الحمد لله إستلمتها يوم الخميس

**tutankhamoun** · 06-09-2008 06:11 PM

ألف مبروك لإستلامك جميلة الجميلات
إنها التحفة الفنية
جيــــــــــــــــــن 2

ربنا يباركلك فيها ............ و يبارك فيك ........ و يقيك شر الطريق
و يعطيك كل خيرها و يقيك من أي شر فيها

----------------------------------------------------------------

خلي بالك ........... خليك حنين على العربية في فترة التليين

**TrickyAhmed85** · 07-09-2008 01:58 AM

السلام عليكم

اسف انى غبت عليكم بس انا أخدت علقه فى المرور التهارده محترمه رجعت بعدها قتيل,

هيا لونها يا إسلام جراى مدى على سماوى سنه , ده اللون بتاع 2008 زى الدرجه بتاع البى إم

أنا رحت المرور النهارده وان شاء الله فاضلى بوليصة التأمين الإجبارى هخلصها بكره وأخد الرخصه بأمر الله

كان معايا عمى بيظبطلى موضوع الترخيص ده واحنا راجعين طلب منى أشغل التكييف كان الجو حر وهوا تعب معايا جدا المهم شغلتو مسافة 15 كيلو كده ومقرصتش عليها

هل كده ضرر أوى ؟؟؟؟؟

**momenhamdy** · 07-09-2008 02:08 AM

المشاركة الأصلية كتبت بواسطة TrickyAhmed85

السلام عليكم

اسف انى غبت عليكم بس انا أخدت علقه فى المرور التهارده محترمه رجعت بعدها قتيل,

هيا لونها يا إسلام جراى مدى على سماوى سنه , ده اللون بتاع 2008 زى الدرجه بتاع البى إم

أنا رحت المرور النهارده وان شاء الله فاضلى بوليصة التأمين الإجبارى هخلصها بكره وأخد الرخصه بأمر الله

كان معايا عمى بيظبطلى موضوع الترخيص ده واحنا راجعين طلب منى أشغل التكييف كان الجو حر وهوا تعب معايا جدا المهم شغلتو مسافة 15 كيلو كده ومقرصتش عليها

هل كده ضرر أوى ؟؟؟؟؟

اولاً يا سيدي الفاضل ان شاء الله تتم الاجراءات بكرة و تسلم الرخصة و البوليصة و لكن متألقش من موضوع التكيف بس تستحسن انه متشتغلش في فترة التلين علشان الموتور ياخد راحته و مايكونش عليه جهد

**mohamedkamal86** · 07-09-2008 03:17 AM

السلام عليكم على المنتدى الرائع
وموضوع ممتاز وسلامى لكل اللى فى المنتدى بس انا كان ليا استفسار بالنسبه للضمان العربيه ايه اصل انا سمعت انها سنه او 20000كم وده تهيالى قليل جدا على العربيه وكنت عايز اعرف انظمه التامين واحسن نظام ايه والاقساط بتاعته وكل حاجه بس عشان انا هستلم العربيه بتاعتى بعد بكره على الاتنين انا عارف انى طولت عليكم بس اتمنى المساعده منكم

**momenhamdy** · 07-09-2008 04:30 AM

المشاركة الأصلية كتبت بواسطة mohamedkamal86

السلام عليكم على المنتدى الرائع
وموضوع ممتاز وسلامى لكل اللى فى المنتدى بس انا كان ليا استفسار بالنسبه للضمان العربيه ايه اصل انا سمعت انها سنه او 20000كم وده تهيالى قليل جدا على العربيه وكنت عايز اعرف انظمه التامين واحسن نظام ايه والاقساط بتاعته وكل حاجه بس عشان انا هستلم العربيه بتاعتى بعد بكره على الاتنين انا عارف انى طولت عليكم بس اتمنى المساعده منكم

