مقارنة الامبراطورية الصينية : f3 , m11 , m12 , frv , fsv , ايمجراند
بسم الله الرحمن الرحيم
السلام عليكم و رحمة الله و بركاته
كلنا شايفين انتشار العربيات الصيني بشكل رهيب في السوق
و الاقبال زاد اكتر من الياباني و الكوري لعدة اسباب منها رخص سعرها مع توافر كماليات و وسائل امان مش موجودة في عربيات تانية في نفس الفئة و الامثلة كتييير
و في نفس الوقت عربيات شغالة نادرا ان حد يشتكي لعيب صناعة و ده وارد في كل الانواع مش صيني بس يعني مطلعتش زي اللعب
و محدش يجي يقول ده صيني القصة و ما فيها انه بيعتمد ع المستورد و الاوردر اللي بيتعمل
امت ممكن تطلب حاجة نمرة واحدة تضرب بيها و ممكن تاخد حاجة درجة تالتة و كله ع حسب طلبك ممكن تروح تقوله انا عايز قطعة تكون بالسعر ده و زي ما تطلع
فطالما بقت العربيات الصيني بأنواعها منتشرة
فقولت نعمل موضوع يقارن بين مجموعة من الموديلات يعتبروا في نفس الفئة و عربيات اثبتت نفسها في الشوارع المصرية اللي لو مشيت فيها جرار هيتكسر و يقول ارحموني :oh:
فكل واحد ليه تجربة او مالك او عنده معلومات حقيقية مش مجرد نقل
نتمني يفيدنا عشان الموضوع يكون دليل لكل المقبلين ع شراء اي من الموديلات السابقة
المقارنة ان شاء الله هتكون بين
بي واي دي اف 3 byd f
سبرانزا إم 11 spranza m
سبرانزا إم 12 spranza m
جيلي ايمجراند geely emgrand
بريليانس اف ار في brilliance frv
بريليانس اف اس في brilliance fsv
اما عن اوجه المقارنة هتكون
- الموتور و تكنولوجيا التصنيع او لو كان منقول و اتمني لو العربية جنزير مش سير كاتينة يتم ذكره
- الفتيس كذلك تكنولوجيا و لا منقول
- الاداء ( تسارع - ثبات - فرامل ...الخ..الخ)
- قطع الغيار و توافرها في التوكيل و خارج التوكيل
- امثلة ع اسعار قطع الغيار في التوكيل و خارج التوكيل
- العربيات اللي ممكن يتولف منها قطع غيار للموديلات ديه ( زي البي واي دي مثلا اللي تجيب من تويوتا و متسوبيشي )
- الصيانات سهلة و لا معقدة و العربية سهل الشغل فيها و لا تقرف
- اسعار اعادة البيع
- الاوبشنز و وسائل الامان اللي نازلة في كل فئة في كل موديل
- مقاسات العربية و الوسع
- ملاحظات عن العربية
- تقييمك للعربية كام من 10
- و اخيرا ايه رأيك من وجهة نظرك الشخصية في مقارنة الموديلات ديه مع العربيات التانية اللي في نفس الفئة و خاصة ان الجميع بيحب يقارن بينها و بين الفيرنا و للانوس و اللوجان بالاضافة اني شايف من وجهة نظري عربيات فئة اعلي كمان تتقارن بالموديلات ديه
اتمني كل واحد ليه تجربة او مالك يدخل يفيدنا
و يكتب في عنوان المشاركة نوع العربية و كل نقطة ع حدي ع سبيل المثال يكون زي ابليكيشن كله يمشي عليها عشان الموضوع يبقي منظم :
1111
1111
1111
1111111
11111
111
1
اقتباس:
بي واي دي اف 3 byd f
- الموتور :
- الفتيس :
- الاداء :
- قطع الغيار:
- اسعار قطع الغيار :
- العربيات اللي ممكن يتولف منها قطع غيار :
- الصيانات :
- اسعار اعادة البيع :
- الاوبشنز و وسائل الامان :
- مقاسات العربية و الوسع الداخلي :
- ملاحظات اخري عن العربية :
- التقييم : ... \ 10
- وجهة النظر بخصوص المقارنة بسيارات اخري :
و لو فيه موديل تاني في نفس الفئة انا مش واخد بالي منه يا ريت تقولوه ليضاف الي القائمة
لو الشخص ملوش تجربة غير مع موديل واحد مفيش مشاكل يكتب برده تجربته كله للافادة :) بالتوفيق للجميع