المشاركة الأصلية كتبت بواسطة khaled lanos
أول حاجة ربنا يعوض عليك وقدر الله وماشاء فعل.
تاني حاجة..أنا بشتري سير كاتينة دايكو ايطالي من البنا في التوفيقية بـ 85 جنيه تقريبا وبرميه على 40 وساعات 35 ألف..يعني عايز أقولك مش شرط سير أصلي بـ 250 جنيه وبلي مش عارف بكام وتلاقي نفسك دخلت في 500 جنيه للكاتينة بس بالمصنعية..كدا يبقى مصارفيها عالية الصراحة.
وبردو انا مقولتش ان الأصلي مش حلو لا طبعا..بس خلي بالك بردو ان السير اللي انت جيبته ممكن يكون مضروب أصلا والمحل مش تمام..يعني حاول تختار المحلات اللي تجيب منها..أنا عن نفسي بتعامل مع ابراهيم البنا في 5 شارع زكي التوفيقية من سنتين..وحاجته تمام وبسعر الجملة..وبيقولك فيه الأصلي بكذا وفيه أنواع تانية..أنا عن نفسي هو اللي نصحني بالسير الدايكو دا وان هو شخصيا بيستعمله في عربيته..وفعلا السير برميه على 40 الف وبسم الله ماشاء الله شغال تمام..فعايز أقولك إن الأمانة مطلوبة بردو من التجار..عشان كدا حاول بعد كدا تختار أماكن موثوقة وزي ما قولت لك مش شرط تجيب كل حاجة الـ gm الأصلي..لكن المهم المكان نفسه..وربنا يعينك..وابقى قولنا وصلت لإيه عشان نتابع معاك.