طبعاً يا استاذي الفاضل الف مبروووك علي العربية مقدماً اولاً احب اقولك ان العربية الضمان بتاعها 3 سنوات او 60 الف كم شامل علي السيارة ... و خمس سنوات او 100 الف كم علي الموتور و الفتيس (ناقل الحركة )
ثانياًً : بالنسبة لموضوع التأمين علي العربية انا و الله اعتقد انها بتفرق من شركة الي شركة و كل نظام بيكةن ليه مبلغ و دا بيتوقف علي الشركة الي حضرتك حتجيبوا منها و ممكن الاخوة الافاضل هنا في المنتدي يفيدوا حضرتك في الموضوع الخاص بالتأمين و شكراً

رمضان كريم

**mohamedkamal86** · 07-09-2008 05:21 AM

متشكر على سرعه ردك وشاكر جدا

**TrickyAhmed85** · 10-09-2008 10:48 AM

السلام عليكم

انطباعاتى فى أول إسبوع

الحمد لله العربيه سحابه وثابته وزى الفل مفيش مشاكل جديده غير اللى قلتلكم عليها

استهلاك البنزين فى الكمبيوتر بيقل شويه بشويه , النهارده وصل معايا 9.6 ماشاء الله وانا فى التليين, أظن كده معقول ولسه هيقل كمان, انا كنت قرأت قبل كده انهم بيقللو الكهربا شويه فى صيانة الألف , أعمل كده والا النسبه كده معقوله ؟؟

عداد الكيلومترات المتبقيه اللى يمكن قطعها بيزيد على السرعات الثابته وبالذات مع مثبت السرعه وأدائها المثالى اللى أعرفه لحد دلوقتى 85 أو 90 كم/س

فى الأول بس وانا طالع العداد بيقل بشراهه يعنى عداد الكيلومترات المقطوعه بيزيد 2 كيلو مثلا وألاقى صاحبنا نزل 15 , بس لما العربيه تستلم الطريق بيرجع يزيد تانى

بس برضو ده الصبح هل مثلا عيب فى التسخين واللا ايه وايه أمثل طريقه للتسخين ؟؟

**tutankhamoun** · 10-09-2008 11:47 AM

أولا زي ما قال الباشمهندس مؤمن
ضمان السيارة
60 ألف كيلومتر أو 3 سنوات على السيارة بالكامل
100 ألف أو 5 سنوات على صندوق السرعات و المحرك

----------

أستاذ أحمد صاحب الموضوع
بالنسبة لإستهلاك البنزين
كمبيوتر السيارة مؤشر لحساسية رجلك على البنزين مش مؤشر عام
يعني لو أنت في زحمة هاتلاقي المؤشر نزل قوي
و لو طلعت بعدها على طول بيعلى تاني و ده معناه
إن الكمبيوتر بيوقلك لو فضلت سايق بالطريقة دي
الإستهلاك هايكون كذا
و لما بتثبت السرعة الإستهلاك بيقل و معناه إن لو فضلت على السرعة دي الإستهلاك هايبقى كذا

لو عايز تقيس الإستهلاك الفعلي
أتطلع على موضوعي في قسم البروتون عن إستهلاك السيارة للبنزين و طريقه حسابه و أتمنى إن شاء الله أن يفيدك

**TrickyAhmed85** · 10-09-2008 12:01 PM

شكرا توت باشا

**TrickyAhmed85** · 10-09-2008 12:01 PM

شكرا توت باشا

الموضوع: الحمد لله إستلمتها يوم الخميس

LinkBack

أدوات الموضوع

عرض

-

-

-

-

المواضيع المتشابهه

يوم الخميس

الحمد لله ربنا نجانى ...خمسة كانوا هيثبتونى ..الحمد لله

الحمد لله إستلمت الساجا أخيراً يوم الخميس ولسه الورق

إستلمتها أخيراً

الحمد لله رب العالمين استلمت يوم الخميس 6\3\2008 عربيتي A516

الكلمات الدلالية لهذا الموضوع

المفضلات

المفضلات

ضوابط المشاركة