فعلا قريت كام تقرير عن الاميجراند هى دلوقتى بـ 79000 من غبور وبيقولوا فيه عرض الـ 33 جنية يومى واتصلت بيهم بس كانوا الخطوط كلها مشغولة، فا منتظر منهم إتصال لتوضيح العرض.

العربية بصراحه عجبتنى من خلال الصور والتقارير اللى قرأتها عنها .. بس محتاج أنتظر باقى الخبراء وملاك الأميجراند ونشوف إيه سلبياتها اللى قابلوها، وهل التوكيل "غبور" دة كويس ولا سىء؟

ملحوظة: فى كونكت كارز ، سعرها 81900 ألف بدون زجاج عادى، و 83000 ألف جنية فامية.. يا ترى ايه الفرق بين اسعار كونكت كارز وسعر غبور ؟!! وأيه منهم أفضل وأحسن ؟

---

الي اعرفوا مشكلة اميجراند لمبة تشيك انجن بتنور ممكن كونكت بيجيب الاسعار من معارض مش توكيل اتصل بالتوكيل وشوف سعرها بس احتمال كبير مش هيديك سعر انزل المصرية او اي معرض مشهور عندك

اقتباس:

---

المشاركة الأصلية كتبت بواسطة mohamed hussei

الي اعرفوا مشكلة اميجراند لمبة تشيك انجن بتنور ممكن كونكت بيجيب الاسعار من معارض مش توكيل اتصل بالتوكيل وشوف سعرها بس احتمال كبير مش هيديك سعر انزل المصرية او اي معرض مشهور عندك

---

تسلم يا جميل .. منتظر رأى الملاك فيها وربنا يسهل الأمور ويدخلوا الموضوع بسرعة ان شاء الله

ده موقع غبور
Geely Egypt

أعتقد الأفضل في هذه الفئة السعرية يبقى:
الفيرنا الكاملة عاملة من 77000 إلى 79000
سبيرانزا m11 تعمل 75000
إمجراند تقريبا 83000

ونظام التقسيط المعتاد مع أي بنك هيكون مقدم 25% وفائدة في حدود 8%
لو افترضنا تقسيط على 5 سنوات وحضرتك هتجيب عربية تمنها 80000 جنيه
المقدم 20000 جنيه
القسط 1400 جنيه * 60 شهر

اقتباس:

---

المشاركة الأصلية كتبت بواسطة hooba17

أعتقد الأفضل في هذه الفئة السعرية يبقى:
الفيرنا الكاملة عاملة من 77000 إلى 79000
سبيرانزا m11 تعمل 75000
إمجراند تقريبا 83000

ونظام التقسيط المعتاد مع أي بنك هيكون مقدم 25% وفائدة في حدود 8%
لو افترضنا تقسيط على 5 سنوات وحضرتك هتجيب عربية تمنها 80000 جنيه
المقدم 20000 جنيه
القسط 1400 جنيه * 60 شهر

---

ضيف على القسط حوالى 320 جنيه شهريا تامين اجبارى على السيارة

اقتباس:

---

المشاركة الأصلية كتبت بواسطة aboomar22

ضيف على القسط حوالى 320 جنيه شهريا تامين اجبارى على السيارة

---

على حد علمي وتجربتي، مفيش شركات تأمين بتعمل تقسيط للتأمين حالياً
إنما هايبقى عندك تأمين بنسبة متوسط 4%
ولو هتحسب باقي المصاريف الأولية، هتبقى كالآتي:
بما إن السيارة ثمنها 80000 جنيه وهتدفع مقدم 20000
مصاريف إدارية للبنك 1.5% من قيمة القرض وهو 60000 جنيه = 900 جنيه
مصاريف ترخيص = 800 جنيه
تأمين شامل بمتوسط 4% من قيمة السيارة = 3200 جنيه
إكراميـــــات وخلافــــــه = 300 جنيه
الإجمـــــــــــــــــالي = 5200 جنيه
غير المقدم طبعاً وهو 20000 جنيه