مشكله فى الشغل

**Mohamed_Hamid** · 01-09-2013 09:32 AM

المشاركة الأصلية كتبت بواسطة eng_volto

mohamed_hamid
انا بردو عملو معايا شيء شبه كده صاحب الشركه النهرده جي بيقولى اني انا بقوله ان الناس مش عيزه تشتغل ومعترضه وان في ناس كلموه قلوله لا احنا هنشتغل وملناش دعوه بيهم كله بقي خايف وبيبيعو فى بعض

دى طبيعة المصريين يا هندسة. لسه علشان انت فى بداية حياتك مش واخد بالك من الحكاية دى وده اللى قلته لخويا ممكن يكون من دورك برضه لكن من تعليقات الأخوة هنا كلهم واضح انهم فاهمين الحكاية دى... ساعة الجد الكل بيبيع . للأسف المصريين مش على قلب رجل واحد فى اى حاجة. علشان كدة مش هنتقدم خطوة بالوضع ده.

**maryano** · 01-09-2013 11:06 AM

متحربش معركة مش معركتك
اللي مضايق من حاجة و ليه لسان يتكلم هوا
ولو صاحب الشركة قالك تاني انك انتا اللي بتسخن العمال قلو انهم كانو طالبين واسطك بينهم و بينو و انتا وافقت علاشان الشغل مش اكتر و انك اعدت تسمعلهم علاشان تسجدهم علاشان الشغل يمشي

**#MAAM#** · 01-09-2013 11:17 AM

أنت علشان لسه حديث التخرج بس إتأثرت بيهم ... بص ياهندسة هما هيبيعوك عند اول موقف وكله هيبيع كله عند الفلوس ... نصيحة ليك اشتغل بما يرضي الله وما تحتكش بيهم الا في اضيق الظروف لأن انت لسه ياما هتشوف .... انا في بداية حياتي برضه كنت مفترض حسن النية وشفت بجد من الفنيين حاجات لا يمكن تتخيلها .... اسفنه وتسخين عند المدير واي مشكله يجرو على المدير واصل المهندس عمل وسوا وكده ... ومحدش هيفيدك ... ركز في شغلك واكل عيشك وارضي ربنا وبس

**أبو صلاح** · 01-09-2013 01:54 PM

الجميل بقى لما المشاكل دي بتتعمل في الغربة في السعودية وخلافه
بتظهر المصريين بشكل سيء جدا وكانهم بياكلو في بعض
حتى صاحب العمل بيبقى مستغرب جدا لكنه مبسوط من هذا الوضع

**#MAAM#** · 01-09-2013 02:15 PM

المشاركة الأصلية كتبت بواسطة أبو صلاح

الجميل بقى لما المشاكل دي بتتعمل في الغربة في السعودية وخلافه
بتظهر المصريين بشكل سيء جدا وكانهم بياكلو في بعض
حتى صاحب العمل بيبقى مستغرب جدا لكنه مبسوط من هذا الوضع

المستفيد الوحيد هو صاحب العمل وتلاقي جنسيات تانية زي السودانيين خايفين على بعض جدا ... ولكن المصريين برضه هتلاقي كتير منهم جدع بس الوحش هو اللي باين وطافي على السطح

**أبو صلاح** · 01-09-2013 03:01 PM

المشاركة الأصلية كتبت بواسطة #maam#

المستفيد الوحيد هو صاحب العمل وتلاقي جنسيات تانية زي السودانيين خايفين على بعض جدا ... ولكن المصريين برضه هتلاقي كتير منهم جدع بس الوحش هو اللي باين وطافي على السطح

السودانيين؟ وما ادراك مالسودانيين
يا اخي انت لو ليك زميلك في العمل سوداني تلاقيه عارف في كل خرابة عفريت
وهتلاقي شقته دي مزار لكل السودانيين واقامة شاملة

**أحمد كمال** · 02-09-2013 01:27 PM

المشاركة الأصلية كتبت بواسطة أبو صلاح

السودانيين؟ وما ادراك مالسودانيين
يا اخي انت لو ليك زميلك في العمل سوداني تلاقيه عارف في كل خرابة عفريت
وهتلاقي شقته دي مزار لكل السودانيين واقامة شاملة

ناس واصلة

و بعدين مش عيب يعني انهم اهل ضيافة و فاتحين بيوتهم لبعض

**أبو صلاح** · 02-09-2013 02:56 PM

المشاركة الأصلية كتبت بواسطة أحمد كمال

ناس واصلة

و بعدين مش عيب يعني انهم اهل ضيافة و فاتحين بيوتهم لبعض

ياباشا محدش جاب سيرة العيب
ده انا بتمنى نكون زيهم في ارتباطهم ببعض

بس كان في زميلنا مصري ساكن في عمارة عوائل وجاره المقابل ليه سوادني كان كل خميس تقريبا بيجمع سودانيين المنطقة بزوجاتهم وعيالهم وبيقلبوا البيت بالسطح مهرجان عالمي
كان زميلي ده بيطفش من البيت يوم الخميس

على فكرة برضه في ماليزيا (نقلا من خالد ابو رقية) بيرفضوا يأجرو الشقق لسودانيين بسبب التجمعات الرهيبة بتاعتهم

**Bassem Youssef** · 02-09-2013 03:40 PM

ربنا يصلح الحال

-

الموضوع: مشكله فى الشغل

LinkBack

أدوات الموضوع

عرض

-

-

-

-

المواضيع المتشابهه

ايه أولوياتك فى الشغل؟

أروح الشغل ولا لأ ؟؟

بصفي من الشغل

ذل الشغل

الكلمات الدلالية لهذا الموضوع

المفضلات

المفضلات

ضوابط المشاركة