صيانة فيرنا .... 80000 المهندس هانى ميخائيل ........ شكرا ليــــك

مساء الخير

انا رحت من حوالى اسبوع عشان اعمل صيانة 80000 للمهندس هانى ميخائيل والمكان اسمه Speed Service
دا خلف حديقة بدر اللى على جسر السويس

غيرت طقم بوجيهات
والفلاتر ......... هوا وبنزين وزيت
وغيرت زيت ....... شيل 10000
وغيرت 2 مساعدين خلفى
و2مسمار ميزان و2بيض طرف
وتيل فرامل امامى
ووش المورتو كان بيطلع زيت خفيف من قدام ظبطهولى برده
المصنعية اللى البشمهندس هانى اخدها كانت 160 جنيه .

و الحقيقة اللى يميز هانى عن غيره انه أمين وبيفهم فى شغله ودول اهم حاجة .
دا غير كمان الناس اللى مشغلهم هناك ... الحقيقة ناس بتشوف شغلها
ولو حبيت تسالهم على كذا حاجة انتا مش فاهمها .... يجاوبوك من غير ما يدايقو .
والحمدلله العربية ماشية حلاوة دلوقتى
شكرااا ليك يا باشمندس هانى
:B4_388:

هههههههههههههههه
هو لسّا أسلوب الدعاية المتٌخلّف ده شغّال؟
شكراً يا عم ميخائيل :C_laugh[1]:

اقتباس:

---

المشاركة الأصلية كتبت بواسطة anaslbda

هههههههههههههههه
هو لسّا أسلوب الدعاية المتٌخلّف ده شغّال؟
شكراً يا عم ميخائيل :c_laugh[1]:

---

دعاية ومتخلف ! !
باشا انا مليش مصلحة فى حاجة وبقول اللى حصل معايا .
الناس بتبقى عايزة تلاقى حد تثق فيه وكل واحد بيقول تجربته عشان الاستفادة تعم
واقلك على حاجة الراجل دا اصلا مش محتاج دعايــــا .

سعر المصنعية كويس جدا .. و المركز ناس كتير شكرت فيه.

أسعار قطع الغيار ايه؟

اقتباس:

---

المشاركة الأصلية كتبت بواسطة kar!m

سعر المصنعية كويس جدا .. و المركز ناس كتير شكرت فيه.

أسعار قطع الغيار ايه؟

---

صحيح السؤال دا بيقلب عليا المواجع بس هقلك :C_laugh[1]:
انا الاول اشتريت الحاجة من مكان اسمه الشرقاوى على جسر السويس دا مشهور

2 مسمار ميزان اصلى.............. 120 جنيه
2 بيض طرف .................. 175 جنيه
2 مساعد خلفى ............ 625 جنيه :(
غطاء ريداتير .................. 30 جنيه
فلتر هوا........................ 25 جنيه
فلتر بنزين ..................... 30 جنيه
زيت شيل 10000 وفلتز زيت ....... 325 جنيه
طقم بوجيهاات ............... 65 جنيه
تيل فرامل امامى ........... 60 جنيه
وش طلمبة بنزين اصلى ... 50 جنيه ( عشان كان الوش اللى تحت الكنية بيطلع بنزين )
وبعدها بكام يوم الريداتير اكتشفت انه بايظ .... جبت واحد كورى جديد ب 375 جنيه من محل اسمه الملك دا جنب الشرقاوى عشان لقيته ارخص وهو هو ..... الشرقاوى بيبيعه ب 425 جنيه ... والمركز ركبهولى واخد مصنعية 50 جنيه تغيير دورة مية

خدهم بقى واجمعهم انتا بقى عشان لو انا جمعتهم ممكن يحصلى حاجة:Oc_sun1[1]:

how much labor cost now???

LE/hr

طيب و ايه انطباعك على العفشة بعد تغيير الحاجات دي؟

اقتباس:

---

المشاركة الأصلية كتبت بواسطة Mecha

how much labor cost now???

LE/hr

---

What do mean by labor ?

مبروك يابوب عل ال تغييرات
رنج الاسعار اللى انت قلتها غاليه حبتين الشرقاوى ده حراااق اوووى كدته ليه

قطع غيار 1880ج
مصنعية 160ج
الاجمالى كله 2040ج

بس ياريت لو تقولنا انت جبت
مساعدين خلفى ايه kyp ولا مونرو ولا ألمانى
والبوجيهات
تيل الفرامل