الموضوع: كيفية ضبط فيشة الأوكتين بالصور

مشكور سيدى الفاضل هجرب واشوف عندى راكبة ولا
كل عام وانت بخير

الفيشة لما بتكون راكبة كما في الصورة الأولي فيها كوبري موصلة طرفين فقط، أما لما تكون مخلوعة خالص فده معناه إن البنات (جمبع بنة) مش متوصلة مع بعض.
غالباً في التوكيل بشيل الفيشة دي خالص وبكده بتكون مظبوطة على أوكتين 91، يعني المفروض تستخدم بنزين 92،
وفيه طريقة تانية بتوصيل رقم 2و3 مع بعض فيدي رقم أوكتن 87 وده ممكن تستخدمه مع بنزين 90.
ولو تم توصل الثلاثة مع بعض كما في الصورة فده معناه رقم أوكتين 83، وده بيمشي العربية على بنزين 80 بدون أي مشاكل وعن تجربة.

شكراً على مرورك يا أستاذنا، بالفعل هي بتدي أربع اختيارات، وبعدين كل اللي أنا عملته وجربته في عربيتي كان بناء على توجيهاتك في موضوع بنزين 80، وعملت الحكاية دي وجهاز السكانر موصل بالعربية، فكنت على ما أغير التوصيلة بشكل يديني رقم أوكين مختلف لغاية ما استقرينا على 83، وبه أمشي على بنزين 80 بدون أي مشاكل أو تأثير في السحب أو خلافه.
لكن أستاذنا محمد ممدوح لي سؤال:
هل بنزين 80 ملهوش تأثير سلبي على الموتور- على الرغم من إن الموتور مبيسقفش ولا اتبرجل- أو الرشاشات نتيجة نسبة الكبريت المرتفعة الموجودة فيه؟