الكاوتشات اللي مبتفسيش Run Flat Tire

Run Flat Tire

هي ببساطة عبارة عن كاوتشات مبتتخرمش ولا بتفسي ولا بتفرقع ولا تهوي ولا تتاكل بمطوه ولا واحد حبيبك يفسيلك الكاوتش
فكك من الهلس وخش علي المفيد
مقدمة
اطارات الرن فلات Run Flat هي مصممة لمقاومة تاثير تفريغ الهواء من جسم الاطار ومقاومة الانكماش نتيجة للنقص في الحجم عند التعرض لخرم من مسمار او زجاج ولتمكين العربية من مواصلة سيرها بامان وبدون مشاكل وبسرعة تصل الي 90 كم/ س ولمسافة تصل الي 160 كم
وتوجد ثلاثة انواع لهذة الاطارات
1 التدعيم الذاتي Self Supporting
بدأت الفكرة عام 1934 علي يد شركة ميشلان التي قدمت كاوتشات مبطنة بالفوم وذلك للعربيات النقل ثم تم بيع هذة الكاوتشات الي الجيش وطبعا كان سعرها غالي مما صعب علي اصحاب الملاكي امتلاكها
وفي عام 1958 قامت شركة كرايسلر بالتعاون مع شركة جوديير لانتاج كاوتشات مبطنة بطريقة تقلل من خروج الهواء
وفي عام 1972 اطلقت شركة دانلوب كاوتشات امنة في السيارات الروفر
وفي عام 1983 اصبحت هذة الكاوتشات هي الكاوتشات الرسمية لسيارات الاستون
وكثير من سيارات BMW الجديدة مزودة بالكاوتشات الامنة من بريدجستون
وحاليا هذة الكاوتشات الامنة موجودة في السيارات النقل والملاكي وهي توفر الحماية للجنط حيث لا يحتك الجنط بالاسفلت ولا يحدث هبوط كبير في سمك الكاوتش نتيجة الخرم او القطع وخروج الهواء
2 ذاتي الحماية Self Sealing
هذة الكاوتشات تحتوي علي تبطين اضافي الذي يحمي من حدوث قطع او خرم في الكاوتش ويقلل تاثيرة باعلي درجة نتيجة منعه لخروج الهواء خارج الكاوتش او سماحة لخروج الهواء بمعدل بطئ جدا
ويوجد ايضا عدد من الكاوتشات التي يمكن حقنها بمادة السيلانت ( مثل السيلكون )
3 التدعيم الاضافي Auxiliary Support
وفي هذا النظام يتم اضافة طبقة كاوتش اخري حول الجنط لتقليل هبوط الكاوتش نتيجة خروج الهواء وتقريبا لن تحس بفروق جوهريه عند حدوث خرم في الكاوتش
وبالتالي لن تكون محتاج الي وجود كاوتش احتياطي ( استبن مش عايز اقولها عشان مجرحش مشاعر حد )

الهدف من هذة الاطارات هي اكمال المشوار بامان دون حدوث انقلاب بالعربية بسرعة جيدة ولمسافة طويلة

http://www.pirelli.com/mediaObject/p...-flat-tyre.jpg


http://www.cordenka.com/img/runflat_tire_1.jpg


http://upload.wikimedia.org/wikipedi...reifen_BMK.jpg

اقتباس:

