اصحاب الجنوط 17 و 18 سيراتو و سول

السلام عليكم يا رجالة...
اختى معاها كيا سول موديل 2010 جنوط 18 18/45/225 العربية لسه ما كملتش 18000كم و احنا فى الساحل والعربية ماشية لقينا كاوتش اتقطع و جاب سلك...قعدنا يومين بنتصرف فى فردة كومهو من القاهرة و رحنا نركبها عشان نرجع..لقينا فردتين كمان فيهم تشققات من نفس الحتة اللى الفردة اتقطعت منها..و أختى قلقت ترجع عليهم... المهم احنا استقرينا اننا هنجيب طقم جديد أامن بس المشكلة انى سمعت بردو ان الكومهو وحش بردو فى ال 18 ... زى الهانكوك اللى راكب فيها اصلا و اتشقق.... و كنت هنا على المنتدى باسمع شكاوى ركاب السيراتو جنط 17 ان الكومهو بيعمل بلالين و مش حلو.... أى حد من الناس المجربة تقولى ايه احسن كاوتش على الجنوط الكبيرة دى 17 و 18 و خصوصا انه مش بالاسم لان واحد اعرفه معاه مرسيدس c180 جنط 18 كان مركب بريدجستون و كان بيعمل بلالين معاه بردو.... و جزاكم الله كل خير

باشا احب اقلك انوا المشكلة مش في الكاوتش المشكلة في شاورعنا الجميلة :)

من اول 16 17 18 كل واحد نسبة قطع الكاوتش بتزيد يعني 30 % 60% 90%

اول حفره مطب يقوم خابط في الكاوتش و عشان رفيع يقوم خابط في حديد الجنط يقوم مبقلل و عامل بلونة ديه معنها انوا السلك الداخلي للفردة اتقطع و بقى في كاوتش بس فمع اي حركة ممكن يفرقع

هوا الجنوط مش حتنفع مهاما جبت اي نوع غالي رخيص حيعمل كدة برضه ! هوا كان في ناس جايبة كاوتش رن فلات عشان ده اجمد من العادي بس سعر الفرده الضعف و ده مش حتشتكي منه في الببلالين بس بيتخرم بصعوبة و لو اتخرم بيتصلح مخصوص و بينشف العربية قوي

شوف لو تعرف تبدل جنوطك ببتوعا الكيا ال 16 هيبقى انتا الكسبان او تمشي بقى محافط على العربية و على طرق تعرفها كويس و تقعد تتفادي الحفر بس برضه حتيجل لحظة و يقوم حد مزنق عليك و تلبس الحفرة :)

باشا حضرتك العربية خليجي صح نازلة باي جنوط ؟

http://www.kiasoulforums.com/attachm...compressed.jpg

http://www.kia-forums.com/attachment...-0122tire2.jpg
؟

خليجى اه يا ريس...نازلة بالجنوط اللى فى الصورة الاولانية ... انا عارف اه ان المشكلة فى الشوارع..بس الموضوع مع الهانكوك اللى فيها ده مش بلالين... ده اتشقق يا ريس..

للاسف الجنوط الكبيرة من اول 17 وحشة اوي اوي في مصر وبتبوظ الكاوتش بسرعة

باشا مهوا الشق يعني قطع في الكواتش يعني بعد ما البالونة حصلت يعني الشق ديه المرحلة الاخير !

يعني القطع مع الحفرة بيسبب قطع سلك داخلي و بالتالي بلونة و بالتالي انفجارها و يتبقى الشق !

متتعبش نفسك كل انواع الكاوتش كدة شوف لو حتقدر على تمن الرن فلات او غير الجنوط بحاجة 16

انا معنديش خبرة في الجنوط والكاوتش بس ياريت اللي بينصح بالـRunFlat يحاول يقولنا ايه رينج الاسعار بتاعته في مقاسات ال 16 وال 17 وال 18 علشان صاحب الموضوع يستفيد اكتر!!

وشــــــــــــــــكرا

اقتباس:

---

المشاركة الأصلية كتبت بواسطة ahmed travco

انا معنديش خبرة في الجنوط والكاوتش بس ياريت اللي بينصح بالـrunflat يحاول يقولنا ايه رينج الاسعار بتاعته في مقاسات ال 16 وال 17 وال 18 علشان صاحب الموضوع يستفيد اكتر!!

وشــــــــــــــــكرا

---

باشا انا مش بنصح قوي يعني :) بس هوا نسبة خطوة قطعه اقل من العادي عشان الجنبا اقوى منه مدعمة

اسعاره غالية للأسف عشان بيركب في البي ام الي من غير استبن

فيه كاوتش ليه شفتين
ده بيعالج مشكلة البلالين
عندى فى الريو على جنط 17
ما شاء الله 14000 كم من غير بلالين ما شاء الله
بس الفردة غالية شويتين