مشكلة فى قربة المياه

**Mostafa.Mahran** · 30-08-2013 02:56 AM

دلوقتى انا اول ما اشتريت العربية غسلت الردياتير و حطيت منظف دورة التبريد و نزلت المية كلها و مليت الردياتير و القربة مياة حمرا

تانى يوم بعد مشوار طويل لقيت المية بتفور من القربة و مطلعة دخان من تحت الكبوت و بهدلت الدنيا و اضطريت اركن لحد ما تهدى

لما المية فارت جامد القربة بقت فاضية تقريبا و مشيت بيها كده و الدنيا عادى جدا و الحرارة قبل النص و مفيش اى مشكلة

امبارح زودت الردياتير حاجة بسيطة جدا و النهاردة عملت نفس الحركة و المية فارت من القربة و بهدلت الدنيا

استنيت لحد ما القربة هديت شوية و فتحت الغطا واحدة واحدة لقيت المية بتغلى بصورة رهيبة و الكلام ده و انا مبطل العربية و لما دورت العربية علشان ازودها لقيت المية بتغلى و بتطير من القربة اكن كبس المكنة جاى فى المية و بيطيرها

مش عارف اعمل ايه بقى و اكشف على ايه ولا امشى بالقلابة فاضية و خلاص مع ان مؤشر الحرارة قبل النص و بينزل عن كده ساعات لما بمشى براحة مسافة طويلة

العربية اوبترا 2007 اوتو ماشية 90 الف

**طارق سمبر انور** · 30-08-2013 03:42 AM

يا باشا المشكله دي كانت عندي وبسببها غير وش سلندر كامل بـ 3 الاف جنيه الحمد لله علي كل حال عامة دي يا اما الدورة فيها هوا يا اما عيب غطا القربه يا اما القربه نفسها مشروخه وحضرتك مش شايفها

**Mostafa.Mahran** · 30-08-2013 03:49 AM

يعنى اغير القربة كلها و اروح لبتاع الردياتير واخد الهوا منه

**modi7610** · 30-08-2013 04:00 AM

سبحان الله ... انا داخل اكتب نفس الموضوع ده .... انا هتجنن من موضوع المية اللب بتفور دي بقالها كذا مرة بتعمل معايا كده... مع اني تابعت المروحه قلت يمكن مش شغاله... لكن بتشتغل وبرضه بيحصل فوران ... ومش عارف اعمل ايه ... وهو ممكن في لحظات كده الغطا يجرالو حاجه

**Mecha** · 30-08-2013 05:23 AM

check thermostat is working ?
if not , chuck it away
bleed air from system

if not , and while revving the engine ,coolant fly out
then head or head gasket mainly

**Ahmed Amin** · 30-08-2013 08:50 AM

الترموستات لو مش شغال وقافل العربية هتفضل تسخن ومش هتفضل باردة تحت النص,,
ولو مش مشغال ومفتوح العربية هتبرد بشكل طبيعي,,

اللي يخلي المية تغلي حاجتين,
أن المية اللي أنت جبتها مضروبة, وعبارة عن مياة مضاف لها لون بس من غير ما يكون فيها ايثيلين جليكول اللي هيا أساس مياة التبريد,
والحاجة التانية أن الدور تكون مش مضغوطة, زي غطاء الأربة أو والخراطيم بتهرب الضغط.

أنت جايب مية نوعها أيه ومنين ؟

**Elawany13** · 30-08-2013 09:18 AM

المشاركة الأصلية كتبت بواسطة leitosr

الترموستات لو مش شغال وقافل العربية هتفضل تسخن ومش هتفضل باردة تحت النص,,
ولو مش مشغال ومفتوح العربية هتبرد بشكل طبيعي,,

اللي يخلي المية تغلي حاجتين,
أن المية اللي أنت جبتها مضروبة, وعبارة عن مياة مضاف لها لون بس من غير ما يكون فيها ايثيلين جليكول اللي هيا أساس مياة التبريد,
والحاجة التانية أن الدور تكون مش مضغوطة, زي غطاء الأربة أو والخراطيم بتهرب الضغط.

أنت جايب مية نوعها أيه ومنين ؟

حتى لو حاطط ميه من الحنفية المفروض مش هتعمنل كده
وهتبرد عادى

**Elawany13** · 30-08-2013 09:19 AM

لما الميه تغلى مينفعش تسكت
احتمال ان تريموستات الكوعه قافش غير صحيح لإنه لو قفش الميه السخنه هتتحبس عند وش السيلندر انما الرداتير والقربة هتلاقى الميه باردة خالص

ممكن يكون سبب الغليان المروحة بايظة أو ضعيفه
ممكن تكون طرمبة المياه فيها مشكلة
ممكن يكون الرداتير عايز يتسلك

الاحتمال الأكبر لمشكلتك انه جوان وش السيلندر
والله اعلم

-

-

الموضوع: مشكلة فى قربة المياه

LinkBack

أدوات الموضوع

عرض

مشكلة فى قربة المياه - انشر الموضوع فى :

-

-

-

المواضيع المتشابهه

قربة المياه

قربة المياه

عندى مشكلة فى قربة المياه

غطا قربة المياه

الكلمات الدلالية لهذا الموضوع

المفضلات

المفضلات

ضوابط المشاركة