---

المشاركة الأصلية كتبت بواسطة janagabr

Run Flat Tire

هي ببساطة عبارة عن كاوتشات مبتتخرمش ولا بتفسي ولا بتفرقع ولا تهوي ولا تتاكل بمطوه ولا واحد حبيبك يفسيلك الكاوتش
فكك من الهلس وخش علي المفيد
مقدمة
اطارات الرن فلات Run Flat هي مصممة لمقاومة تاثير تفريغ الهواء من جسم الاطار ومقاومة الانكماش نتيجة للنقص في الحجم عند التعرض لخرم من مسمار او زجاج ولتمكين العربية من مواصلة سيرها بامان وبدون مشاكل وبسرعة تصل الي 90 كم/ س ولمسافة تصل الي 160 كم
وتوجد ثلاثة انواع لهذة الاطارات
1 التدعيم الذاتي Self Supporting
بدأت الفكرة عام 1934 علي يد شركة ميشلان التي قدمت كاوتشات مبطنة بالفوم وذلك للعربيات النقل ثم تم بيع هذة الكاوتشات الي الجيش وطبعا كان سعرها غالي مما صعب علي اصحاب الملاكي امتلاكها
وفي عام 1958 قامت شركة كرايسلر بالتعاون مع شركة جوديير لانتاج كاوتشات مبطنة بطريقة تقلل من خروج الهواء
وفي عام 1972 اطلقت شركة دانلوب كاوتشات امنة في السيارات الروفر
وفي عام 1983 اصبحت هذة الكاوتشات هي الكاوتشات الرسمية لسيارات الاستون
وكثير من سيارات BMW الجديدة مزودة بالكاوتشات الامنة من بريدجستون
وحاليا هذة الكاوتشات الامنة موجودة في السيارات النقل والملاكي وهي توفر الحماية للجنط حيث لا يحتك الجنط بالاسفلت ولا يحدث هبوط كبير في سمك الكاوتش نتيجة الخرم او القطع وخروج الهواء
2 ذاتي الحماية Self Sealing
هذة الكاوتشات تحتوي علي تبطين اضافي الذي يحمي من حدوث قطع او خرم في الكاوتش ويقلل تاثيرة باعلي درجة نتيجة منعه لخروج الهواء خارج الكاوتش او سماحة لخروج الهواء بمعدل بطئ جدا
ويوجد ايضا عدد من الكاوتشات التي يمكن حقنها بمادة السيلانت ( مثل السيلكون )
3 التدعيم الاضافي Auxiliary Support
وفي هذا النظام يتم اضافة طبقة كاوتش اخري حول الجنط لتقليل هبوط الكاوتش نتيجة خروج الهواء وتقريبا لن تحس بفروق جوهريه عند حدوث خرم في الكاوتش
وبالتالي لن تكون محتاج الي وجود كاوتش احتياطي ( استبن مش عايز اقولها عشان مجرحش مشاعر حد )

الهدف من هذة الاطارات هي اكمال المشوار بامان دون حدوث انقلاب بالعربية بسرعة جيدة ولمسافة طويلة

---

شكرا علي المعلومات الجميلة
انا اول مرة اعرفها
طيب الكاوتش ده low profile بس ولا كل المقاسات ؟
وفعلا كدة هايخلينا نستغني علي الاستبن المتبقي و هو استبن العربية :C_laugh[1]:

شكرا لك على الموضوع الجميل . بس ترجمه عنوان الموضوع هو الى مش حلو ما فيش بديل للعنوان ؟ مع ان لغتنا العربيه جميله وغنيه بالكلمات بس حاسس ان مافيش بديل لكلمه (يفسى ) يعنى انا لمل باروح لبتاع الكاوتش بقوله الكاوتش نايم ما بقولش مفسى وفى الخليج بيقولوا ( بنشر ) وايه اصل الكلمه دى وجت منين ؟ من الصوت اللى بيعمله مثلا ولا ايه

اقتباس:

---

المشاركة الأصلية كتبت بواسطة mshmshm3

شكرا علي المعلومات الجميلة
انا اول مرة اعرفها
طيب الكاوتش ده low profile بس ولا كل المقاسات ؟
وفعلا كدة هايخلينا نستغني علي الاستبن المتبقي و هو استبن العربية :c_laugh[1]:

---

هو فعلا موديلات بى ام اللى بتنزل رن فلات ما بيكونش فيها استبن

موضوع جميل
هو الانواع دي متوافره بمصر ؟

سيبك من الانواع دى وشوف الفديو ده :)
‫مستقبل الاطارات‬‎ - YouTube

عندي في bmw عيوبه أنه أنشف من الكوتش العادي على الأقل 25% طبعا أغلى من العادي وفعلا العربيه بتنزل من غير استبن علشان يوفرم فلوس معظم الناس بتشتري استبن وتركب كاوتش عادي علشان السعر والراحه

مشكورر علي المعلومة الجميلة دي

شكراا ياباشا ع الافاده

تحياتي للموضع الممتاز
تم اضافة بعض الصور التوضيحية بمعرفتي

سعرها كام ف مصر لو حبينا نغير ليها

الله يباركلك على هذه المعلومات المفيده انا فعلا استفدت جداا من المعلومات دى
ربنا يجعلها فى ميزان حسانتك

اقتباس:

---

المشاركة الأصلية كتبت بواسطة hisham80

عندي في bmw عيوبه أنه أنشف من الكوتش العادي على الأقل 25% طبعا أغلى من العادي وفعلا العربيه بتنزل من غير استبن علشان يوفرم فلوس معظم الناس بتشتري استبن وتركب كاوتش عادي علشان السعر والراحه

---

لا يا باشا اللي بيعمل كده بيكون بسبب فلوس تغيير الكاوتشات !!!!!!!!!!!!!

