عيب يجنن يستحق الدراسه

**acoount** · 30-08-2013 11:24 PM

الاعضاء المحترمين ..السياره دايو لانوس 2004 كنت طرحت المشكله دى من حوالى شهر وهو ان الفيوز رقم 4 من اسفل تجاه اليمين من علبه الفيوز دايما بيضرب (الفيوز ده خاص بطلمبه البنزين ) وروحت.. للكهربائى ورجل امين قالى ان مكان الفيوز لما كان بيضرب سيح الفبره ووسعت وبالتالى بيشرز وبيحرق اى فيوز وونقله على الفيوز اللى فوقه وده خاص بساخانات الزجاج يعنى معلهوش حمل ...واخدت العربيه يومين ورجعت الفيوز تضرب ..ودتهالو راجع على الشغل وقالى بصراحه انا مش شايف حاجه لازم يكون العيب مستمر ..قلت اراجع كهربائى تانى ...اول ما قلتله كده قالى يا بيه محتاج تغير طلمبه البنزين مع انى ما بشتكيش منها ...قالى الموتور بيعمل قافله ...يتروح وتيجى ...قلت اخد راى تانى روحت للميكانيكى بتاعى قلتله على الشكوه ..بدون تفكير قالى عيب طلمبه بنزين ..قلت يبقى خلاص اخدته وروحنا عند سوسو اللى فى الهرم اشترينا طلمبه وركبناها هناك وكانت ب200 ج استيراد وركبت العربيه تمام ...بس ما لحظتش فرق فى اداء العربيه وهو اقنعنى انها افضل من الطلمبه بتاعتى ..مفيش يومين ... والفيوز ضرب تانى اتجننت .. روحتلوا حلفلى ان الطلمبه تمام وراجع على الضفيره بسرعه من عند الطلمبه تحت الكنبه حتى علبه الفيوز وعزلها تانى وقالى انا مش شايف حاجه ولو حصلت تانى هاتهالى تانى ..معلش طولت عليكم بس لو حد عنده حل يقوله ...ولكم جزيل الشكر

**eng.salama93** · 30-08-2013 11:40 PM

موضوع عيب الفيوز بتاع طرمبه الميه دا منتشر أوي ف كذا عربية و مش عارف حله ايه
انا شفته مع كذا واحد صاحبي
لدرجه ان واحد فيهم قلب الطفاية اللي عنده و ملاها فيوزات عشان و هو ماشي ع السرعات العالية و الفيوز ضرب يغيره بسرعه .... متابع عشان نفسي اعرف العيب دا اخرته ايه

**magdy gaafar** · 31-08-2013 12:15 AM

متابع معاك اعرف العيب الخطير ده اخرة ايه
ربنا معاك
تحياتى

**elpasha1** · 31-08-2013 12:44 AM

متابع

**ozy2026** · 31-08-2013 01:03 AM

طب حضرتك متأكد ان الفيوز ده هو المناسب
مش ممكن يكون الحمل زياده عليه ومحتاجه رقم أعلى

**amz2011** · 31-08-2013 01:13 AM

حصلت مع عمى لدرجه انه باع العربيه بسبب الفيوز داه

**truss** · 31-08-2013 01:48 AM

حضرتك صاحب الموضوع دة
http://www.nilemotors.net/Nile/372236-a.html
انا رديت عليك فيه بس انت يمكن ما تابعتش الموضوع, اقرأ ردى و شوف سبب المشكلة

**MMamdouh** · 31-08-2013 06:06 AM

دا عيب سلك معدى من الفبرة بتاعت العتب اليمين... فية سلك من سلوك الضفيرة العازل بتاعة اتعرى و بيلمس فى ارضية العربية و بيعمل قفلة... 99% هيكون الموضوع دة بيحصل و حد راكب جنبك

فك الفبرة و راجع على عزل جميع السلوك اللى فايتة من المنطقة دى

MMamdouh