ممكن تساعدونى فى اختيار اسكوتر
السلام عليكم و رحمه الله و بركاتة
انا اول مرة اشترك معاكوا و بصراحة عجبانى فكرة الاسكوتر و عايز اشترى واحد اروح بية الشغل بدل العربية علشان الزحمة الفظيعة و كمان البنزين بصراحة بس ياريت تساعدونى فى كذا حاجة كدة علشان دة هيتحدد علية ان كنت اشترى او لأ
1- انا ساكن فى 6 اكتوبر و شغلى فى مصر الجديدة يعنى كل يوم حوالى 40 كيلو رايح و زيهم راجع بالنسبة بأة ان اول مرة اركب اسكوتر او موتوسيكل هل المسافة دية هتبقى عادى انى اخدها على الاقل 3 مرات فى الاسبوع بالاسكوتر خصوصآ ان همشى منها حبة حلويين على الدائرى يعنى هيبقى متعب ولا عادى ولا اية
2- انا امكانياتى لا تتعدى 10 الف جنية يعنى اقصى اسكوتر اقدر اجيبة حاجة 150 سى سى و انا دورت كتير و عاجبنى SYM Fiddle 2 and Symphoney sr اية رأيكم هل الموديلات دية تستحمل المشوار دة ولا لأ و لو ممكن ترشحولى ايهم افضل و لو فى حاجة تانى فى نفس الرينج يبقى كتر خيركم
اعذرونى للأطاله