لما اقولك جنط 18 زي اللي عندي في bmw هقولك الفردة الوحدة 4300 في التوكيل !!!!!

يعني اضرب في 4 يطلعلك ناتج التغيير !!!!!!!!!!!!

احنا اللي بنعمله ده قصر ديل مش اكتر ههههههههههههههههههههه

دايماً بتوع حركات ونطلع لنفسنا مبررات على الغلط اللي بنعمله !!!!!! عارف يعني ايه كاوتش مينفجرش بيك ؟؟؟؟ انت مجربتش ان الكاوتش ينفجر بيك !!!!!!!!!!

الله المستعان

روعه

مشكور ياباشا علي الةضوع الشيق بس سؤال ينفع نركبة علي اي عربية وهوا بيتباع فين

عموما الرن فلات أغلي وأنشف ... التكنولوجي مفيد بس لسه محتاج تظبيط عشان التكلفه مقابل الأمان تكون مشجعة ...

اسعاره ايه للى يعرف عنه او شافه بيتباع ....................

اقتباس:

---

المشاركة الأصلية كتبت بواسطة rider 2050

سيبك من الانواع دى وشوف الفديو ده :)
‫مستقبل الاطارات‬‎ - youtube

---

الناس دى مش هاتبطل تعقدنا بقى

مشكور على الفيديو

شكرا على المعلومات

Sent from my GT-S6500D using Forum Runner

اقتباس:

---

المشاركة الأصلية كتبت بواسطة fo1fo

شكرا لك على الموضوع الجميل . بس ترجمه عنوان الموضوع هو الى مش حلو ما فيش بديل للعنوان ؟ مع ان لغتنا العربيه جميله وغنيه بالكلمات بس حاسس ان مافيش بديل لكلمه (يفسى ) يعنى انا لمل باروح لبتاع الكاوتش بقوله الكاوتش نايم ما بقولش مفسى وفى الخليج بيقولوا ( بنشر ) وايه اصل الكلمه دى وجت منين ؟ من الصوت اللى بيعمله مثلا ولا ايه

---

هههههههههههه
فعلا معاك حق العنوان مش ظريف
كان ممكن نخليه

إطارات سيارة ضد الإنفجار
أو إطارات سيارة الأكثر أماناً

موجود فى مصر وبيركب علي الانواع عند مقاس 16 وانت طالع

سعر 16/205/55 = 1300ج
ويفضل النفخ بغاز النيتروجين الاصليييييييي لتخفيف الاحساس بالحديه

فى امان الله

شكراً جزيلاً بارك الله فيك

جزاك الله كل خير علي المعلومات المفيدة لكن وجب التنويه أن ال Run flat tire بيتخرم عادي و بينام عادي (بلاش الكلمة التانية) لكن كل الموضوع أنه مش بينزل علي الأرض زي الكاوتش العادي يعني لما يفضي خالص من الهوا و تبص عليه تلاقي شكله مريح فقط لكن مش علي الأرض و ده ميزته أنه بيخليك تقدر تمشي فعلا مسافة معينة علي سرعة معينة زي ما سيادتك ذكرت لحد مكان معمور أو ورشة اصلاح.
بخصوص أنه يركب علي أي عربية طبعا ما فيش مشكلة لكن الصح أن العربية تكون نازلة بيه. طب ليه. عشان بتكون نازلة ب نظام لمراقبة الضغط داخل الاطار لأن لما الكاوتش يفضي خالص من الهوا أنت مش هتحس و ممكن تمشي بيه مسافه كبيرة أكتر من المسموح و بالتالي يحصل ما لا يحمد عقباه. ف لازم العربية تنبهك أن الكاوتش فقد ضغط الهوا عشان تعمل حسابك علي سرعة و مسافة معينة.

الله يباركلك يا اخى طيب يعنى انا معايا سوبر اكشن اجيب بقى الكاوتش دة عادى والا بلاش ؟؟؟

ما انصحكش لأن لو نام منك مش هتحس و هتفضل ماشي عليه لحد ما يتفتفت و يبقي زي البودرة من السخونية و كده أنت يتزود الخطورة مش بتقللها. أنا مرة العجل نام مني و العربية اديتني تنبيه نزلت بصيت علي الكاوتش و كنت شايفه عادي مش نايم و قولت الكمبيوتر مهيس و مشيت حوالي 4 أو 5 كيلو و جريت علي 160 و بردو مش حاسس بحاجة و بعد كده وقفت قولت أبص كده ايه الاخبار لقيته نايم فعلا قيسته لقيت الضغط زيرو أه و الله زيرو.

‫اطارات بدون هواء !!‬‎ - YouTube