الموضوع: السفر الى اليونان سياحة

تصريح سفر من المنطقه العسكريه اللي انت تابع ليها وده هيطلب التاشيره او التذكره وغالبا هيتحتاج اذن من الكليه او المدرسة التابع ليها

بصفة عامة فى منطقة الشنجن لكل السفارات الأوراق ديه بتكون مطلوبة مع طلب التقديم:
-جواز سفر صالح لمدة عام
- كشف حساب بنكى ال 6 شهور الاخرانيه قبل ميعاد التقديم و المبلع لا يقل عن 50 الف جنيه او على الاقل يغطى مصاريف رحلتك و عدد الايام الى حتعدها و كل مرصيدك يبقى كبير فرصتك بتبقى اكبر.

- شهادة تامين من اى شركة سياحة ممكن تطلعهالك و تكلفتها بتبقى على اساس عدد ايام رحلتك و سنك
- حجز فندق مؤكد و اى شركة سياحة تطلعهولك برده
- حجز طيران موكد ذهاب و عودة
- عدد 2 صورة شخصيه خلفية بيضاء
- الى عنده ممتلكات او شركات او محل يجيب السجل التجارى اصل و صورة

- و الى بيشتغلى فى شركة يجيب جواب من العمل انه بيشتغل هناك من تاريخ كذا برقم تامينى كذا و ممضى و مختوم من الشركة.
- لو فيه ليك حد هناك من مواطنى اليونان يعمللك دعوة ده ممكن يسهل لك ألأمور...لو روحت منك لنفسك كشاب لوحدك و باسبورك مفيهوش فيز سابقة لبلاد أوروبية أو أمريكا فرصتك بتكون قليلة جدا فى الحصول على الفيزا

و فى سفارات بتطلب منك تملى الطلب على النت و بيتبعتلك ايميل بميعاد ألأنترفبو و بتروح و معاك الورق السابق ذكره. ومعرفش تحديدا نظام سفارة اليونان فى نظام ألأنترفيو لأنى مازرتهاش قبل كده